ਚੰਡੀਗੜ੍ਹ, 18 ਦਸੰਬਰ 2025(Newsdateline Desk):ਆਮ ਆਦਮੀ ਪਾਰਟੀ ਦੇ ਕੌਮੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ਜ਼ਿਲ੍ਹਾ ਪ੍ਰੀਸ਼ਦ ਅਤੇ ਬਲਾਕ ਸੰਮਤੀ ਚੋਣ ਨਤੀਜਿਆਂ ‘ਤੇ ਬੋਲਦਿਆਂ ਕਿਹਾ ਕਿ ਸੱਤਾਧਾਰੀ ਸਰਕਾਰ ਲਈ 8-10 ਵੋਟਾਂ ਨੂੰ ਆਪਣੀ ਤਰਫ਼ ਕਰਨਾ ਜਾਂ ਚੋਣ ਨਤੀਜਿਆਂ ਵਿੱਚ ਹੇਰ-ਫੇਰ ਕਰਨਾ ਕੋਈ ਔਖਾ ਕੰਮ ਨਹੀਂ ਹੁੰਦਾ, ਪਰ ਉਨ੍ਹਾਂ ਦੀ ਪਾਰਟੀ ਨੇ ਅਜਿਹੀ ਕਿਸੇ ਵੀ ਧੱਕੇਸ਼ਾਹੀ ਦਾ ਸਹਾਰਾ ਨਹੀਂ ਲਿਆ।
ਕੇਜਰੀਵਾਲ ਨੇ ਅੰਕੜਿਆਂ ਦਾ ਹਵਾਲਾ ਦਿੰਦੇ ਹੋਏ ਦੱਸਿਆ ਕਿ ਲਗਭਗ 319 ਸੀਟਾਂ ਅਜਿਹੀਆਂ ਸਨ ਜਿੱਥੇ ‘ਆਪ’ ਦੀ ਹਾਰ ਦਾ ਅੰਤਰ 100 ਵੋਟਾਂ ਤੋਂ ਵੀ ਘੱਟ ਰਿਹਾ। ਉਨ੍ਹਾਂ ਕਿਹਾ ਕਿ ਕਈ ਉਮੀਦਵਾਰ ਤਾਂ ਮਹਿਜ਼ 4 ਜਾਂ 5 ਵੋਟਾਂ ਦੇ ਫਰਕ ਨਾਲ ਹਾਰੇ ਹਨ। ਕੇਜਰੀਵਾਲ ਮੁਤਾਬਕ, “ਇੱਕ ਮੌਜੂਦਾ ਸਰਕਾਰ ਲਈ 8- 10 ਵੋਟਾਂ ਦਾ ਹੇਰ – ਫੇਰ ਕਰਨਾ ਕੋਈ ਮੁਸ਼ਕਿਲ ਕੰਮ ਨਹੀਂ ਹੈ, ਇੱਕ ਵਾਰ ਡੀ.ਸੀ. ਜਾਂ ਐੱਸ.ਡੀ.ਐੱਮ. ਨੂੰ ਫ਼ੋਨ ਕਰਨ ਦੀ ਲੋੜ ਸੀ, ਨਤੀਜੇ ਇੱਧਰ-ਉੱਧਰ ਕੀਤੇ ਜਾ ਸਕਦੇ ਸੀ, ਅਸੀਂ ਜੇ ਧੱਕੇਸ਼ਾਹੀ ਕਰਨਾ ਚਾਹੁੰਦੇ ਤਾਂ ਕਰ ਸਕਦੇ ਸੀ, ਪਰ ਅਸੀਂ ਅਜਿਹਾ ਕੀਤਾ ਨਹੀਂ ।”
