Chandigarh, October 5
ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਨੇ ਪੰਜਾਬ ਵਿਚ ਕਥਿਤ ਤੌਰ ਉੱਤੇ ਕੀਤੇ ਗਏ Cash for Postings ਘੋਟਾਲੇ ਦੀ CBI ਜਾਂਚ ਦੇ ਹੁਕਮ ਜਾਰੀ ਕੀਤੇ ਨੇ। ਚੀਫ ਜਸਟਿਸ ਦੇ ਇਕ ਬੇਂਚ ਨੇ ਅੱਜ ਵਕੀਲ ਨਿਖਿਲ ਸਰਾਫ ਵਲੋਂ ਅਗਸਤ ਦੇ ਮਹੀਨੇ ਵਿਚ ਦਾਇਰ ਕੀਤੀ ਗਈ ਜਨਹਿਤ ਪਟੀਸ਼ਨ CWP 238 ਉੱਤੇ ਸੁਣਵਾਈ ਤੋਂ ਬਾਅਦ CBI ਪੜ੍ਹਤਾਲ ਦੇ ਆਦੇਸ਼ ਦਿੱਤੇ। ਅਦਾਲਤ ਨੇ CBI ਨੂੰ ਦੋ ਮਹੀਨਿਆਂ ਅੰਦਰ ਮਾਮਲੇ ਦੀ ਜਾਂਚ ਦੀ ਸਟੇਟਸ ਰਿਪੋਰਟ ਵੀ ਅਦਾਲਤ ਸਾਹਮਣੇ ਪੇਸ਼ ਕਰਨ ਦੀ ਤਾਕੀਦ ਕੀਤੀ।
ਜ਼ਿਕਰ ਏ ਖਾਸ ਹੈ ਕਿ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੇ ਦੋ OSDs ਰਾਜਵੀਰ ਘੁੱਮਣ ਅਤੇ Dr Romi ਰਾਜ ਮਹਾਜਨ ਸਮੇਤ ਕੁੱਝ ਨਿਜੀ ਵਿਅਕਤੀਆਂ ਵਲੋਂ ਸਰਕਾਰੀ ਦਫਤਰਾਂ ਵਿਚ postings ਅਤੇ ਟਰਾਂਸਫਰਾਂ ਨੂੰ ਅਣ ਅਧਿਕਾਰਿਤ ਤੌਰ ਉੱਤੇ ਕਰਵਾਉਣ ਅਤੇ ਪ੍ਰਭਾਵਿਤ ਕਰਨ ਦੇ ਮਾਮਲੇ ਵਿਚ Enforcement Directorate ਨੇ ਪੰਜਾਬ ਪੁਲਿਸ ਦੇ ਮੁੱਖੀ ਨੂੰ ਚਿੱਠੀਆਂ ਲਿਖ ਕੇ ਮਾਮਲੇ ਵਿਚ FIR ਦਰਜ ਕਰਨ ਨੂੰ ਕਿਹਾ ਸੀ ਲੇਕਿਨ ਪੰਜਾਬ ਪੁਲਿਸ ਨੇ ਮਾਮਲੇ ਵਿਚ FIR ਦਰਜ ਨਹੀਂ ਕੀਤੀ। ਇਸਤੋਂ ਬਾਅਦ ਮਾਮਲੇ ਨੂੰ ਇਕ PIL ਦੀ ਸ਼ਕਲ ਵਿਚ ਹਾਈ ਕੋਰਟ ਲਿਜਾਇਆ ਗਿਆ ਜਿਸ ਉੱਤੇ ਆਇਆ ਫੈਸਲਾ ਚੋਣਾਂ ਤੋਂ ਪਹਿਲਾਂ ਕਾਫੀ ਅਹਿਮ ਮੰਨਿਆ ਜਾ ਰਿਹਾ ਹੈ। ਵਿਰੋਧੀ ਪਾਰਟੀਆਂ ਦੇ ਆਗੂਆਂ ਵਲੋਂ ਹਾਈ ਕੋਰਟ ਦੇ ਫੈਸਲੇ ਦਾ ਸਵਾਗਤ ਕੀਤਾ ਜਾ ਰਿਹਾ ਹੈ।
