ਤਰਨਤਾਰਨ ਪੁਲਿਸ ਨੇ ਅੱਜ ਇੱਕ ਅਹਿਮ ਕਾਰਵਾਈ ਕਰਦੇ ਹੋਏ ਦੋ ਖਤਰਨਾਕ ਗੈਂਗਸਟਰਾਂ— ਰਾਜੂ ਸ਼ੂਟਰ ਅਤੇ ਹੈਪੀ ਬਾਬਾ— ਨੂੰ ਉਹਨਾਂ ਦੇ ਪੰਜ ਸਾਥੀਆਂ ਸਮੇਤ ਗ੍ਰਿਫਤਾਰ ਕਰ ਲਿਆ ਹੈ।
ਪੁਲਿਸ ਨੂੰ ਗੁਪਤ ਸੂਚਨਾ ਮਿਲੀ ਸੀ ਕਿ ਕੁਝ ਅਪਰਾਧੀ ਇੱਕ ਮੈਰਿਜ ਪੈਲੇਸ ਦੇ ਬਾਹਰ ਇਕੱਠੇ ਹੋ ਰਹੇ ਹਨ। ਦੱਸਿਆ ਗਿਆ ਹੈ ਕਿ ਇਹ ਸਾਰੇ ਰਾਜੂ ਸ਼ੂਟਰ ਦੇ ਪੁੱਤਰ ਦਾ ਜਨਮਦਿਨ ਮਨਾਉਣ ਲਈ ਜੁੜੇ ਸਨ।
ਇਸ ਸੂਚਨਾ ‘ਤੇ ਕਾਰਵਾਈ ਕਰਦਿਆਂ ਤਿੰਨ ਪੁਲਿਸ ਟੀਮਾਂ ਨੇ ਤੁਰੰਤ ਮੈਰਿਜ ਪੈਲੇਸ ਦੇ ਬਾਹਰ ਜਾਲ ਵਿਛਾਇਆ ਅਤੇ ਸਮਾਂ ਰਹਿੰਦੇ ਰਾਜੂ ਸ਼ੂਟਰ, ਹੈਪੀ ਬਾਬਾ ਅਤੇ ਉਨ੍ਹਾਂ ਦੇ ਪੰਜ ਹੋਰ ਸਾਥੀਆਂ ਨੂੰ ਮੌਕੇ ਤੋਂ ਕਾਬੂ ਕਰ ਲਿਆ।
ਮੁਲਜ਼ਮਾਂ ਕੋਲੋਂ ਕੁੱਲ ਪੰਜ ਪਿਸਤੌਲਅਤੇ ਵੱਡੀ ਮਾਤਰਾ ਵਿੱਚ ਜ਼ਿੰਦਾ ਕਾਰਤੂਸ ਬਰਾਮਦ ਹੋਏ ਹਨ।ਮੁਲਜ਼ਮਾਂ ਖਿਲਾਫ਼ ਥਾਣਾ ਸਦਰ ਵਿਖੇ ਤਰਨਤਾਰਨ FIR ਦਰਜ ਕਰ ਲਈ ਗਈ ਹੈ।
