ਚੰਡੀਗੜ੍ਹ,ਸ਼੍ਰੀ ਅੰਮ੍ਰਿਤਸਰ ਸਾਹਿਬ 29 ਮਈ – ਸ਼੍ਰੋਮਣੀ ਅਕਾਲੀ ਦਲ ਆਗੂ ਬਿਕਰਮ ਸਿੰਘ ਮਜੀਠੀਆ ਨੇ ਕੋਂਸਲ ਚੋਣਾਂ ਦੇ ਨਤੀਜੇ ਆਉਣ ਮਗਰੋਂ ਮੀਡੀਆ ਤੇ ਮੁਖਾਤਬ ਹੁੰਦਿਆਂ ਕਿਹਾ ਕਿ ਮਜੀਠਾ ‘ਚ ਮੁੱਖ ਮੰਤਰੀ ਦੇ ਇਸ਼ਾਰੇ ‘ਤੇ ਪੁਲਿਸ ਅਤੇ ਪ੍ਰਸ਼ਾਸਨ ਦੀ ਅੰਨ੍ਹੀ ਗੁੰਡਾਗਰਦੀ ਅਤੇ ਧੱਕੇਸ਼ਾਹੀ ਦੇ ਬਾਵਜੂਦ ਮਜੀਠੀਆ ਦੀ ਅਗਵਾਈ ‘ਚ ਅਕਾਲੀ ਦਲ ਨੇ ਜਿੱਤ ਦਾ ਝੰਡਾ ਗੱਡੀਆਂ ਹੈ ਜਿਸ ਲਈ ਉਹ ਅਕਾਲ ਪੁਰਖ ਦਾ ਕੋਟਨ ਕੋਟ ਧੰਨਵਾਦ ਕਰਦੇ ਹਨ , ਜਿੰਨਾਂ ਹੱਦ ਦੀ ਸਰਕਾਰੀ ਧੱਕੇਸ਼ਾਹੀ ਖਿਲਾਫ ਲੜੀ ਇਸ ਲੜ੍ਹਾਈ ਵਿਚ ਉਨ੍ਹਾਂ ਨੂੰ ਫਤਿਹ ਬਖਸ਼ੀ ਹੈ l ਮਜੀਠੀਆ ਵਲੋਂ ਸਰਕਾਰੀ ਧੱਕੇਸ਼ਾਹੀ ਖਿਲਾਫ ਲੜੀ ਲੜਾਈ ਦੇ ਚਲਦਿਆਂ ਅਕਾਲੀ ਦਲ ਦੇ ਬੇਹਤਰੀਨ ਪ੍ਰਦਰਸ਼ਨ ਨੇ ਮੁੱਖ ਮੰਤਰੀ ਅਤੇ ਉਸਦੇ ਦਲਾਲਾਂ ਦੀ ਨੀਂਦ ਉਡਾ ਕੇ ਰੱਖ ਦਿੱਤੀ ਹੈ l
ਮਜੀਠੀਆ ਨੇ ਕਿਹਾ ਕਿ ਵਿਜੀਲੈਂਸ ਦੇ ਦਬਕੇ, ਗੈਂਗਸਟਰਰਾਂ, ਪੁਲਿਸ ਅਤੇ ਗੁੰਡਾਤੰਤਰ ਦੀ ਵਰਤੋਂ ਤੋਂ ਬਾਅਦ ਵੀ ਮਜੀਠਾ ਦੇ ਲੋਕਾਂ ਨੇ ਸ਼ਰਾਬੀ ਮੁੱਖ ਮੰਤਰੀ ਦੀਆਂ ਚੀਕਾਂ ਕਢਵਾ ਦਿੱਤੀਆਂ ਜਿਸਨੂੰ ਉਹ ਹਮੇਸ਼ਾ ਯਾਦ ਰੱਖੇਗਾ l ਮਜੀਠੀਆ ਨੇ ਕਿਹਾ ਕਿ ਸਵੇਰ ਤੋਂ ਸ਼ਾਮ ਤੱਕ ਸਾਰਾ ਸਰਕਾਰੀ ਤੰਤਰ ਮੁੱਖ ਮੰਤਰੀ ਦੇ ਇਸ਼ਾਰੇ ‘ਤੇ ਵੋਟਾਂ ਦੀ ਗਿਣਤੀ ਵਾਰ ਵਾਰ ਕਰਕੇ ਵੱਡੀ ਧਾਂਧਲੀ ਕਰਨ ਸਾਜਿਸ਼ਾਂ ਸਾਜਿਸ਼ਾਂ ਘੜੀਆਂ ਗਈਆਂ ਅਤੇ ਕੁਝ ਸੀਟਾਂ ‘ਤੇ ਗੜਬੜ ਕਰਕੇ ਅਕਾਲੀ ਦਲ ਦੇ ਉਮੀਦਵਾਰਾਂ ਨੂੰ ਹਰਸੀ ਹੋਇਆ ਦਿਖਾਇਆ ਗਿਆ ਅਤੇ ਜੇਕਰ ਹਾਈਕੋਰਟ ਦੇ ਆਬਜ਼ਰਵਰ ਨਾ ਤਾਇਨਾਤ ਹੁੰਦੇ ਤਾਂ ਮੁੱਖ ਮੰਤਰੀ ਵਲੋਂ ਗੁੰਡਾਗਰਦੀ ਨਾਲ ਸਾਰੀਆਂ ਸੀਟਾਂ ਲੁੱਟਣ ਦੀ ਪੂਰੀ ਯੋਜਨਾ
ਬਣਾਈ ਗਈ ਸੀ ਜਿਸਨੂੰ ਅਕਾਲੀ ਦਲ ਦੇ ਵਰਕਰਾਂ ਵੋਟਰਾਂ ਦੇ ਸਾਥ ਅਤੇ ਮਜੀਠੇ ਦੇ ਲੋਕਾਂ ਨੇ ਨੇਪਰੇ ਨਹੀਂ ਚੜਨ ਦਿੱਤਾ।
ਉਨ੍ਹਾਂ ਆਪ ਦੇ ਹਲਕਾ ਇੰਚਾਰਜ ਤੇ ਤਨਜ਼ ਕਸਦਿਆਂ ਕਿਹਾ ਕਿ ਮੁੱਖ ਮੰਤਰੀ ਦੇ 10ਵੀ ਫੇਲ ਤਾਜ਼ੇ ਤਾਜ਼ੇ ਚੇਲੇ ਨੂੰ ਅਜੇ ਟ੍ਰੇਲਰ ਦਿਖਾਇਆ ਹੈ ਅਤੇ ਜੇਕਰ ਉਹ ਭੁੱਲ ਗਿਆ ਤਾਂ ਕੁੰਵਰ ਵਿਜੇ ਪ੍ਰਤਾਪ ਤੋਂ ਕਿਵੇਂ ਲਕੁਦਾ ਫਿਰਦਾ ਸੀ ਯਾਦ ਕਰ ਲਵੇ l
