ਚੰਡੀਗੜ੍ਹ, June 19
ਖਾਲਿਸਤਾਨ ਜ਼ਿੰਦਾਬਾਦ ਫੋਰਸ KZF ਦੇ ਸਰਗਰਮ ਇਕ ਅੱਤਵਾਦੀ ਮਾਡਿਉਲ ਦੇ ਦੋ operatives ਨੂੰ ਮਲੇਸ਼ੀਆ ਤੋਂ ਭਾਰਤ ਡਿਪੋਰਟ ਕਰਵਾਉਣ ਵਿਚ ਪੰਜਾਬ ਪੁਲਿਸ ਨੂੰ ਇਕ ਵੱਡੀ ਕਾਮਯਾਬੀ ਹਾਸਿਲ ਹੋਈ ਹੈ। ਪੰਜਾਬ ਦੇ DGP ਗੌਰਵ ਯਾਦਵ ਵਲੋਂ ਦਿੱਤੀ ਗਈ ਜਾਣਕਾਰੀ ਮੁਤਾਬਿਕ ਬੀਤੇ ਕੁਝ ਮਹੀਨਿਆਂ ਦੌਰਾਨ ਪੰਜਾਬ ਦੇ ਸਰਹਿੰਦ ਅਤੇ ਸ਼ੰਭੂ ਦੇ ਇਲਾਕਿਆਂ ਵਿਚ ਰੇਲ ਟ੍ਰੈਕਸ ਨੂੰ IED ਨਾਲ ਉਡਾਉਣ ਦੀਆਂ ਕੋਸ਼ਿਸ਼ਾਂ ਤਹਿਤ ਕੀਤੇ ਗਏ ਧਮਾਕਿਆਂ ਤੋਂ ਬਾਅਦ ਪੁਲਿਸ ਤਫਤੀਸ਼ ਦੌਰਾਨ ਗਿਰਫ਼ਤਾਰ ਚਾਰ ਤੋਂ ਵੱਧ ਸਮਾਜ ਵਿਰੋਧੀ ਅਨਸਰਾਂ ਦੀ ਗਿਰਫਤਾਰੀ ਹੋਈ। ਪੜਤਾਲ ਦੌਰਾਨ ਮਲੇਸ਼ੀਆ ਤੋਂ ਬੈਠ ਕੇ ਅਜਿਹੀਆਂ ਵਾਰਦਾਤਾਂ ਨੂੰ ਹੈਂਡਲ ਕਰਨ ਵਾਲੇ ਅੰਬਾਲਾ ਦੇ ਗੁਰਵਿੰਦਰ ਅਤੇ ਪਟਿਆਲਾ ਦੇ ਮਨਜੀਤ ਦਾ ਪਤਾ ਲੱਗਣ ਤੋਂ ਬਾਅਦ ਪੰਜਾਬ ਪੁਲਿਸ ਨੇ ਕੇਂਦਰੀ ਜਾਂਚ ਏਜੇਂਸੀਆਂ ਦੀ ਮਦਦ ਨਾਲ ਇਹਨਾਂ ਦੋਹਾਂ operatives ਨੂੰ ਡਿਪੋਰਟ ਕਰਵਾਇਆ।
ਦਿੱਲੀ ਵਿਖੇ ਇੰਦਰਾ ਗਾਂਧੀ ਕੌਮਾਂਤਰੀ ਹਵਾਈ ਅੱਡੇ ਉੱਤੇ ਡਿਪੋਰਟ ਹੋਕੇ ਆਏ ਦੋਵਾਂ ਦੇ ਉਤਰਨ ਮਗਰੋਂ ਦੋਵਾਂ ਨੂੰ ਪੁਲਿਸ ਹਿਰਾਸਤ ਵਿਚ ਲਿਆ ਗਿਆ ਅਤੇ 18 ਜੂਨ ਨੂੰ ਪਟਿਆਲਾ ਦੀ ਅਦਾਲਤ ਚ ਪੇਸ਼ ਕਰਕੇ ਦੋਹਾਂ ਦਾ ਪੁਲਿਸ ਰਿਮਾਂਡ ਲਿਆ ਗਿਆ ਹੈ।
