ਚੰਡੀਗੜ, 6 ਜੁਲਾਈ:
1989 ਬੈਚ ਦੇ ਆਈ.ਏ.ਐਸ. ਅਧਿਕਾਰੀ ਵਿਜੇ ਕੁਮਾਰ ਜੰਜੂਆ ਨੇ ਬੁੱਧਵਾਰ ਨੂੰ ਪੰਜਾਬ ਦੇ ਮੁੱਖ ਸਕੱਤਰ ਦਾ ਅਹੁਦਾ ਸੰਭਾਲ ਲਿਆ। ਜੰਜੂਆ ਨੇ ਅਨਿਰੁੱਧ ਤਿਵਾੜੀ ਦੀ ਥਾਂ ਪੰਜਾਬ ਦੇ ਨਵੇਂ ਮੁੱਖ ਸਕੱਤਰ ਦਾ ਅਹੁਦਾ ਸਾਂਭਿਆ ਜਿਨ੍ਹਾਂ ਨੂੰ ਹੁਣ ਮਹਾਤਮਾ ਗਾਂਧੀ ਰਾਜ ਲੋਕ ਪ੍ਰਸ਼ਾਸਨ ਸੰਸਥਾ ਦਾ ਡਾਇਰੈਕਟਰ ਜਨਰਲ ਲਗਾਇਆ ਹੈ।
ਸੂਬਾ ਸਰਕਾਰ ਵੱਲੋਂ ਜਾਰੀ ਕੀਤੇ ਹੁਕਮਾਂ ਅਨੁਸਾਰ ਜੰਜੂਆ ਮੁੱਖ ਸਕੱਤਰ ਦੇ ਮੌਜੂਦਾ ਅਹੁਦੇ ਦੇ ਨਾਲ ਪ੍ਰਮੁੱਖ ਸਕੱਤਰ ਪਰਸੋਨਲ ਤੇ ਵਿਜੀਲੈਂਸ ਦਾ ਵਾਧੂ ਚਾਰਜ ਵੀ ਸੰਭਾਲਣਗੇ।
ਜ਼ਿਕਰਯੋਗ ਹੈ ਕਿ ਵੀਕੇ ਜੰਜੂਆ ਨੂੰ ਸਾਲ 2009 ਵਿੱਚ ਪੰਜਾਬ ਵਿਜੀਲੈਂਸ ਬਿਊਰੋ ਨੇ ਦੋ ਲੱਖ ਰੁਪਏ ਰਿਸ਼ਵਤ ਲੈਂਦਿਆਂ ਰੰਗੇ ਹੱਥੀ ਗ੍ਰਿਫਤਾਰ ਕੀਤਾ ਸੀ। ਇਸ ਕੇਸ ਦੀ ਸ਼ੁਰੂਆਤੀ ਮੁਕੱਦਮੇਬਾਜ਼ੀ ਦੌਰਾਨ ਜੰਜੂਆ ਨੇ ਇਕ IAS ਅਫ਼ਸਰ ਹੁੰਦਿਆਂ ਹੋਇਆਂ ਪੰਜਾਬ ਰਾਜਪਾਲ ਦੀ ਮਨਜ਼ੂਰੀ ਮਗਰੋਂ ਖੁਦ ਦੀ ਗ੍ਰਿਫਤਾਰੀ ਨੂੰ ਉਤਲੀਆਂ ਅਦਾਲਤਾਂ ਵਿਚ ਇਹ ਕਹਿ ਕੇ ਚੁਣੌਤੀ ਦਿੱਤੀ ਸੀ ਉਹਨਾਂ ਨੂੰ ਕਿਸੀ ਵੀ ਅਪਰਾਧਿਕ ਮੁਕੱਦਮੇ ਚ ਨਾਮਜ਼ਦ ਕਰਨ ਲਈ ਕੇਂਦਰ ਸਰਕਾਰ ਦੀ ਮਨਜ਼ੂਰੀ ਚਾਹੀਦੀ ਹੈ ਕਿਉਂਕਿ ਉਹ IAS ਅਫ਼ਸਰ ਸਨ।
ਕਈ ਸਾਲ ਰਾਹਤ ਨਾ ਮਿਲਣ ਮਗਰੋਂ ਅਖੀਰ ਵਿੱਚ ਟਰਾਇਲ ਕੋਰਟ ਚ ਜੰਜੁਆ ਖਿਲਾਫ ਦੋਸ਼ ਸਾਬਤ ਨਹੀਂ ਹੋ ਸਕੇ ਅਤੇ ਅਦਾਲਤ ਨੇ ਵੀ ਕੇ ਜਜੂਆ ਨੂੰ ਦੋਸ਼ ਮੁਕਤ ਕਰ ਦਿੱਤਾ। ਜੰਜੂਆ ਪੰਜਾਬ ਦੇ ਵਿੱਚ 1989 ਤੋਂ ਸੇਵਾ ਵਿੱਚ ਹਨ ਅਤੇ ਆਪਣੀ ਗ੍ਰਿਫਤਾਰੀ ਵੇਲੇ ਦੇ ਡਾਇਰੈਕਟਰ Industries ਵਜੋਂ ਕੰਮ ਕਰ ਰਹੇ ਸਨ।
ਹੁਣ ਦਿਲਚਸਪ ਗੱਲ ਇਹ ਹੋਵੇਗੀ ਕਿ ਜਿਸ ਵਿਜੀਲੈਂਸ ਬਿਊਰੋ ਨੇ ਰੰਗੇ ਹੱਥੀਂ ਰਿਸ਼ਵਤ ਲੈਂਦੇ ਫੜ੍ਹਿਆ ਸੀ ਓਸੇ ਵਿਜੀਲੈਂਸ ਬਿਓਰੋ ਦਾ ਕਾਰਜਭਾਰ ਖ਼ੁਦ V K ਜੰਜੂਆ ਹੀ ਵੇਖਣਗੇ।
