ਬਿਓਰੋ। ਕਿਸਾਨਾਂ ਦੇ ਸਮਰਥਨ ‘ਚ ਕਾਂਗਰਸੀ ਆਗੂ ਰਾਹੁਲ ਗਾਂਧੀ ਨੇ ਸੋਮਵਾਰ ਨੂੰ ਟ੍ਰੈਕਟਰ ਚਲਾ ਕੇ ਸੰਸਦ ਭਵਨ ਪਹੁੰਚੇ, ਤਾਂ ਸਿਆਸੀ ਬਵਾਲ ਖੜ੍ਹਾ ਹੋ ਗਿਆ। ਅਕਾਲੀ ਆਗੂ ਅਤੇ ਸਾਬਕਾ ਕੇਂਦਰੀ ਮੰਤਰੀ ਹਰਸਿਮਰਤ ਬਾਦਲ ਨੇ ਇਸ ਨੂੰ ਨੌਟੰਕੀ ਕਰਾਰ ਦਿੰਦੇ ਹੋਏ ਜੰਮ ਕੇ ਹਮਲਾ ਬੋਲਿਆ।
ਹਰਸਿਮਰਤ ਕੌਰ ਬਾਦਲ ਨੇ ਰਾਹੁਲ ਗਾਂਧੀ ਦੀ ਫੋਟੋ ਸ਼ੇਅਰ ਕਰਦੇ ਹੋਏ ਟਵਿਟਰ ‘ਤੇ ਲਿਖਿਆ, “ਰਾਹੁਲ ਗਾਂਧੀ ਫਿਰ ਫੋਟੋ ਔਪ ‘ਤੇ ਪਹੁੰਚ ਗਏ ਹਨ। ਜਦੋਂ ਸੰਸਦ ‘ਚ ਖੇਤੀ ਕਾਨੂੰਨਾਂ ਦੇ ਖਿਲਾਫ਼ ਵੋਟ ਪੈ ਰਹੇ ਸਨ, ਤਾਂ ਤੁਸੀਂ ਤੇ ਤੁਹਾਡੇ ਸਾਂਸਦ ਭੱਜ ਗਏ ਸਨ। ਜਦੋਂ ਸੰਸਦ ‘ਚ ਬਹਿਸ ਦੀ ਵਾਰੀ ਆਈ, ਉਦੋਂ ਵੀ ਸੰਸਦ ‘ਚ ਨਹੀਂ ਆਏ। ਖੁਦ ਕਾਂਗਰਸ ਦੇ ਮੈਨੀਫੈਸਟੋ ‘ਚ ਅਜਿਹੇ ਹੀ ਤਿੰਨ ਕਾਨੂੰਨਾਂ ਦਾ ਵਾਅਦਾ ਕੀਤਾ ਗਿਆ ਸੀ, ਤੁਹਾਡੀ ਸਰਕਾਰ ਨੇ ਉਹਨਾਂ ਨੂੰ ਪੰਜਾਬ ‘ਚ ਲਾਗੂ ਵੀ ਕੀਤਾ। ਕੀ ਤੁਹਾਨੂੰ ਲੱਗਦਾ ਹੈ ਕਿ ਕਿਸਾਨ ਮੂਰਖ ਹਨ?”
Return of the native for Photo Ops? @RahulGandhi you & Cong drove away & didn't return to vote against 3 #FarmBills when it mattered most-in Parl. Didn't return when Parl debated it. Cong manifesto promised 3 Acts.Your govt implemented them in Punjab. You think farmers are fools? pic.twitter.com/3zySyAfCeX
— Harsimrat Kaur Badal (@HarsimratBadal_) July 26, 2021
ਹਰਸਿਮਰਤ ਦੇ ਇਸ ਵਾਰ ‘ਤੇ ਕਾਂਗਰਸੀਆਂ ਨੇ ਵੀ ਉਹਨਾਂ ‘ਤੇ ਪਲਟਵਾਰ ਕਰਨ ‘ਚ ਦੇਰ ਨਹੀਂ ਲਗਾਈ। ਸਾਂਸਦ ਰਵਨੀਤ ਸਿੰਘ ਬਿੱਟੂ ਨੇ ਤੰਜ ਭਰੇ ਅੰਦਾਜ਼ ‘ਚ ਹਰਸਿਮਰਤ ਨੂੰ ਜਵਾਬ ਦਿੱਤਾ। ਬਿੱਟੂ ਨੇ ਕਿਹਾ, “ਪਹਿਲਾਂ ਤਾਂ ਸਾਡੀ ਤਸਵੀਰ ਪੋਸਟ ਕਰਨ ਲਈ ਸ਼ੁਕਰੀਆ। ਅਸੀਂ ਤਾਂ ਸ਼ੁਰੂ ਤੋਂ ਕਾਲੇ ਕਾਨੂੰਨਾਂ ਦਾ ਵਿਰੋਧ ਕਰ ਰਹੇ ਸੀ, ਪਰ ਤੁਹਾਨੂੰ ਇਸ ਲਈ ਨਜ਼ਰ ਨਹੀਂ ਆਏ ਕਿਉਂਕਿ ਤੁਸੀਂ ਤੋਮਰ ਅਤੇ ਮੋਦੀ ਦੇ ਵਿਚਕਾਰ ਵਾਲੀ ਕੁਰਸੀ ‘ਤੇ ਬਹਿ ਕੇ ਕਾਨੂੰਨ ਬਣਾ ਰਹੇ ਸੀ।”
— Ravneet Singh Bittu (@RavneetBittu) July 26, 2021
ਬਾਦਲਾਂ ਦੇ ਧੁਰ ਵਿਰੋਧੀ ਅਤੇ ਕਾਂਗਰਸੀ ਵਿਧਾਇਕ ਰਾਜਾ ਵੜਿੰਗ ਨੇ ਵੀ ਹਰਸਿਮਰਤ ਬਾਦਲ ‘ਤੇ ਜ਼ੋਰਦਾਰ ਹਮਲਾ ਬੋਲਿਆ। ਵੜਿੰਗ ਨੇ ਕਿਹਾ, “ਡਰਾਮਾ ਕੌਣ ਕਰ ਰਿਹਾ ਸਭ ਜਾਣਦੇ ਨੇ। ਤੁਹਾਡੀਆਂ ਇਨ੍ਹਾਂ ਖੇਤੀ ਕਨੂੰਨਾਂ ਦੇ ਹੱਕ ਵਿੱਚ ਕੀਤੀਆਂ ਪ੍ਰੈਸ ਕਾਨਫ੍ਰੰਸਾਂ ਨੂੰ ਲੋਕ ਭੁੱਲੇ ਨਹੀਂ। ਪ੍ਰਕਾਸ਼ ਸਿੰਘ ਬਾਦਲ ਜੀ ਸਮੇਤ ਤੁਹਾਡੇ ਸਾਰੇ ਪਰਿਵਾਰ ਨੇ ਚੀਕ ਚੀਕ ਕੇ ਇਸ ਕਾਨੂੰਨ ਨੂੰ ਸਹੀ ਕਿਹਾ ਸੀ। ਗਿਰਗਟ ਵੀ ਸ਼ਰਮਸਾਰ ਹੋਵੇਗੀ ਤੁਹਾਡਾ ਰੂਪ ਦੇਖ ਕੇ।”
ਹਰਸਿਮਰਤ ਬਾਦਲ @HarsimratBadal_ ਡਰਾਮਾ ਕੋਣ ਕਰ ਰਿਹਾ ਸਭ ਜਾਣਦੇ ਨੇ ।
ਤੁਹਾਡੀਆਂ ਇਨ੍ਹਾ ਖੇਤੀ ਕਨੂੰਨਾਂ ਦੇ ਹੱਕ ਵਿੱਚ ਕੀਤੀਆਂ ਪ੍ਰੈਸ ਕਾਨਫ੍ਰੰਸਾਂ ਨੂੰ ਲੋਕ ਭੁੱਲੇ ਨਹੀਂ ।
ਪ੍ਰਕਾਸ਼ ਸਿੰਘ ਬਾਦਲ ਜੀ ਸਮੇਤ ਤੁਹਾਡੇ ਸਾਰੇ ਪਰਿਵਾਰ ਨੇ ਚੀਕ ਚੀਕ ਕੇ ਇਸ ਕਨੂੰਨ ਨੂੰ ਸਹੀ ਕਿਹਾ ਸੀ ।ਗਿਰਗਟ ਵੀ ਸ਼ਰਮਸਾਰ ਹੋਵੇਗੀ ਤੁਹਾਡਾ ਰੂਪ ਦੇਖਕੇ । https://t.co/CACPJdvi0j pic.twitter.com/HEHyPSskgv
— Amarinder Singh Raja (@RajaBrar_INC) July 26, 2021
ਦਰਅਸਲ, ਜਿਸ ਵੇਲੇ ਨਵੇਂ ਖੇਤੀ ਕਾਨੂੰਨਾਂ ਨਾਲ ਜੁੜੇ ਆਰਡੀਨੈਂਸ ਲਿਆਂਦੇ ਗਏ। ਉਸ ਵੇਲੇ ਅਕਾਲੀ ਦਲ NDA ਸਰਕਾਰ ‘ਚ ਸੀ। ਸ਼ੁਰੂਆਤ ‘ਚ ਨਾ ਸਿਰਫ਼ ਹਰਸਿਮਰਤ ਕੌਰ ਬਾਦਲ, ਬਲਕਿ ਸੁਖਬੀਰ ਬਾਦਲ ਅਤੇ ਇਥੋਂ ਤੱਕ ਕਿ ਪ੍ਰਕਾਸ਼ ਸਿੰਘ ਬਾਦਲ ਨੇ ਵੀ ਇਸ ਨੂੰ ਕਿਸਾਨਾਂ ਦੇ ਹਿੱਤ ‘ਚ ਦੱਸਿਆ ਸੀ। ਹਾਲਾਂਕਿ ਬਾਅਦ ‘ਚ ਕਿਸਾਨਾਂ ਦੇ ਵਿਰੋਧ ਦੇ ਚਲਦੇ ਅਕਾਲੀ ਦਲ ਨੇ ਨਾ ਸਿਰਫ਼ ਇਸਦਾ ਵਿਰੋਧ ਕੀਤਾ, ਬਲਕਿ ਬੀਜੇਪੀ ਨਾਲ ਆਪਣਾ 2 ਦਹਾਕਿਆਂ ਪੁਰਾਣਾ ਗਠਜੋੜ ਤੋੜਦੇ ਹੋਏ ਸਰਕਾਰ ਤੋਂ ਵੱਖ ਹੋ ਗਿਆ।
