July 15, California
ਅਮਰੀਕੀ ਜਾਂਚ ਏਜੰਸੀ FBI ਨੇ ਪੰਜਾਬ ਅਧਾਰਿਤ ਅਤੇ ਅਸਾਮ ਦੀ ਜੇਲ੍ਹ ਵਿਚ ਬੰਦ ਗੈਂਗਸਟਰ ਜੱਗੂ ਭਗਵਾਨਪੁਰੀਆ ਗਰੁੱਪ ਦੇ ਇਕ ਮੈਂਬਰ Nitish ਕੌਸ਼ਲ ਨੂੰ Most Wanted ਅਪਰਾਧੀ ਐਲਾਨਿਆ ਹੈ। FBI ਨੇ ਆਪਣੀ website ਉੱਤੇ ਜਾਰੀ ਪੋਸਟਰ ਵਿਚ ਨੀਤੀਸ਼ ਕੌਸ਼ਲ ਨਾਂਅ ਦੀ ਇਸ ਗੈਂਗਸਟਰ ਨੂੰ ਖਤਰਨਾਕ ਅਤੇ ਹਥਿਆਰਬੰਦ ਦੱਸਦਿਆਂ ਇਸ ਬਾਰੇ ਜਾਣਕਾਰੀ ਏਜੰਸੀ ਨਾਲ ਸਾਂਝਾ ਕਰਨ ਦੀ ਅਪੀਲ ਕੀਤੀ ਹੈ। ਨੀਤੀਸ਼ ਕੌਸ਼ਲ ਅਮਰੀਕਾ ਦੇ Manteca ਸ਼ਹਿਰ ਵਿਚ ਇਕ ਵਿਰੋਧੀ ਗੈਂਗ ਦੇ ਮੈਂਬਰ ਨੂੰ ਅਗਵਾ ਕਰਕੇ ਉਸ ਨਾਲ ਕੁੱਟਮਾਰ ਕਾਰਨ ਦੀ ਵਾਰਦਾਤ ਵਿਚ ਸ਼ਾਮਿਲ ਸੀ। ਕੋਕੇਨ ਦੀ ਤਸਕਰੀ ਦੀ ਇਕ ਖੇਪ ਦੀ ਚੋਰੀ ਦੇ ਸੰਬੰਧ ਵਿਚ ਗੈਂਗਸਟਰ ਜੱਗੂ ਭਗਵਾਨਪੁਰੀਆ ਦੇ ਅਮਰੀਕੀ ਹੈਂਡਲਰ ਅੰਮ੍ਰਿਤ ਬੱਲ ਅਤੇ ਬਟਾਲਾ ਦੇ ਅਮਰਬੀਰ ਨਾਲ ਰਲਕੇ ਨੀਤੀਸ਼ ਨੇ ਉਕਤ ਵਿਅਕਤੀ ਨੂੰ Manteca ਤੋਂ ਅਗਵਾ ਕੀਤਾ ਅਤੇ ਬਾਅਦ ਵਿਚ ਉਸਨੂੰ ਕੈਲੀਫੋਰਨੀਆ ਦੇ ਸ਼ਹਿਰ Fresno ਲਜਾਇਆ ਗਿਆ। ਇਸ ਦੌਰਾਨ ਉਸ ਨਾਲ ਕੁੱਟਮਾਰ ਵੀ ਕੀਤੀ ਗਈ।
ਬੀਤੇ ਹਫਤੇ ਅਮਰੀਕਾ ਦੇ ਡਿਪਾਰਟਮੈਂਟ ਆਫ ਜਸਟਿਸ ਵਲੋਂ ਅਦਾਲਤ ਚ ਦਾਇਰ ਇਕ ਚਾਰਜਸ਼ੀਟ ਵਿਚ ਇਸ ਘਟਨਾ ਦਾ ਜ਼ਿਕਰ ਕੀਤਾ ਗਿਆ ਸੀ ਅਤੇ ਇਸ ਅਪਰਾਧਿਕ ਗਿਰੋਹ ਦੇ ਕੁਲ 17 ਮੁਲਜ਼ਮਾਂ ਨੂੰ ਚਾਰਜ ਕੀਤਾ ਗਿਆ ਸੀ। ਚਾਰਜ ਮੁਲਜ਼ਮਾਂ ਵਿਚ ਨੀਤੀਸ਼ ਕੌਸ਼ਲ ਵੀ ਸ਼ਾਮਿਲ ਸੀ ਜਿਸਦੀ ਪੀੜਿਤ ਵਿਅਕਤੀ ਨੂੰ ਅਗਵਾ ਕਰਕੇ Fresno ਸ਼ਹਿਰ ਦੇ ਇਕ ਮਕਾਨ ਵਿਚ ਲੈਜਾਂਦਿਆ ਦੀ ਇਕ ਤਸਵੀਰ ਵੀ ਜਾਰੀ ਕੀਤੀ ਗਈ ਸੀ। ਇਸ ਤਸਵੀਰ ਵਿਚ ਨੀਤੀਸ਼ ਕੌਸ਼ਲ, ਅੰਮ੍ਰਿਤ ਬੱਲ ਅਤੇ ਅਮਰਬੀਰ ਪੀੜਿਤ ਨੂੰ ਅਗਵਾ ਕਰਕੇ ਲਿਜਾ ਰਹੇ ਦੇਖੇ ਗਏ ਸਨ।
ਜ਼ਿਕਰਯੋਗ ਹੈ ਕਿ ਇਸ ਹੀ ਦਿਨ ਭਾਰਤ ਦੀ ਜੇਲ੍ਹ ਵਿਚ ਬੰਦ ਗੈਂਗਸਟਰ ਜੱਗੂ ਭਗਵਾਨਪੁਰੀਆ ਦੇ ਹੁਕਮ ਉੱਤੇ ਅਗਵਾ ਕੀਤੇ ਵਿਅਕਤੀ ਨੂੰ ਕੌਸ਼ਲ, ਬੱਲ ਅਤੇ ਅਮਰਬੀਰ ਵਲੋਂ ਛੱਡ ਦਿੱਤਾ ਗਿਆ ਸੀ। ਕੌਸ਼ਲ ਉੱਤੇ ਇਸ ਗਿਰੋਹ ਦੇ ਹੋਰਨਾਂ ਮੈਂਬਰਾਂ ਵਾਂਗ ਕਿਡਨੈਪਿੰਗ, Extortion, racketeering, assault ਅਤੇ ਹੋਰ ਚਾਰਜ ਲਾਏ ਗਏ ਹਨ।
