July 15, California
ਅਪਰਾਧਿਕ ਗਿਰੋਹ ਲਾਰੰਸ ਬਿਸ਼ਨੋਈ ਅਤੇ ਗੋਲਡੀ ਬਰਾੜ ਸੰਬੰਧੀ ਅਮਰੀਕੀ ਅਦਾਲਤ ਵਿਚ ਡਿਪਾਰਟਮੈਂਟ ਆਫ ਜਸਟਿਸ ਵਲੋਂ ਦਾਖ਼ਿਲ ਕੀਤੀ ਗਈ ਚਾਰਜਸ਼ੀਟ ਵਿਚ ਇਸ ਗੈਂਗ ਦੇ ਚਾਰਜ ਕੀਤੇ ਗਏ ਦੋ ਹੋਰਨਾਂ ਕਾਰਕੂਨਾਂ ਬਾਰੇ ਹੈਰਾਨ ਕਰ ਦੇਣ ਵਾਲੇ ਖੁਲਾਸੇ ਸਾਹਮਣੇ ਆਏ ਨੇ। ਜਾਣਕਾਰੀ ਮਿਲੀ ਹੈ ਕਿ ਸੁਖਰਾਜ ਸਿੰਘ ਕੰਗ ਨਾਂਅ ਦਾ ਮੁਲਜ਼ਮ ਭਾਰਤ ਦੇ ਪੰਜਾਬ ਦੀ ਇਕ ਜੇਲ੍ਹ ਵਿਚ ਬੰਦ ਹੈ ਅਤੇ ਪੰਜਾਬ ਦੇ ਬਹੁਚਰਚਿਤ ਭੋਲਾ ਡਰੱਗ ਘੋਟਾਲੇ ਨਾਲ ਜੁੜੇ money laundering ਦੇ ਮਾਮਲੇ ਚ ਜੇਲ੍ਹ ਵਿਚ ਸਜ਼ਾ ਕੱਟ ਰਿਹਾ ਹੈ। ਖੋਜੀ ਪਤਰਕਾਰ ਰਿਤੇਸ਼ ਲੱਖੀ ਵਲੋਂ ਨਸ਼ਰ ਕੀਤੀ ਗਈ ਰਿਪੋਰਟ ਅਨੁਸਾਰ ਸੁਖਰਾਜ ਕੰਗ ਨੂੰ ਸਾਲ 2016 ਵਿਚ ਦਿੱਲੀ ਦੇ ਕੌਮਾਂਤਰੀ ਹਵਾਈ ਅੱਡੇ ਤੋਂ ਗਿਰਫ਼ਤਾਰ ਕੀਤਾ ਗਿਆ ਸੀ ਅਤੇ 2024 ਵਿਚ ਉਸਨੂੰ Enforcement Directorate ਵਲੋਂ ਪੜਤਾਲੇ ਗਏ PMLA ਦੇ ਉਸ ਹੀ ਮਾਮਲੇ ਵਿਚ ਸਜ਼ਾ ਹੋਈ ਸੀ ਜਿਸ ਵਿਚ ਜਗਦੀਸ਼ ਭੋਲਾ ਸਮੇਤ ਕਈ ਲੋਕਾਂ ਨੂੰ 10-10 ਸਾਲ ਦੀਆਂ ਸਜ਼ਾਵਾਂ ਸੁਣਾਈਆਂ ਗਈਆਂ ਸਨ।
ਜ਼ਿਕਰਯੋਗ ਹੈ ਕਿ ਸੁਖਰਾਜ ਕੰਗ ਨੂੰ ਗੋਲਡੀ ਬਰਾੜ ਅਤੇ ਰੋਹਿਤ ਗੋਦਾਰਾ ਦੇ ਨਾਲ ਰਲਕੇ ਅਮਰੀਕਾ ਵਿਚ ਲੋਕਾਂ ਤੋਂ ਜਬਰੀ ਉਗਰਾਹੀ ਕਰਨ ਦੇ extortion case ਵਿਚ ਚਾਰਜ ਕੀਤਾ ਗਿਆ ਹੈ ਅਤੇ ਉਸਨੂੰ ਭਾਰਤ ਵਿਚ ਦੱਸਿਆ ਗਿਆ ਹੈ। ਜਲੰਧਰ ਨੇੜਲੇ ਸ਼ਾਹਕੋਟ ਇਲਾਕੇ ਨਾਲ ਸੰਬੰਧਿਤ ਸੁਖਰਾਜ ਕੰਗ ਵਲੋਂ ਗੋਲਡੀ ਬਰਾੜ ਅਤੇ ਰੋਹਿਤ ਗੋਦਾਰਾ ਨਾਲ ਮਿਲਕੇ ਅਮਰੀਕੀ ਖੁਫੀਆ ਏਜੇਂਸੀ FBI ਦੇ undercover ਏਜੇਂਟਾਂ ਤੋਂ ਉਗਰਾਹੀ ਦੀ ਜਾਣਕਾਰੀ US ਕੋਰਟ ਵਿਚ ਦਾਇਰ ਚਾਰਜਸ਼ੀਟ ਵਿਚ ਸ਼ਾਮਿਲ ਕੀਤੀ ਗਈ ਹੈ।
ਪਤਰਕਾਰ ਰਿਤੇਸ਼ ਲੱਖੀ ਵਲੋਂ ਨਸ਼ਰ ਕੀਤੀ ਗਈ ਰਿਪੋਰਟ ਵਿਚ ਇਹ ਵੀ ਖੁਲਾਸਾ ਕੀਤਾ ਗਿਆ ਹੈ ਕਿ ਸੁਖਰਾਜ ਕੰਗ ਪੰਜਾਬ ਦੀ ਹੀ ਜੇਲ੍ਹ ਵਿਚ ਇਸੀ ਮਾਮਲੇ ਚ ਚਾਰਜ ਕੀਤੇ ਗਏ ਇਕ ਹੋਰ ਮੁਲਜ਼ਮ ਰਾਜਨ ਭੱਟੀ ਨਾਲ ਮਿਲਕੇ ਲਾਰੰਸ ਬਿਸ਼ਨੋਈ ਅਤੇ ਗੋਲਡੀ ਬਰਾੜ ਲਈ extortion ਦੀਆਂ ਗਤੀਵਿਧੀਆਂ ਨੂੰ ਅੰਜਾਮ ਦਿੰਦਾ ਆਇਆ। ਰਿਪੋਰਟ ਮੁਤਾਬਿਕ ਇਸ ਤਰਨਤਾਰਨ ਇਲਾਕੇ ਨਾਲ ਸੰਬੰਧਿਤ ਗੈਂਗਸਟਰ ਲਖਬੀਰ ਸਿੰਘ ਲੰਡਾ ਹਰੀਕੇ ਅਤੇ ਸੱਤਾ ਨੌਸ਼ਹਿਰਾ ਗੁੱਟ ਨਾਲ ਜੁੜਿਆ ਰਿਹਾ ਰਾਜਨ ਭੱਟੀ ਗੋਲਡੀ ਬਰਾੜ ਅਤੇ ਗੋਦਾਰਾ ਗੈਂਗ ਦਾ ਹਿੱਸਾ ਬਣ ਚੁੱਕਾ ਹੈ। ਉਪਲੱਭਧ ਜਾਣਕਾਰੀ ਮੁਤਾਬਿਕ ਦਿੱਲੀ ਪੁਲਿਸ ਦੇ ਸਪੈਸ਼ਲ ਸੈੱਲ ਵਲੋਂ ਸਾਲ 2023 ਦੌਰਾਨ ਇਕ ਪੁਲਿਸ ਮੁਕਾਬਲੇ ਤੋਂ ਬਾਅਦ ਪੰਜਾਬ ਵਿਚ ਗਿਰਫ਼ਤਾਰ ਕੀਤਾ ਗਿਆ ਰਾਜਨ ਭੱਟੀ ਆਰਮਜ਼ ਐਕਟ ਦੇ ਇਕ ਮੁੱਕਦਮੇ ਚ ਨਾਮਜ਼ਦ ਹੋਇਆ ਲੇਕਿਨ ਛੇਤੀ ਹੀ ਬਾਹਰ ਆਕੇ ਦੋਬਾਰਾ ਅਪਰਾਧਿਕ ਵਾਰਦਾਤਾਂ ਵਿਚ ਸ਼ਾਮਿਲ ਹੋ ਗਿਆ।
ਪਤਰਕਾਰ ਮੁਤਾਬਿਕ ਸਾਲ 2024 ਦੇ ਫਰਵਰੀ ਮਹੀਨੇ ਦੌਰਾਨ ਰਾਜਨ ਭੱਟੀ ਨੂੰ ਪੰਜਾਬ ਪੁਲਿਸ ਦੇ ਸਟੇਟ ਸਪੈਸ਼ਲ ਆਪਰੇਸ਼ਨ ਸੈੱਲ SSOC ਨੇ ਦੋ ਪਿਸਤੌਲਾਂ, 270 ਗ੍ਰਾਮ ਹੈਰੋਇਨ ਅਤੇ 8 ਲੱਖ ਨਕਦੀ ਸਮੇਤ ਕਾਬੂ ਕੀਤਾ ਜਿਸ ਉਪਰੰਤ ਉਹ ਪੰਜਾਬ ਦੀ ਜੇਲ੍ਹ ਵਿਚ ਹੀ ਰਿਹਾ। 2 ਸਾਲ ਅਤੇ 1 ਮਹੀਨੇ ਬਾਅਦ ਭੱਟੀ ਨੂੰ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਵਲੋਂ ਇਸੇ ਸਾਲ ਮਾਰਚ ਦੇ ਮਹੀਨੇ ਵਿਚ ਜ਼ਮਾਨਤ ਦੇ ਦਿੱਤੀ ਗਈ ਜਿਸਤੋਂ ਬਾਅਦ ਉਸਦੇ ਟਿਕਾਣੇ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ। ਰਿਤੇਸ਼ ਲੱਖੀ ਨੇ 2 ਸਾਲ ਦੀ ਰਾਜਨ ਭੱਟੀ ਦੀ ਜੇਲ੍ਹ ਵਿਚ ਠਹਿਰ ਅਤੇ ਸੁਖਰਾਜ ਕੰਗ ਦੇ ਵੀ ਲਗਭਗ ਇਸੇ ਸਮੇ ਜੇਲ੍ਹ ਵਿਚ ਹੋਣ ਦੀ ਟਾਈਮ ਲਾਈਨ ਨੂੰ ਅਮਰੀਕਾ ਦੀ ਅਦਾਲਤ ਵਿਚ ਦਾਇਰ ਚਾਰਜਸ਼ੀਟ ਵਿਚ ਦਰਜ ਤੱਥਾਂ ਦੇ ਨਾਲ ਰਲਾ ਕੇ ਦੇਖਦਿਆਂ ਪੰਜਾਬ ਦੀ ਹੀ ਜੇਲ੍ਹ ਤੋਂ ਅਮਰੀਕਾ ਵਿਚ extortion ਦੇ ਇਸ ਰੈਕੇਟ ਦੀ ਸੰਭਾਵਨਾ ਨੂੰ ਯਕੀਨੀ ਮੰਨਿਆ ਹੈ।
