New Delhi/ SAS ਨਗਰ, May 15
ਕੇਂਦਰੀ ਜਾਂਚ ਏਜੇਂਸੀਆਂ ਨੂੰ ਉੱਤਰ ਭਾਰਤ ਵਿੱਚ ਨਸ਼ੇ ਦੀ ਤਸਕਰੀ ਦਾ ਵੱਡਾ ਨੈੱਟਵਰਕ ਚਲਾਉਣ ਵਾਲੇ ਵਿਦੇਸ਼ਾਂ ਤੋਂ ਬੈਠੇ ਕੰਮ ਕਰ ਰਹੇ ਡਰੱਗ ਸਿੰਡੀਕੇਟਾਂ ਖਿਲਾਫ ਇਕ ਵੱਡੀ ਕਾਮਯਾਬੀ ਮਿਲੀ ਹੈ। NIA ਪੁਰਤਗਾਲ ਤੋਂ ਚੱਲ ਰਹੇ ਹੈਰੋਇਨ ਸਪਲਾਈ ਅਤੇ ਨਾਰਕੋ ਅੱਤਵਾਦ ਦੇ ਇਕ ਵੱਡੇ ਸਰਗਨਾ ਇਕ਼ਬਾਲ ਸ਼ੇਰਾ ਨੂੰ extradite ਕਰਵਾਉਣ ਵਿਚ ਕਾਮਯਾਬ ਹੋਈ ਹੈ। ਬੀਤੇ ਦਿੰਨ ਇਕਬਾਲ ਸ਼ੇਰਾ ਨੂੰ ਦਿੱਲੀ ਲਿਆਂਦਾ ਗਿਆ ਜਿਥੋਂ ਉਸਨੂੰ NIA ਦੀ ਮੋਹਾਲੀ ਦੀ ਅਦਾਲਤ ਵਿਚ ਪੇਸ਼ ਕੀਤਾ ਜਾਏਗਾ।
ਰਣਜੀਤ ਚੀਤਾ ਡਰੱਗ syndicate ਨਾਲ ਜੁੜਿਆ ਇਕ਼ਬਾਲ ਸ਼ੇਰ ਦੋ ਸਾਲ ਪਹਿਲਾਂ ਪੁਰਤਗਾਲ ਵਿਚ ਇਕ ਸਥਾਨਿਕ ਲੜਾਈ ਝਗੜੇ ਦੇ ਮਾਮਲੇ ਚ ਗਿਰਫ਼ਤਾਰ ਕੀਤਾ ਗਿਆ ਸੀ। NIA ਵਲੋਂ ਸ਼ੇਰੇ ਉਤੇ 200000 ਰੁਪਏ ਦਾ ਨਕਦੀ ਇਨਾਮ ਵੀ ਐਲਾਨਿਆ ਗਿਆ ਸੀ। ਅਮ੍ਰਿਤਸਰ ਵਿਖੇ ਸਾਲ 2020 ਦੌਰਾਨ ਫੜੇ ਗਏ ਕਸ਼ਮੀਰੀ ਤਸਕਰਾ ਹਿਲਾਲ ਅਹਿਮਦ ਸ਼ੇਰਗੌਜ਼ੀ ਅਤੇ ਸ਼ੇਰੇ ਦੇ ਨੈੱਟਵਰਕ ਦੇ ਫੜੇ ਗਏ ਕੁਝ ਸਮੱਗਲਰਾਂ ਕੋਲੋਂ ਲੱਖਾਂ ਰੁਪਏ ਨਕਦੀ ਬਰਾਮਦ ਹੋਏ ਸਨ।
ਜੰਮੂ ਅਤੇ ਕਸ਼ਮੀਰ ਦੇ ਪੁਲਵਾਮਾ ਇਲਾਕੇ ਦੇ ਹਿਜਬੁਲ ਮੁਜਾਹਿਦ੍ਦੀਨ ਦੇ ਕਮਾਂਡਰ ਰਿਆਜ਼ ਨਾਇਕੁ ਨੂੰ ਇਕ਼ਬਾਲ ਸ਼ੇਰੇ ਦੇ ਇਸ਼ਾਰੇ ਉਤੇ ਪੰਜਾਬ ਵਿਚ ਚੱਲ ਰਹੇ ਨਸ਼ਾ ਤਸਕਰੀ ਦੇ ਕਾਲੇ ਧੰਦੇ ਦੀ ਕਮਾਈ ਦਾ ਮੋਟਾ ਹਿੱਸਾ ਕਸ਼ਮੀਰ ਵਿਚ ਦਹਿਸ਼ਤਗਰਦੀ ਦੀਆਂ ਵਾਰਦਾਤਾਂ ਵਿਚ ਵਰਤਣ ਲਈ ਪਾਕਿਸਤਾਨ ਦੀਆਂ ਏਜੇਂਸੀਆਂ ਦੇ ਇਸ਼ਾਰਿਆਂ ਉੱਤੇ ਦਿੱਤਾ ਜਾਂਦਾ ਸੀ। ਅਮ੍ਰਿਤਸਰ ਵਿਚ ਹੋਈ 29 ਲੱਖ ਨਕਦੀ ਦੀ ਇਕ਼ਬਾਲ ਸ਼ੇਰਾ ਦੇ ਸਾਥੀਆਂ ਮਨਿੰਦਰ ਮਨੀ ਅਤੇ ਬਿਕਰਮ ਸਿੰਘ ਵਿੱਕੀ ਕੋਲੋਂ ਹੋਈਆਂ ਬਰਾਮਦਗੀਆਂ ਅਤੇ ਸ਼ੇਰਗੌਜ਼ੀ ਦੀ ਗਿਰਫਤਾਰੀ ਤੋਂ ਬਾਅਦ ਤੋਂ ਹੀ NIA ਨੂੰ ਇਕ਼ਬਾਲ ਸ਼ੇਰਾ ਦੀ ਭਾਲ ਸੀ।
ਇਕ਼ਬਾਲ ਸ਼ੇਰਾ ਪੰਜਾਬ ਦੇ ਸਰਹੱਦੀ ਹਵੇਲੀਆਂ ਪਿੰਡ ਦਾ ਰਹਿਣ ਵਾਲਾ ਹੈ ਅਤੇ ਗਿਰਫ਼ਤਾਰ ਕੀਤੇ ਜਾ ਚੁੱਕੇ ਰਣਜੀਤ ਸਿੰਘ ਚੀਤਾ ਅਤੇ ਸਰਵਣ ਸਿੰਘ ਨਾਂਅ ਦੇ ਅਮਰੀਕਾ ਤੋਂ Operate ਕੀਤੇ ਜਾਂਦੇ ਨਾਰੋਕ ਸਮੱਗਲਰਾਂ ਦੇ syndicate ਦਾ ਇਕ ਮੁੱਖ ਸਰਗਨਾ ਮੰਨਿਆਂ ਜਾਂਦਾ ਹੈ। ਪੰਜਾਬ ਅਤੇ ਉੱਤਰੀ ਭਾਰਤੀ ਰਾਜਾਂ ਵਿਚ ਹੈਰੋਇਨ ਦੀ ਸਪਲਾਈ ਅਤੇ ਤਸਕਰਾਂ ਦਾ ਇਕ ਵੱਡਾ ਨੈੱਟਵਰਕ ਚਲਾਉਣ ਵਾਲੇ ਇਕ਼ਬਾਲ ਸ਼ੇਰਾ ਦਾ ਭਾਰਤ ਲਿਆਂਦਾ ਜਾਣਾ ਕੌਮੀ ਜਾਂਚ ਏਜੰਸੀਆਂ ਲਈ ਇਕ ਵੱਡੀ ਪ੍ਰਾਪਤੀ ਮੰਨਿਆ ਜਾ ਰਿਹਾ ਹੈ।
