Chandigarh, May 15
ਪੰਜਾਬ ਵਿਜੀਲੈਂਸ ਵਿਭਾਗ ਦੇ ਮੁੱਖੀ DGP ਸ਼ਰਦ ਸਤਿਆ ਚੌਹਾਨ ਦਾ ਨਾਂਅ CBI ਵਲੋਂ ਦਰਜ ਕੀਤੀ ਗਈ FIR ਵਿਚ ਸ਼ਾਮਿਲ ਹੋਣਾ ਸੂਬੇ ਦੇ ਸੀਨੀਅਰ ਮੋਸਟ ਅਫਸਰ ਦੀਆਂ ਦਿੱਕਤਾਂ ਚ ਵਾਧਾ ਕਰ ਸਕਦਾ ਹੈ। CBI ਵਲੋਂ ਵਿਜੀਲੈਂਸ ਵਿਭਾਗ ਦੇ DGP ਦੇ OSD ਵਲੋਂ ਇਕ ਸਟੇਟ taxation ਦੇ ਅਫਸਰ ਤੋਂ ਮੰਗੀ ਗਈ 13 ਲੱਖ ਰੁਪਏ ਦੀ ਰਿਸ਼ਵਤ ਦੇ ਮਾਮਲੇ ਚ DGP ਚੌਹਾਨ ਦਾ OSD OP ਸਿੰਘ ਰਾਣਾ ਅਜੇ ਵੀ ਫਰਾਰ ਚੱਲ ਰਿਹਾ ਹੈ ਜਦੋਂ ਕਿ ਇਸ ਰਿਸ਼ਵਤਖੋਰੀ ਮਾਮਲੇ ਦੇ ਕਥਿਤ ਦਲਾਲ ਰਾਘਵ ਗੋਇਲ ਅਤੇ ਉਸਦੇ ਪਿਤਾ ਵਿਕਾਸ ਗੋਇਲ ਗਿਰਫ਼ਤਾਰ ਕੀਤੇ ਜਾ ਚੁੱਕੇ ਨੇ। ਰਿਸ਼ਵਤ ਦੀ ਰਕਮ ਤੋਂ ਇਲਾਵਾ 9 ਲੱਖ ਨਕਦੀ ਵੀ ਕੇਸ ਵਿਚ ਬਰਾਮਦ ਕੀਤੀ ਜਾ ਚੁੱਕੀ ਹੈ।
ਜ਼ਿਕਰ ਏ ਖਾਸ ਹੈ ਕਿ ਚੌਹਾਨ ਦੇ ਨਾਂਅ ਨੂੰ CBI ਦੀ FIR ਵਿਚ ਬਤੌਰ ਮੁਲਜ਼ਮ ਸ਼ਾਮਿਲ ਨਾ ਕੀਤਾ ਜਾਣਾ ਵਿਜੀਲੈਂਸ ਮੁੱਖੀ ਲਈ ਕੁੱਝ ਰਾਹਤ ਦਾ ਸਬੱਬ ਹੋ ਸਕਦਾ ਹੈ ਲੇਕਿਨ ਇਸ ਹਾਈ ਪ੍ਰੋਫਾਈਲ ਮਾਮਲੇ ਚ ਨਾਂਅ ਦਰਜ ਪਰਚੇ ਵਿਚ ਝਲਕਣਾ ਵੀ ਚੌਹਾਨ ਲਈ ਇੱਕ ਵੱਡੀ ਸਮੱਸਿਆ ਸਾਬਿਤ ਹੋ ਸਕਦਾ ਹੈ। FIR ਵਿਚ ਮਾਮਲੇ ਦੇ ਸ਼ਿਕਾਇਤਕਰਤਾ ਅਫਸਰਦੀ ਪਹਿਚਾਣ ਅਮਿਤ ਚਿਰਾਯਾ ਨਾਂਅ ਦੇ ਵਿਅਕਤੀ ਵਜੋਂ ਕੀਤੀ ਗਈ ਹੈ।
BJP ਨਾਲ ਸੰਬੰਧ ਰੱਖਣ ਵਾਲੇ ਕਥਿਤ ਦਲਾਲਾਂ ਵਲੋਂ ਰਿਸ਼ਵਤ ਜਿਸ OSD ਨੂੰ ਦਿੱਤੀ ਗਈ ਅਤੇ ਜੋ ਮੌਕੇ ਤੋਂ ਫਰਾਰ ਹੋ ਗਿਆ ਉਸ OSD ਰਾਣਾ ਦੇ ਅਫਸਰ DGP ਸ਼ਰਦ ਸਤਿਆ ਚੌਹਾਨ ਦੇ ਨਾਂਅ ਦਾ ਇਸ ਕੇਸ ਚ ਉੱਭਰਨਾ ਪੂਰੇ ਪੁਲਿਸ ਮਹਿਕਮੇ ਲਈ ਵੱਡੀ ਨਾਮੋਸ਼ੀ ਦਾ ਕਾਰਨ ਤਾਂ ਹੈ ਹੀ ਇਸਦੇ ਨਾਲ ਨਾਲ ਪੰਜਾਬ ਪੁਲਿਸ ਦਾ ਪੱਕਾ DGP ਲਾਉਂਣ ਦੀ 4 ਸਾਲ ਤੋਂ ਠੰਡੇ ਬਸਤੇ ਵਿਚ ਰੱਖੀ ਗਈ ਕਾਰਵਾਈ ਉੱਤੇ ਵੀ ਅਸਰ ਪਾਉਂਦਾ ਹੈ। ਚੌਹਾਨ ਸਭ ਤੋਂ ਸੀਨੀਅਰ IPS ਅਫਸਰ ਨੇ ਜੋ ਪੱਕੇ DGP ਲੱਗ ਸਕਦੇ ਨੇ। ਪਹਿਲਾਂ ਵੀ ਕੁੱਝ ਮਾਮਲਿਆਂ ਚ ਜਾਰੀ ਪੜਤਾਲਾਂ ਦੇ ਚਲਦਿਆਂ ਚੌਹਾਨ ਇਸ race ਵਿਚ ਮੋਹਰੀ ਹੋਣ ਦੇ ਬਾਵਜੂਦ ਸਰਕਾਰਾਂ ਲਈ ਚਹੇਤੇ ਸਾਬਿਤ ਨਹੀਂ ਹੋ ਪਾਏ ਨੇ।
ਦੂਜੇ ਪਾਸੇ ਕਾਰਜਕਾਰੀ DGP ਗੌਰਵ ਯਾਦਵ 4 ਸਾਲ ਐਕਟਿੰਗ DGP ਰਹਿ ਕੇ ਪੰਜਾਬ ਦੇ ਸਭ ਤੋਂ ਲੰਮੇ ਸਮੇਂ ਤਕ ਕਾਰਜਕਾਰੀ ਰਹਿਣ ਵਾਲੇ ਪੁਲਿਸ ਮੁੱਖੀ ਬਣ ਚੁੱਕੇ ਨੇ ਅਤੇ ਸ਼ਰਦ ਸਤਿਆ ਚੌਹਾਨ ਤੋਂ ਬਾਅਦ ਫਿਰ ਇਸੀ ਰੇਸ ਦੇ ਮਜ਼ਬੂਤ ਦਾਅਵੇਦਾਰ ਨੇ।
