ਬਿਓਰੋ। ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਨੇ ਕਿਸਾਨਾਂ ‘ਤੇ ਇੱਕ ਵਾਰ ਫਿਰ ਵਿਵਾਦਤ ਬਿਆਨ ਦਿੱਤਾ ਹੈ। ਬੀਜੇਪੀ ਵਰਕਰਾਂ ਦੀ ਇੱਕ ਬੈਠਕ ਵਿੱਚ ਸੀਐੱਮ ਨੇ ਕਿਹਾ ਕਿ ਉੱਤਰ-ਪੱਛਮੀ ਹਰਿਆਣਾ ਦੇ ਹਰ ਜਿਲ੍ਹੇ ਵਿੱਚ ਕਿਸਾਨਾਂ ਦੇ ਖਿਲਾਫ਼ ਡੰਡੇ ਚੁੱਕਣ ਵਾਲੇ ਵਲੰਟੀਅਰ ਖੜ੍ਹੇ ਕਰਨੇ ਪੈਣਗੇ, ਜੋ ਗੁੱਸਾਏ ਕਿਸਾਨਾਂ ਦਾ ਇਲਾਜ ਕਰਨਗੇ।
ਸੀਐੱਮ ਨੇ ਕਿਹਾ, “ਕਿਸਾਨਾਂ ਦੀਆਂ ਕੁਝ ਨਵੀਆਂ ਜਥੇਬੰਦੀਆਂ ਉਭਰ ਰਹੀਆਂ ਹਨ, ਉਹਨਾਂ ਨੂੰ ਹੁਣ ਉਤਸ਼ਾਹਿਤ ਕਰਨਾ ਪਏਗਾ। ਉਹਨਾਂ ਨੂੰ ਅੱਗੇ ਲਿਆਉਣਾ ਪਏਗਾ, ਖਾਸਕਰ ਉੱਤਰ-ਪੱਛਮੀ ਹਰਿਆਣਾ ਵਿੱਚ। ਦੱਖਣੀ ਹਰਿਆਣਾ ਵਿੱਚ ਇਹ ਸਮੱਸਿਆ ਜਿਆਦਾ ਨਹੀਂ ਹੈ, ਪਰ ਉੱਤਰ-ਪੱਛਮੀ ਹਰਿਆਣਾ ਦੇ ਹਰ ਜਿਲ੍ਹੇ ਵਿੱਚ ਆਪਣੇ 500-700 ਕਿਸਾਨ ਜਾਂ 1000 ਲੋਕ ਖੜ੍ਹੇ ਕਰੋ, ਉਹਨਾਂ ਨੂੰ ਵਲੰਟੀਅਰ ਬਣਾਓ।”
ਚੁੱਕ ਲਓ ਡੰਡੇ, ਬਾਕੀ ਵੇਖ ਲਵਾਂਗੇ- ਮਨੋਹਰ ਲਾਲ
ਮੁੱਖ ਮੰਤਰੀ ਨੇ ਲੋਕਾਂ ਨੂੰ ਪੁੱਛਿਆ ਕਿ ਉਹਨਾਂ ਦੇ ਬਿਆਨ ਦਾ ਮਤਲਬ ਕੌਣ ਦੱਸੇਗਾ? ਇਸ ‘ਤੇ ਸਾਹਮਣੇ ਬੈਠੇ ਲੋਕਾਂ ‘ਚੋਂ ਕੁਝ ਅਵਾਜ਼ ਆਉਂਦੀ ਹੈ, ਜਿਸ ਨੂੰ ਸੁਣ ਕੇ ਮੁੱਖ ਮੰਤਰੀ ਕਹਿੰਦੇ ਹਨ- “ਜੈਸੇ ਕੋ ਤੈਸਾ।” ਫੇਰ ਹਲਕਾ ਜਿਹਾ ਮੁਸਕੁਰਾਉਂਦੇ ਹੋਏ ਸੀਐੱਮ ਨੇ ਕਿਹਾ- “ਚੁੱਕ ਲਓ ਡੰਡੇ, ਠੀਕ ਹੈ?“
…ਤਾਂ ਕੋਈ ਗੱਲ ਨਹੀਂ- ਮਨੋਹਰ ਲਾਲ
ਇਸ ‘ਤੇ ਕੁਝ ਲੋਕਾਂ ਦੇ ਤਾਲੀਆਂ ਵਜਾਉਣ ਦੀ ਅਵਾਜ਼ ਆਉਂਦੀ ਹੈ, ਤਾਂ ਕੁਝ ਲੋਕ ਕਹਿੰਦੇ ਹਨ ਕਿ ਫਿਰ ਤਾਂ ਜੇਲ੍ਹ ਜਾਣਾ ਪਏਗਾ ਇਸ ‘ਤੇ ਮੁੱਖ ਮੰਤਰੀ ਕਹਿੰਦੇ ਹਨ, “ਉਹ ਵੀ ਵੇਖ ਲਵਾਂਗੇ ਤੇ ਦੂਜੀ ਗੱਲ ਇਹ ਹੈ ਕਿ ਜਦੋਂ ਡੰਡੇ ਚੁੱਕੋਗੇ, ਤਾਂ ਜ਼ਮਾਨਤ ਦੀ ਪਰਵਾਹ ਨਾ ਕਰਿਓ। ਮਹੀਨਾ, 2 ਮਹੀਨਾ, 6 ਮਹੀਨੇ ਅੰਦਰ ਰਹਿ ਆਓਗੇ, ਤਾਂ ਵੱਡੇ ਲੀਡਰ ਆਪਣੇ-ਆਪ ਬਣ ਜਾਓਗੇ।”
ਇੱਟ ਦਾ ਜਵਾਬ ਪੱਥਰ ਨਾਲ ਦਵਾਂਗੇ- ਚਢੂਨੀ
ਹਰਿਆਣਾ ਵਿੱਚ ਭਾਰਤੀ ਕਿਸਾਨ ਯੂਨੀਅਨ ਦੇ ਪ੍ਰਧਾਨ ਗੁਰਨਾਮ ਸਿੰਘ ਚਢੂਨੀ ਨੇ ਮੁੱਖ ਮੰਤਰੀ ਮਨੋਹਰ ਲਾਲ ਦੇ ਬਿਆਨ ‘ਤੇ ਤਿੱਖੀ ਪ੍ਰਤੀਕਿਰਿਆ ਦਿੱਤੀ ਹੈ। ਚਢੂਨੀ ਨੇ ਕਿਹਾ, “ਸੂਬੇ ਦੇ ਸੀਐੱਮ ਨੂੰ ਅਜਿਹੇ ਸ਼ਬਦ ਸ਼ੋਭਾ ਨਹੀਂ ਦਿੰਦੇ। ਫੇਰ ਵੀ ਜੇਕਰ ਕਿਸਾਨਾਂ ਲਈ ਅਜਿਹੀ ਤਿਆਰੀ ਹੈ, ਤਾਂ ਅਸੀਂ ਵੀ ਇੱਟ ਦਾ ਜਵਾਬ ਪੱਥਰ ਨਾਲ ਦਵਾਂਗੇ।” ਉਹਨਾਂ ਕਿਹਾ ਕਿ ਜੋ ਵੀ ਕਿਸਾਨਾਂ ਵੱਲ ਇਸ ਲਹਿਜੇ ਵਿੱਚ ਆਵੇਗਾ, ਉਹ ਤਗੜਾ ਹੋ ਕੇ ਆਵੇ।
ਵਿਰੋਧੀਆਂ ਨੇ ਵੀ ਸੀਐੱਮ ਨੂੰ ਘੇਰਿਆ
ਵਿਵਾਦਤ ਬਿਆਨ ਦਾ ਵੀਡੀਓ ਸਾਹਮਣੇ ਆਉਂਦੇ ਹੀ ਸੀਐੱਮ ਮਨੋਹਰ ਲਾਲ ਵਿਰੋਧੀਆਂ ਦੇ ਨਿਸ਼ਾਨੇ ‘ਤੇ ਆ ਗਏ ਹਨ। ਕਾਂਗਰਸੀ ਆਗੂ ਰਣਦੀਪ ਸੁਰਜੇਵਾਲਾ ਨੇ ਕਿਹਾ, “ਜੇਕਰ ਸੂਬੇ ਦਾ ਮੁੱਖ ਮੰਤਰੀ ਹੀ ਹਿੰਸਾ ਫੈਲਾਉਣ, ਸਮਾਜ ਨੂੰ ਤੁੜਵਾਉਣ ਅਤੇ ਕਾਨੂੰਨ ਵਿਵਸਥਾ ਨੂੰ ਖਤਮ ਕਰਨ ਦੀ ਗੱਲ ਕਰਨਗੇ, ਤਾਂ ਸੂਬੇ ਵਿੱਚ ਕਾਨੂੰਨ ਅਤੇ ਸੰਵਿਧਾਨ ਦਾ ਸ਼ਾਸਨ ਚੱਲ ਹੀ ਨਹੀਂ ਸਕਦਾ। ਅੱਜ ਬੀਜੇਪੀ ਦੀ ਕਿਸਾਨ ਵਿਰੋਧੀ ਸਾਜਿਸ਼ ਦਾ ਭੰਡਾਫੋੜ ਹੋ ਹੀ ਗਿਆ। ਅਜਿਹੀ ਅਰਾਜਕ ਸਰਕਾਰ ਨੂੰ ਫਾਰਗ ਕਰਨ ਦਾ ਸਮਾਂ ਆ ਗਿਆ ਹੈ।”
अगर प्रदेश का मुख्य मंत्री ही हिंसा फैलाने, समाज को तुड़वाने और क़ानून व्यवस्था को ख़त्म करने की बात करेंगे, तो प्रदेश में क़ानून और सविंधान का शासन चल ही नही सकता।
आज भाजपा के किसान विरोधी षड्यंत्र का भंडाफोड़ हो ही गया।
ऐसी अराजक सरकार को चलता करने का समय आ गया है। pic.twitter.com/kSgk8kiCUx
— Randeep Singh Surjewala (@rssurjewala) October 3, 2021
ਓਧਰ ਇਨੈਲੋ ਆਗੂ ਅਭੇ ਚੌਟਾਲਾ ਨੇ ਵੀ ਮੁੱਖ ਮੰਤਰੀ ‘ਤੇ ਹਮਲਾ ਬੋਲਿਆ। ਉਹਨਾਂ ਨੇ ਟਵੀਟ ਕਰਦੇ ਹੋਏ ਲਿਖਿਆ, “ਸੂਬੇ ਦਾ ਮੁੱਖ ਮੰਤਰੀ ਹਿੰਸਾ ਵਾਲੀ ਭਾਸ਼ਾ ਦਾ ਇਸਤੇਮਾਲ ਕਰਦੇ ਹੋਏ ਸੂਬੇ ਵਿੱਚ ਅਰਾਜਕਤਾ ਫੈਲਾਉਣਾ ਚਾਹੁੰਦਾ ਹੈ। ਮਹਾਂਮਹਿਮ ਰਾਜਪਾਲ ਜੀ ਨੂੰ ਸੀਐੱਮ ਦੇ ਖਿਲਾਫ਼ ਐਕਸ਼ਨ ਲੈ ਕੇ ਤੁਰੰਤ ਬਰਖਾਸਤ ਕਰਨਾ ਚਾਹੀਦਾ ਹੈ। ਸੰਵਿਧਾਨ ਦੀ ਸਹੁੰ ਲੈ ਕੇ ਅਰਾਜਕਤਾ ਫੈਲਾਉਣ ਦੇ ਇਲਜਾਮ ਵਿੱਚ ਉਸਦੇ ਖਿਲਾਫ਼ ਦੇਸ਼ਧ੍ਰੋਹ ਦਾ ਮੁੱਕਦਮਾ ਦਰਜ ਹੋਣਾ ਚਾਹੀਦਾ ਹੈ।”
प्रदेश का मुख्यमंत्री हिंसात्मक भाषा का प्रयोग करते हुए प्रदेश में अराजकता फैलाना चाहता है। महामहिम राज्यपाल जी को सीएम के खिलाफ एक्शन लेकर तुरंत बर्खास्त करना चाहिए। संविधान की शपथ लेकर अराजकता फैलाने के आरोप में उसके खिलाफ देशद्रोह का मुकदमा दर्ज होना चाहिए। pic.twitter.com/BLpAaGyDGf
— Abhay Singh Chautala (@AbhaySChautala) October 3, 2021
ਪਹਿਲਾਂ ਕਰਨਾਲ ਲਾਠੀਚਾਰਜ ‘ਤੇ ਘਿਰੀ ਸੀ ਸਰਕਾਰ
28 ਅਗਸਤ, 2021 ਨੂੰ CM ਖੱਟਰ ਕਰਨਾਲ ਵਿੱਚ ਬੀਜੇਪੀ ਦੀ ਬੈਠਕ ਲੈ ਰਹੇ ਹਨ ਮੀਟਿੰਗ ਵਾਲੀ ਥਾਂ ਤੋਂ ਕੁਝ ਦੂਰੀ ‘ਤੇ ਡਿਊਟੀ ਮੈਜਿਸਟ੍ਰੇਟ ਦੇ ਰੂਪ ਵਿੱਚ ਤੈਨਾਤ ਕਰਨਾਲ ਦੇ ਤਤਕਾਲੀ SDM ਆਯੁਸ਼ ਸਿਨ੍ਹਾ ਨੇ ਪੁਲਿਸ ਵਾਲਿਆਂ ਨੂੰ ਕਿਸਾਨਾਂ ਦੇ ਸਿਰ ਫੋੜਨ ਦਾ ਵਿਵਾਦਤ ਆਦੇਸ਼ ਦਿੱਤਾ ਸੀ, ਜਿਸ ਤੋਂ ਕੁਝ ਦੇਰ ਬਾਅਦ ਕਿਸਾਨਾਂ ‘ਤੇ ਜ਼ਬਰਦਸਤ ਲਾਠੀਚਾਰਜ ਹੋਇਆ। ਇਸ ‘ਤੇ ਖੂਬ ਬਵਾਲ ਹੋਇਆ ਅਤੇ ਕਿਸਾਨਾਂ ਨੇ ਮਹਾਂਪੰਚਾਇਤ ਕਰਕੇ ਮਿਨੀ ਸਕੱਤਰੇਤ ਘੇਰ ਲਿਆ। ਉਸ ਤੋਂ ਬਾਅਦ ਸੂਬਾ ਸਰਕਾਰ ਨੂੰ ਬੈਕਫੁੱਟ ‘ਤੇ ਆਉਂਦੇ ਹੋਏ ਘਟਨਾ ਦੀ ਨਿਆਂਇਕ ਜਾਂਚ ਕਰਾਉਣ ਅਤੇ ਜਾਂਚ ਪੂਰੀ ਹੋਣ ਤੱਕ ਆਯੁਸ਼ ਸਿਨ੍ਹਾ ਨੂੰ ਛੁੱਟੀ ‘ਤੇ ਭੇਜਣ ਦਾ ਆਦੇਸ਼ ਦੇਣਾ ਪਿਆ ਸੀ।
