May 7, SAS NAGAR
ਮੰਗਲਵਾਰ ਨੂੰ ਮੋਹਾਲੀ ਦੇ ਪਿੰਡ ਚੰਦੋ ਵਿਖੇ ਹੋਏ ਕਤਲ ਕਾਂਡ ਦੀ ਜ਼ਿੰਮੇਵਾਰੀ ਦਵਿੰਦਰ ਬੰਬੀਹਾ ਗੈਂਗ ਅਤੇ ਗੈਂਗਸਟਰ ਲੱਕੀ ਪਟਿਆਲਾ ਵੱਲੋਂ ਲਈ ਗਈ ਹੈ। ਮੰਗਲਵਾਰ ਦੁਪਹਿਰ ਬਾਅਦ ਵਾਪਰੀ ਇਸ ਹੱਤਿਆ ਦੀ ਵਾਰਦਾਤ ਬਾਰੇ ਪਾਈ ਗਈ ਇੱਕ ਸੋਸ਼ਲ ਮੀਡੀਆ ਪੋਸਟ ਵਿੱਚ ਦਵਿੰਦਰ ਬੰਬੀਹਾ ਗੈਂਗ ਨੇ ਮਾਰੇ ਗਏ ਨੌਜਵਾਨ ਮਨੀਸ਼ ਕੁਮਾਰ ਮਨੀ ਦੀ ਹੱਤਿਆ ਲੱਕੀ ਪਟਿਆਲਾ ਵੱਲੋਂ ਕਰਵਾਏ ਜਾਣ ਦਾ ਦਾਅਵਾ ਕੀਤਾ।
ਜ਼ਿਕਰਯੋਗ ਹੈ ਕਿ ਦੁਪਹਿਰ ਸਾਢੇ ਵਜੇ ਦੋ ਅਣਪਛਾਤੇ ਮੋਟਰਸਾਈਕਲ ਸਵਾਰ ਹਮਲਾਵਰਾਂ ਨੇ ਬਾਊਂਸਰ ਮਨੀਸ਼ ਮਨੀ ਦੀ ਗੋਲੀਆਂ ਮਾਰ ਕੇ ਹੱਤਿਆ ਕਰ ਦਿੱਤੀ ਸੀ ਜਿਸ ਤੋਂ ਬਾਅਦ ਮੋਹਾਲੀ ਪੁਲਿਸ ਹਮਲਾਵਰਾਂ ਦੀ ਤਲਾਸ਼ ਕਰ ਰਹੀ ਹੈ। ਅੰਜਾਮ ਦਿੱਤੀ ਗਈ ਇਸ ਵਾਰਦਾਤ ਨੂੰ ਸੱਤ ਸਾਲ ਪਹਿਲਾਂ 8 ਮਈ 2017 ਨੂੰ ਮਾਰੇ ਗਏ ਇੱਕ ਹੋਰ ਬਾਉਂਸਰ ਮੀਤ ਭੀ ਹੱਤਿਆ ਦੇ ਬਦਲੇ ਵਜੋਂ ਵੇਖਿਆ ਜਾ ਰਿਹਾ ਹੈ। ਹਾਲਾਂਕਿ 2020 ਵਿੱਚ ਵੀ ਚੰਡੀਗੜ੍ਹ ਦੇ ਸੈਕਟਰ 38 ਵਿਖੇ ਸੁਰਜੀਤ ਬਾਉਂਸਰ ਨਾਂਅ ਦੇ ਇੱਕ ਹੋਰ ਜਿਮ ਟ੍ਰੇਨਰ ਨੂੰ ਦਵਿੰਦਰ ਬੰਬੀਹਾ ਗੈਂਗ ਨੇ ਮੀਤ ਬਾਉਂਸਰ ਦੀ ਮੌਤ ਦਾ ਬਦਲਾ ਕਹਿ ਕੇ ਕਤਲ ਕਰ ਦਿੱਤਾ ਸੀ।
ਇਥੇ ਧਿਆਨ ਦੇਣ ਯੋਗ ਹੈ ਕਿ ਜੁਲਾਈ 2015 ਵਿੱਚ ਚੰਡੀਗੜ੍ਹ ਦੇ ਫਲੈਕਸੀ ਜਿਮ ਦੇ ਬਾਹਰ ਚਲੀ ਗੋਲੀ ਮਾਮਲੇ ਵਿੱਚ ਮਨੀਸ਼ ਕੁਮਾਰ ਮਨੀ ਆਪਣੇ ਦੋ ਹੋਰ ਸਾਥੀਆਂ ਗਗਨਦੀਪ ਢਿੱਲੋ ਅਤੇ ਗੁਰਪ੍ਰੀਤ ਗੁੱਗੀ ਨਾਲ ਸ਼ਾਮਿਲ ਸੀ ਅਤੇ ਇਸ ਕੇਸ ਵਿੱਚ ਸਜ਼ਾ ਵੀ ਭੁਗਤ ਚੁੱਕਾ ਸੀ। ਮੰਗਲਵਾਰ ਦੀ ਹੱਤਿਆ ਨੂੰ ਰਲਾ ਕੇ ਬੀਤੇ ਸੱਤ ਸਾਲਾਂ ਦੌਰਾਨ ਚੰਡੀਗੜ੍ਹ ਅਤੇ ਆਲੇ ਦੁਆਲੇ ਤੇ ਇਲਾਕਿਆਂ ਵਿੱਚ ਕੰਮ ਕਰਨ ਵਾਲੇ ਤਿੰਨ ਬਾਊਂਸਰਾਂ ਦੀ ਹੱਤਿਆ ਹੋ ਚੁੱਕੀ ਹੈ। ਦੋ ਹਤਿਆਵਾਂ ਦਵਿੰਦਰ ਬੰਬੀਹਾ ਗੈਂਗ ਅਤੇ ਆਰਮੀਨੀਆ ਬੇਸਡ ਗੈਂਗਸਟਰ ਲੱਕੀ ਪਟਿਆਲਾ ਵੱਲੋਂ ਕਰਵਾਈਆਂ ਗਈਆਂ ਨੇ।
ਦੱਸਿਆ ਜਾਂਦਾ ਹੈ ਕਿ 2017 ਵਿੱਚ ਮਾਰਿਆ ਗਿਆ ਮੀਤ ਬਾਊਂਸਰਗੈਂਗਸਟਰ ਲੱਕੀ ਪਟਿਆਲ ਅਤੇ ਭੂਪੀ ਰਾਣਾ ਦਾ ਬੇਹਦ ਕਰੀਬੀ ਸੀ ਇਸ ਹੱਤਿਆ ਦੀ ਵਾਰਦਾਤ ਦੇ ਪਿੱਛੇ ਗਗਨਦੀਪ ਢਿੱਲੋ ਦੀ ਭੂਮਿਕਾ ਸੀ ਜਿਸ ਕਾਰਨ ਗਗਨਦੀਪ ਦੇ ਗਰੁੱਪ ਨੂੰ ਹੁਣ ਟਾਰਗੇਟ ਕੀਤਾ ਜਾ ਰਿਹਾ ਹੈ।
