ਦਿੱਲੀ। ਦਿੱਲੀ ਸਿੱਖ ਗੁਰਦੁਆਰਾ ਮੈਨੇਜਮੈਂਟ ਕਮੇਟੀ ਦੀ ਵਾਗਡੋਰ ਇਕ ਵਾਰ ਫਿਰ ਅਕਾਲੀ ਦਲ(ਬਾਦਲ) ਦੇ ਹੱਥਾਂ ਵਿੱਚ ਹੋਵੇਗੀ। ਲਗਾਤਾਰ ਤੀਜੀ ਵਾਰ ਬਾਦਲ ਧੜੇ ਨੇ DSGMC ਚੋਣਾਂ ਵਿੱਚ ਜਿੱਤ ਹਾਸਲ ਕੀਤੀ ਹੈ। ਹਾਲਾਂਕਿ ਕਮੇਟੀ ਪ੍ਰਧਾਨ ਮਨਜਿੰਦਰ ਸਿੰਘ ਸਿਰਸਾ ਖੁਦ ਚੋਣ ਹਾਰ ਗਏ ਹਨ।
ਅਕਾਲੀ ਦਲ(ਬਾਦਲ) ਨੂੰ ਬਹੁਮਤ
ਕਮੇਟੀ ਦੀਆਂ ਕੁੱਲ 46 ਸੀਟਾਂ ਵਿੱਚੋਂ 27 ਸੀਟਾਂ ‘ਤੇ ਅਕਾਲੀ ਦਲ(ਬਾਦਲ) ਨੂੰ ਕਾਮਯਾਬੀ ਮਿਲੀ ਹੈ, ਜਦਕਿ ਅਕਾਲੀ ਦਲ(ਦਿੱਲੀ) ਦੇ ਸਰਨਾ ਭਰਾਵਾਂ ਨੇ 15 ਸੀਟਾਂ ‘ਤੇ ਦਰਜ ਕੀਤੀ ਹੈ। ਓਧਰ ਅਕਾਲੀ ਦਲ ਤੋਂ ਵੱਖ ਹੋ ਕੇ ਆਪਣੀ ਪਾਰਟੀ ਬਣਾਉਣ ਵਾਲੇ ਮਨਜੀਤ ਸਿੰਘ ਜੀਕੇ ਨੂੰ ਮਹਿਜ਼ 3 ਸੀਟਾਂ ‘ਤੇ ਸਬਰ ਕਰਨਾ ਪਿਆ।
46 ‘ਚੋਂ 27 ਸੀਟਾਂ ਜਿਤਾ ਕੇ ਦਿੱਲੀ ਦੀ ਸੰਗਤ ਨੇ ਸਾਨੂੰ ਬਹੁਤ ਵੱਡਾ ਮਾਣ ਬਖ਼ਸ਼ਿਆ ਹੈ। ਇਹ ਜਿੱਤ ਦਿੱਲੀ ਦੀ ਸਾਰੀ ਸੰਗਤ ਦੀ ਹੈ, ਅਸੀਂ ਦਿੱਲੀ ਦੀ ਸੰਗਤ ਦੇ ਚਰਨਾਂ ਵਿੱਚ ਸੀਸ ਨਿਵਾ ਕੇ ਸ਼੍ਰੋਮਣੀ ਅਕਾਲੀ ਦਲ ਨੂੰ ਇਹ ਮਾਣ ਬਖਸ਼ਣ ਲਈ ਉਹਨਾਂ ਦਾ ਧੰਨਵਾਦ ਕਰਦੇ ਹਾਂ। 🙏🏻@BawaHS @punjabkesari @thetribunechd
— Manjinder Singh Sirsa (@mssirsa) August 25, 2021
ਸੁਖਬੀਰ ਬਾਦਲ ਨੇ ਨਤੀਜਿਆਂ ਨੂੰ ਦੱਸਿਆ ਇਤਿਹਾਸਕ
ਅਕਾਲੀ ਦਲ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਦਿੱਲੀ ਕਮੇਟੀ ਦੀਆਂ ਚੋਣਾਂ ਵਿੱਚ ਮਿਲੀ ਜਿੱਤ ਨੂੰ ਇਤਿਹਾਸਕ ਕਰਾਰ ਦਿੱਤਾ ਸੁਖਬੀਰ ਨੇ ਕਿਹਾ ਕਿ ਇਨ੍ਹਾਂ ਚੋਣਾਂ ਵਿੱਚ ਆਮ ਆਦਮੀ ਪਾਰਟੀ ਬੀਜੇਪੀ ਅਤੇ ਕਾਂਗਰਸ ਸਾਰਿਆ ਨੇ ਮਿਲ ਕੇਸਾਨੂੰ ਹਰਾਉਣ ਦੀ ਕੋਸ਼ਿਸ਼ ਕੀਤੀ, ਜਿਸਦੇ ਲਈ ਪੈਸੇ ਅਤੇ ਪਾਵਰ ਦਾ ਵੀ ਖੂਬ ਇਸਤੇਮਾਲ ਕੀਤਾ। ਉਨ੍ਹਾਂ ਕਿਹਾ ਕਿ ਸੰਗਤ ਨੇ ਸਾਡੇ ‘ਤੇ ਇੱਕ ਵਾਰ ਫਿਰ ਭਰੋਸਾ ਜਤਾ ਕੇ ਵਿਰੋਧੀਆਂ ਨੂੰ ਕਰਾਰਾ ਜਵਾਬ ਦਿੱਤਾ ਹੈ।
Akali Dal’s 3rd consecutive win in the Delhi Sikh Gurdwara Management Committee (DSGMC) elections https://t.co/cbgzp42fUC
— Sukhbir Singh Badal (@officeofssbadal) August 25, 2021
ਅਕਾਲੀ ਦਲ(ਬਾਦਲ) ਦੇ ਦਿੱਗਜ ਚੋਣ ਹਾਰੇ
ਦਿੱਲੀ ਕਮੇਟੀ ਦੀਆਂ ਇਸ ਵਾਰ ਦੀਆਂ ਚੋਣਾਂ ਵਿੱਚ ਕਈ ਵੱਡੇ ਉਲਟਫੇਰ ਵੇਖਣ ਨੂੰ ਮਿਲੇ। ਕਮੇਟੀ ਦੇ ਮੌਜੂਦਾ ਪ੍ਰਧਾਨ ਮਨਜਿੰਦਰ ਸਿੰਘ ਸਿਰਸਾ ਕਰੀਬ 500 ਵੋਟਾਂ ਦੇ ਫ਼ਰਕ ਨਾਲ ਚੋਣ ਹਾਰ ਗਏ। ਸਿਰਸਾ ਨੂੰ ਕਮੇਟੀ ਦੇ ਸਾਬਕਾ ਪ੍ਰਧਾਨ ਹਰਵਿੰਦਰ ਸਿੰਘ ਸਰਨਾ ਹੱਥੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਸਦੇ ਨਾਲ ਹੀ ਅਕਾਲੀ ਦਲ(ਬਾਦਲ) ਦੀ ਦਿੱਲੀ ਇਕਾਈ ਦੇ ਪ੍ਰਧਾਨ ਗੁਰਮੀਤ ਸਿੰਘ ਸ਼ੰਟੀ ਅਤੇ ਕੁਲਵੰਤ ਸਿੰਘ ਬਾਠ ਵੀ ਆਪਣੀ ਸੀਟ ਹਾਰ ਗਏ।
ਹਾਰ ਕੇ ਵੀ ਸਿਰਸਾ ਦਾ ਪ੍ਰਧਾਨ ਬਣਨਾ ਤੈਅ!
ਮਨਜਿੰਦਰ ਸਿੰਘ ਸਰਸਾ ਬੇਸ਼ੱਕ ਚੋਣ ਹਾਰ ਗਏ ਹੋਣ, ਪਰ ਫੇਰ ਵੀ ਉਹਨਾਂ ਦਾ ਪ੍ਰਧਾਨ ਬਣਨਾ ਲਗਭਗ ਤੈਅ ਹੈ। ਦਰਅਸਲ, SGPC ਨੂੰ ਦਿੱਲੀ ਕਮੇਟੀ ਵਿੱਚ ਇੱਕ ਮੈਂਬਰ ਨਾਮਜ਼ਦ ਕਰਨ ਦਾ ਅਧਿਕਾਰ ਹੈ ਅਤੇ ਨਤੀਜਿਆਂ ਦੇ ਤੁਰੰਤ ਬਾਅਦ SGPC ਨੇ ਸਿਰਸਾ ਨੂੰ ਨਾਮਜ਼ਦ ਵੀ ਕਰ ਦਿੱਤਾ ਹੈ। ਸਿਰਸਾ ਨੇ ਟਵੀਟ ਕਰਕੇ ਇਸਦੇ ਲਈ ਸੁਖਬੀਰ ਬਾਦਲ ਅਤੇ ਬੀਬੀ ਜਗੀਰ ਕੌਰ ਦਾ ਸੁਕਰੀਆ ਅਦਾ ਕੀਤਾ।
I am deeply grateful to @Akali_Dal_ President S. @officeofssbadal Ji & @SGPCAmritsar Pradhaan Bibi Jagir Kaur Ji, DSGMC members & Sangat of Delhi for nominating me as Member in DSGMC from SGPC 🙏🏻 I am committed to carry on the Sewa vision & follow the path shown by Guru Sahibs pic.twitter.com/u2NWKuIUxD
— Manjinder Singh Sirsa (@mssirsa) August 25, 2021
