Sangrur, May 19
ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਅੱਜ ਸਂਗਰੂਰ ਜ਼ਿਲ੍ਹੇ ਚ ਪੈਂਦੇ ਆਪਣੇ ਪਿੰਡ ਸਤੌਜ ਤੋਂ ਅੰਡਰਗਰਾਊਂਡ ਬਿਜਲੀ ਸਪਲਾਈ ਦੇ ਪ੍ਰੋਜੈਕਟ ਦੀ ਸ਼ੁਰੂਆਤ ਕਰਦਿਆਂ ਪੰਜਾਬ ਦੇ ਪਿੰਡਾਂ ਵਿਚੋਂ ਖੰਭਿਆਂ ਦੀ ਸਮੱਸਿਆ ਨੂੰ ਜੜ੍ਹੋਂ ਖ਼ਤਮ ਕਰਨ ਦੀ ਗੱਲ ਕਹੀ। ਖਜ਼ਾਨਾ ਮੰਤਰੀ ਹਰਪਾਲ ਸਿੰਘ ਚੀਮਾ ਅਤੇ ਤਰੁਨਪ੍ਰੀਤ ਸੋੰਦ ਨਾਲ 3 ਫੁੱਟ ਧਰਤੀ ਅੰਦਰ ਗੱਡੀਆਂ ਜਾਣ ਵਾਲਿਆਂ ਤਾਰਾਂ, ਦੇ ਇਸ ਪ੍ਰੋਜੈਕਟ ਦਾ ਨੀਹਂ ਪੱਥਰ ਰੱਖਦਿਆਂ ਮੁੱਖ ਮੰਤਰੀ ਨੇ ਭਰੋਸਾ ਦੁਆਇਆ ਕਿ ਇਹ ਕਾਮ ਸਵਾ ਮਹੀਨੇ ‘ਚ ਪੂਰਾ ਕਰ ਲਿਆ ਜਾਏਗਾ।
ਇਸ ਮੌਕੇ ਉੱਤੇ ਦੇਸ਼ ਦੇ ਪ੍ਰਧਾਨ ਮੰਤਰੀ ਅਤੇ ਕੇਂਦਰ ਸਰਕਾਰ ਉੱਤੇ ਨਿਸ਼ਾਨਾ ਸਾਧਦਿਆਂ ਭਗਵੰਤ ਮਾਨ ਨੇ ਵੱਧ ਰਹੀਆਂ ਤੇਲ ਦੀਆਂ ਕੀਮਤਾਂ ਨੂੰ ਲੈਕੇ ਕੇਂਦਰ ਸਰਕਾਰ ਦੀ ਨੀਤੀ ਨੂੰ ਫੇਲ੍ਹ ਨੀਤੀ ਕਰਾਰ ਦਿੱਤਾ। ਸਤਿਕਾਰ ਐਕਟ ਉੱਤੇ ਗੱਲ ਕਰਦਿਆਂ ਮੁੱਖ ਮੰਤਰੀ ਨੇ ਕਿਹਾ ਕਿ ਦੇਸ਼ ਦੇ ਮੰਨੇ-ਪ੍ਰਮੰਨੇ ਵਕੀਲਾਂ, ਜੱਜਾਂ ਅਤੇ ਸੰਤ ਮਹਾਪੁਰਖਾਂ ਨਾਲ਼ ਸਲਾਹ ਕਰਕੇ ਬੇਅਦਬੀ ਖ਼ਿਲਾਫ਼ ਸਖ਼ਤ ਕਾਨੂੰਨ ਲਿਆਂਦਾ ਗਿਆ ਹੈ ਲੇਕਿਨ ਇਸ ਨਵੇਂ ਕਾਨੂੰਨ ਦਾ ਵਿਰੋਧ ਕਰਨ ਵਾਲੇ ਵਿਰੋਧੀਆਂ ਦੀ ਬੁਖ਼ਲਾਹਟ ਬੇਅਦਬੀਆਂ ਦੀ ਘਟਨਾਵਾਂ ਨਾ ਰੁਕਣ ਦੇਣ ਵਾਲੀ ਮਾਨਸਿਕਤਾ ਨੂੰ ਦਰਸਾਉਂਦੀ ਹੈ ਜੋ ਕਿ ਮੰਦਭਾਗੀ ਹੈ।
ਬਿਕਰਮ ਮਜੀਠੀਆ ਉੱਤੇ ਨਿਸ਼ਾਨਾ ਲਾਉਂਦਿਆਂ ਮੁੱਖ ਮੰਤਰੀ ਨੇ ਮਜੀਠੇ ਦੇ DSP ਨਾਲ ਕੀਤੇ ਵਿਵਹਾਰ ਨੂੰ ਵੇਖਦਿਆਂ DSP ਨੂੰ ਸ਼ਾਬਾਸ਼ੀ ਦੇਣ ਦੀ ਗੱਲ ਵੀ ਕਹੀ।
