July 14, ਚੰਡੀਗੜ੍ਹ
ਅਮਰੀਕਾ ਦੀ ਜਾਂਚ ਏਜੇਂਸੀ FBI ਅਤੇ ਡਿਪਾਰਟਮੈਂਟ ਆਫ ਜਸਟਿਸ ਵਲੋਂ ਬੀਤੇ ਹਫਤੇ ਗੈਂਗਸਟਰ ਜੱਗੂ ਭਗਵਾਨਪੁਰੀਆ ਦੇ ਗੈਂਗ ਖਿਲਾਫ ਦਾਇਰ ਕੀਤੀ ਗਈ indictment ਉਪਰੰਤ ਫਰਾਂਸ ਤੋਂ ਗਿਰਫ਼ਤਾਰ ਕੀਤੇ ਗਏ ਗਰਿੰਦਰ ਸਿੰਘ ਦਿਓ ਬਾਰੇ ਮਿਲੀ ਜਾਣਕਾਰੀ ਵਿਚ ਇਕ ਅਹਿਮ ਤੱਥ ਜੱਗ ਜ਼ਾਹਿਰ ਹੋਇਆ ਹੈ। ਗਰਿੰਦਰ ਦਿਓ ਪੰਜਾਬ ਵਿਚ ਲੋੜੀਂਦੇ ਕੈਨੇਡਾ ਅਧਾਰਿਤ NRI ਪਰਮਿੰਦਰ ਸਿੰਘ ਪਿੰਦੀ ਦਿਓ ਦਾ ਪੁੱਤਰ ਦੱਸਿਆ ਜਾਂਦਾ ਹੈ ਅਤੇ ਬ੍ਰਿਟਿਸ਼ ਕੋਲੰਬੀਆ ਦੀ ਗੈਂਗ Conflict ਤਹਿਤ ਇਕ ਦਾਗੀ ਕਿਰਦਾਰ ਮੰਨਿਆ ਗਿਆ ਹੈ। ਭਾਰਤੀ ਪੰਜਾਬ ਵਿਚ ਬਹੁ ਕਰੋੜੀ ਡਰੱਗ ਮਾਮਲਿਆਂ ਚ ਨਾਮਜ਼ਦ ਕੀਤੇ ਗਏ ਪਰਮਿੰਦਰ ਪਿੰਦੀ ਦਿਓ ਦਾ ਨਾਂਅ ਉਹਨਾਂ ਇਕ ਦਰਜਨ ਤੋਂ ਵੱਧ ਕੈਨੇਡੀਅਨ NRIs ਦੀ ਲਿਸਟ ਵਿਚ ਸ਼ਾਮਿਲ ਸੀ ਜਿਸਨੂੰ ਤਤਕਾਲੀ ਪੰਜਾਬ ਦੇ CM ਕੈਪਟਨ ਅਮਰਿੰਦਰ ਸਿੰਘ ਨੇ ਕੈਨੇਡਾ ਦੇ ਪ੍ਰਧਾਨਮੰਤਰੀ ਨੂੰ ਉਹਨਾਂ ਦੀ ਫੇਰੀ ਦੌਰਾਨ ਸੌਂਪਿਆ ਸੀ।
ਪੰਜਾਬ ਦੇ ਭੋਲਾ ਡਰੱਗ ਕੇਸ ਤੋਂ ਬਾਅਦ ਉੱਭਰੇ ਹੋਰਨਾਂ ਡਰੱਗ ਤਸਕਰੀ ਮਾਮਲਿਆਂ ਵਿਚ ਅਕਾਲੀ ਆਗੂ ਬਿਕਰਮ ਸਿੰਘ ਮਜੀਠੀਆ ਨਾ ਨਾਂਅ ਸਾਹਮਣੇ ਆਉਣ ਤੋਂ ਬਾਅਦ ਮਜੀਠੀਆ ਦੇ ਕਰੀਬੀ ਰਹੇ ਕੈਨੇਡਾ ਅਧਾਰਿਤ ਸਤਪ੍ਰੀਤ ਸੱਤਾ ਅਤੇ ਬ੍ਰਿਟਿਸ਼ ਕੋਲੰਬੀਆ ਅਧਾਰਿਤ ਅਮਰਿੰਦਰ ਲਾਡੀ ਸਮੇਤ ਪਿੰਦੀ ਦੀ ਭਾਲ ਪੰਜਾਬ ਪੁਲਿਸ ਨੂੰ ਇਸ ਕੇਸ ਵਿਚ ਸੀ। ਪਿੰਦੀ ਖਿਲਾਫ ਇਕ ਰੈਡ ਕਾਰਨਰ ਨੋਟਿਸ ਵੀ ਇੰਟਰਪੋਲ ਵਲੋਂ ਜਾਰੀ ਕੀਤਾ ਗਿਆ ਸੀ। ਲੇਕਿਨ ਪਿੰਦੀ ਨੂੰ ਭਾਰਤ ਲਿਆਉਣ ਵਿਚ ਪੰਜਾਬ ਪੁਲਿਸ ਬੀਤੇ 12 ਤੋਂ ਵੱਧ ਸਾਲਾਂ ਤੋਂ ਕਾਮਯਾਬ ਨਹੀਂ ਹੋ ਪਾਈ। ਸੱਤਾ , ਲਾਡੀ ਅਤੇ ਪਿੰਦੀ ਤੋਂ ਇਲਾਵਾ ਕਈ ਹੋਰ NRIs ਜਿਵੇਂ ਅਨੂਪ ਸਿੰਘ ਕਾਹਲੋਂ, ਰਣਜੀਤ ਕੌਰ, ਦਵਿੰਦਰ ਨਰਵਾਲ, ਲਹਿਮਬਰ ਦਲੇਹ, ਪ੍ਰਦੀਪ ਧਾਲੀਵਾਲ ਅਤੇ ਅਮਰਜੀਤ ਕੂਨਰ ਸਮੇਤ ਕਈ NRIs ਭਾਰਤ ਵਿਚ ਲੋੜੀਂਦੇ ਨੇ।
ਅਮਰੀਕੀ FBI ਵਲੋਂ ਹੁਣ ਲੋੜੀਂਦੇ ਗਰਿੰਦਰ ਦਿਓ ਦੀ ਫਰਾਂਸ ਵਿਚ ਹੋਈ ਗਿਰਫਤਾਰੀ ਅਤੇ ਦਿਓ ਦੇ ਪਰਿਵਾਰ ਦੇ ਪੰਜਾਬ ਦੇ ਡਰੱਗ ਤਸਕਰੀ ਦੇ ਘੋਟਾਲੇ ਨਾਲ ਜੁੜਦੇ ਤਾਰ ਚਰਚਾ ਦਾ ਕੇਂਦਰ ਹਨ। ਗਰਿੰਦਰ ਦਿਓ ਉੱਤੇ FBI ਅਤੇ DOJ ਵਲੋਂ ਇਲਜ਼ਾਮ ਲਾਇਆ ਗਿਆ ਹੈਂ ਕਿ Mexico ਅਤੇ Columbia ਦੇ Cocaine ਤਸਕਰੀ ਗਿਰੋਹਾਂ ਵਲੋਂ ਅਮਰੀਕਾ ਵਿਚ ਲਿਆਂਦੀ ਜਾ ਰਹੀ Cocaine ਨੂੰ ਹਾਸਿਲ ਕਰਕੇ ਭਾਰਤ ਦੇ ਅਸਾਮ ਦੀ ਜੇਲ੍ਹ ਵਿਚ ਬੰਦ ਗੈਂਗਸਟਰ ਜੱਗੂ ਭਗਵਾਨਪੁਰੀਆ ਦੀ ਇਮਦਾਦ ਦੇ ਨਾਲ ਦਿਓ cocaine ਦੇ ਤਸਕਰੀ ਵਿਚ ਸ਼ਾਮਿਲ ਹੈ।
ਐਥੇ ਇਹ ਜ਼ਿਕਰਯੋਗ ਹੈ ਕਿ ਗਰਿੰਦਰ ਦਿਓ ਦੇ ਵੱਡੇ ਭਰਾ ਸੁਖਵੀਰ ਦਿਓ ਦੀ ਹੱਤਿਆ ਕੈਨੇਡਾ ਦੇ Toronto ਵਿਚ ਸਾਲ 2016 ਵਿਚ ਇਕ ਗੈਂਗਵਾਰ ਨਾਲ ਜੁੜੀ ਵਾਰਦਾਤ ਦੌਰਾਨ ਹੋਈ ਸੀ ਜਦੋਂ ਸੁਖਵੀਰ ਦਿਓ ਨੂੰ ਮਿੱਥ ਕੇ ਵਿਰੋਧੀ ਗੈਂਗ ਵਲੋਂ ਕਤਲ ਕੀਤਾ ਗਿਆ ਸੀ। ਗਰਿੰਦਰ ਦਿਓ ਅਤੇ ਉਸਦੇ ਇਕ ਹੋਰ ਭਰਾ ਹਰਜੀਤ ਦਿਓ ਨੂੰ ਵੈਨਕੂਵਰ ਪੁਲਿਸ ਵਿਭਾਗ ਨੇ ਕੁੱਝ ਸਾਲ ਪਹਿਲਾਂ ਪਬਲਿਕ ਸੁਰਖਿਆ ਲਈ ਖਤਰਨਾਕ ਅਨਸਰਾਂ ਵਜੋਂ ਐਲਾਨਿਆ ਸੀ। ਪਿਤਾ ਪਰਮਿੰਦਰ ਦਿਓ ਖੁਦ ਖਿਲਾਫ ਪੰਜਾਬ ਪੁਲਿਸ ਦੇ ਇਲਜ਼ਾਮਾਂ ਨੂੰ ਬੇਬੁਨਿਆਦ ਦੱਸਦੇ ਆਏ ਨੇ ਲੇਕਿਨ ਦਿਓ ਪਰਿਵਾਰ ਦੇ ਕਈ ਮੈਂਬਰਾਂ ਦਾ ਅਪਰਾਧਿਕ ਪਿਛੋਕੜ ਹੁਣ FBI ਦੀ ਨਜ਼ਰਾਂ ਵਿਚ ਆਉਣਾ ਅਹਿਮ ਸਮਝਿਆ ਜਾ ਰਿਹਾ ਹੈ।
