December 26, 2022
(Chandigarh)
ਸਾਲ ਦਾ ਆਖਰੀ ਹਫ਼ਤਾ ਯਾਨੀ ਪਾਰਟੀਆਂ ਦੇ ਦਿਨ…ਇਹਨਾਂ ਦਿਨਾਂ ਵਿੱਚ ਬੱਚਿਆਂ ਦੇ ਸਕੂਲ ਬੰਦ ਹੁੰਦੇ ਹਨ ਅਤੇ ਨਵੇਂ ਸਾਲ ਦਾ ਜਸ਼ਨ ਵੀ ਖੂਬ ਮਨਾਇਆ ਜਾਂਦਾ ਹੈ। ਲਿਹਾਜ਼ਾ ਹਰ ਕੋਈ ਪਾਰਟੀ ਮੂਡ ਵਿੱਚ ਹੁੰਦਾ ਹੈ। ਅਜਿਹੇ ਵਿੱਚ ਪਾਰਟੀ ਕਰਨ ਵਾਲਿਆਂ ਨੂੰ ਪੰਜਾਬ ਪੁਲਿਸ ਨੇ ਜ਼ਿੰਮੇਵਾਰੀ ਨਾਲ ਜਸ਼ਨ ਮਨਾਉਣ ਦੀ ਨਸੀਹਤ ਦਿੱਤੀ ਹੈ। ਨਾਲ ਹੀ ਬੇਹੱਦ ਮਜ਼ਾਕੀਆ ਲਹਿਜ਼ੇ ਵਿੱਚ ਲੋਕਾਂ ਨੂੰ ਕਾਨੂੰਨ ਦੀ ਉਲੰਘਣਾ ਕਰਨ ਤੋਂ ਚੇਤਾਇਆ ਹੈ।
ਪੰਜਾਬ ਪੁਲਿਸ ਨੇ ਕਾਨੂੰਨ ਦੀ ਉਲੰਘਣਾ ਕਰਨ ਵਾਲਿਆਂ ਲਈ ਥਾਣਿਆਂ ਵਿੱਚ 1N/2D ਜਾਂ 2N/2D ਦੇ ਸਪੈਸ਼ਲ ਆਫਰ ਜਾਰੀ ਕੀਤੇ ਹਨ। ਇਥੋ ਪੜ੍ਹੋ ਡਿਟੇਲ:-
- ਕਾਨੂੰਨ-ਵਿਵਸਥਾ ਦੀ ਉਲੰਘਣਾ ਕਰਨ ਵਾਲੇ ਲਈ ਸਿਟੀ ਪੁਲਿਸ ਥਾਣੇ ‘ਚ 1 ਰਾਤ/2 ਦਿਨ ਦਾ ਸਟੇਅ। ਨਾਲ ਫ੍ਰੀ ਮਸਾਜ ਸੈਸ਼ਨ!
- Drink n Drive ਦੇ ਕੇਸ ‘ਚ ਥਾਣਾ ਕੋਤਵਾਲੀ ‘ਚ 2 ਦਿਨ/2 ਰਾਤ ਦੇ ਸਟੇਅ ਦਾ ਪ੍ਰਬੰਧ!
- Rash Driving ਕਰਨ ਵਾਲੇ ਦਾ ਥਾਣਾ ਸਦਰ ਵੱਲੋਂ ਨਿੱਘਾ ਸਵਾਗਤ ਕੀਤਾ ਜਾਵੇਗਾ।
- ਕੁੜੀਆਂ ਨਾਲ ਛੇੜਛਾੜ ਕਰਨ ਵਾਲੇ ਲਈ ਪੰਜਾਬ ਪੁਲਿਸ ਦੇ ਹੁਨਰਮੰਦ ਸਟਾਫ਼ ਵੱਲੋਂ ਕੋਈ ਕਸਰ ਬਾਕੀ ਨਹੀਂ ਛੱਡੀ ਜਾਵੇਗੀ।
ਇਸਦੇ ਨਾਲ ਹੀ ਪੁਲਿਸ ਵੱਲੋਂ ਹੈਲਪਲਾਈਨ ਨੰਬਰ ਵੀ ਜਾਰੀ ਕੀਤੇ ਗਏ ਹਨ। ਪੁਲਿਸ ਵੱਲੋਂ ਕਿਹਾ ਗਿਆ ਹੈ ਕਿ ਜੇਕਰ ਕੋਈ ਤੁਹਾਡੀ ਸੈਲੀਬ੍ਰੇਸ਼ਨ ਨੂੰ ਖਰਾਬ ਕਰਨ ਦੀ ਕੋਸ਼ਿਸ਼ ਕਰਦਾ ਹੈ, ਤੁਸੀਂ ਸਾਨੂੰ 112 ਅਤੇ 181 ‘ਤੇ ਕਾਲ ਕਰਕੇ ਸੱਦਾ ਭੇਜ ਸਕਦੇ ਹੋ।
ਇਹਨਾਂ ਹਦਾਇਤਾਂ ਅਤੇ ਚੇਤਾਵਨੀਆਂ ਨੂੰ ਜਾਰੀ ਕਰਕੇ ਪੰਜਾਬ ਪੁਲਿਸ ਨੇ ਬੇਹੱਦ ਹੀ ਅਨੋਖੇ ਢੰਗ ਨਾਲ ਸਾਨੂੰ ਜ਼ਿੰਮੇਵਾਰ ਨਾਗਰਿਕ ਬਣਨ ਦੀ ਸਲਾਹ ਦਿੱਤੀ ਹੈ। ਲਿਹਾਜ਼ਾ ਸਾਡਾ ਵੀ ਫ਼ਰਜ਼ ਹੈ ਕਿ ਅਸੀਂ ਨਵੇਂ ਸਾਲ ਮੌਕੇ ਕਾਨੂੰਨ ਦੇ ਰਖਵਾਲਿਆਂ ਦੇ ਮਹਿਮਾਨ ਨਾ ਬਣੀਏ, ਬਲਕਿ ਆਪਣੇ ਘਰਾਂ ਵਿੱਚ ਆਪਣਿਆਂ ਨਾਲ ਹੀ ਨਵੇਂ ਸਾਲ ਦਾ ਜਸ਼ਨ ਮਨਾਈਏ।
