ਬਿਓਰੋ। ਕਾਂਗਰਸ ਛੱਡਣ ਦਾ ਐਲਾਨ ਕਰਨ ਤੋਂ ਬਾਅਦ ਕੈਪਟਨ ਅਮਰਿੰਦਰ ਸਿੰਘ ਪਾਰਟੀ ਅੰਦਰ ਆਪਣੇ ਵਿਰੋਧੀਆਂ ‘ਤੇ ਲਗਾਤਾਰ ਹਮਲੇ ਬੋਲ ਰਹੇ ਹਨ। ਇਸ ਵਾਰ ਉਹਨਾਂ ਨੇ ਨਵਜੋਤ ਸਿੱਧੂ ਦੇ ਕਰੀਬੀ ਅਤੇ ਸੂਬੇ ਦੇ ਖੇਡ ਤੇ ਸਿੱਖਿਆ ਮੰਤਰੀ ਪਰਗਟ ਸਿੰਘ ‘ਤੇ ਪਲਟਵਾਰ ਕੀਤਾ ਹੈ। ਕੈਪਟਨ ਦੇ ਬੀਜੇਪੀ ਨਾਲ ਮਿਲ ਕੇ ਕਿਸਾਨਾਂ ਖਿਲਾਫ਼ ਸਾਜਿਸ਼ ਰਚਣ ਦੇ ਪਰਗਟ ਸਿੰਘ ਦੇ ਇਲਜਾਮ ‘ਤੇ ਕੈਪਟਨ ਨੇ ਤਿੱਖਾ ਹਮਲਾ ਬੋਲਿਆ ਹੈ।
ਅਮਰਿੰਦਰ ਸਿੰਘ ਨੇ ਕਿਹਾ, “ਕੀ ਬਕਵਾਸ ਹੈ ਇਹ। ਕੀ ਵਾਕਈ ਤੁਹਾਨੂੰ ਲਗਦਾ ਹੈ ਕਿ ਪੰਜਾਬ ਦੇ ਲੋਕ ਇਹ ਸੋਚ ਸਕਦੇ ਹਨ ਕਿ ਮੈਂ ਫ਼ਸਲ ਖਰੀਦ ‘ਚ ਦੇਰੀ ਕਰਵਾਉਣ ਲਈ ਬੀਜੇਪੀ ਨਾਲ ਰਲ ਸਕਦਾ ਹਾਂ।” ਉਹਨਾਂ ਕਿਹਾ, “ਕੀ ਤੁਸੀਂ ਭੁੱਲ ਗਏ ਹੋ ਕਿ ਫਸਲ ਖਰੀਦ ਵਿੱਚ ਦੇਰੀ ਵਾਲ ਬੀਜੇਪੀ ਦੀ ਸਰਕਾਰ ਵਾਲਾ ਹਰਿਆਣਾ ਵੀ ਪ੍ਰਭਾਵਿਤ ਹੋਇਆ ਹੈ। ਕੀ ਪਰਗਟ ਸਿੰਘ ਅਜਿਹੀਆਂ ਗੱਲਾਂ ਨੂੰ ਸਮਝ ਨਹੀਂ ਪਾਉਂਦੇ?”
What nonsense? Do you really think the people of Punjab will believe I'd ever collude with @BJP4India to delay procurement? And have you forgotten it affected BJP-led Haryana too? Or are you too naïve to understand these things?': @capt_amarinder to @13pargatsingh
— Raveen Thukral (@RT_Media_Capt) October 3, 2021
ਕੈਪਟਨ ਨੇ ਮੰਗੇ ਸਾਜਿਸ਼ ਦੇ ਸਬੂਤ
ਸਾਬਕਾ ਸੀਐੱਮ ਨੇ ਪਰਗਟ ਸਿੰਘ ਨੂੰ ਪੁੱਛਿਆ ਕਿ ਇਸ ਝੂਠ ਦਾ ਕੀ ਉਹਨਾਂ ਕੋਲ ਕੋਈ ਸਬੂਤ ਹੈ। ਉਹਨਾਂ ਕਿਹਾ, “ਕੀ ਪਰਗਟ ਸਿੰਘ ਇੰਨੇ ਲਾਪਰਵਾਹ ਹਨ ਕਿ ਇਹਨਾਂ ਸਾਰੀਆਂ ਗੱਲਾਂ ਨਾਲ ਪੂਰੀ ਸਮੱਸਿਆ ਤੋਂ ਪੱਲਾ ਝਾੜ ਸਕਦੇ ਹਨ।” ਉਹਨਾਂ ਕਿਹਾ ਕਿ ਪੰਜਾਬ ਦੇ ਲੋਕ ਮੈਨੂੰ ਜਾਣਦੇ ਹਨ। ਮੈਂ ਹਮੇਸ਼ਾ ਕਿਸਾਨਾਂ ਦੇ ਨਾਲ ਖੜ੍ਹਿਆ ਰਿਹਾ ਹਾਂ ਅਤੇ ਅੱਗੇ ਵੀ ਖੜ੍ਹਾ ਰਹਾਂਗਾ। ਉਹਨਾਂ ਕਿਹਾ, “ਭਾਰਤੀ ਹਾਕੀ ਟੀਮ ਦੇ ਸਾਬਕਾ ਕਪਤਾਨ ਤੋਂ ਮੈਨੂੰ ਇਮਾਨਦਾਰੀ ਦੀ ਉਮੀਦ ਸੀ।”
'And do you have any proof for these lies? Or are you so irresponsible you believe you can get away with such trash? People of Punjab know me & know I always have & will stand with the farmers. I expect honesty from a former Indian hockey Capt.' @capt_amarinder to @13pargatsingh pic.twitter.com/QdJOlATcBq
— Raveen Thukral (@RT_Media_Capt) October 3, 2021
ਪਰਗਟ ਸਿੰਘ ਨੇ ਕੈਪਟਨ ਬਾਰੇ ਕੀ ਕਿਹਾ ਸੀ?
ਦਰਅਸਲ, ਕੈਬਨਿਟ ਮੰਤਰੀ ਪਰਗਟ ਸਿੰਘ ਨੇ ਕਿਹਾ ਸੀ ਕਿ, “ਕੇਂਦਰ ਦੀ ਬੀਜੇਪੀ ਸਰਕਾਰ ਕਿਸਾਨਾਂ ਨੂੰ ਖਰਾਬ ਕਰ ਰਹੀ ਹੈ। ਥੋੜ੍ਹੇ ਦਿਨ ਪਹਿਲਾਂ ਕੈਪਟਨ ਅਮਰਿੰਦਰ ਸਿੰਘ ਵੀ ਸ਼ਾਹ ਨਾਲ ਮੁਲਾਕਾਤ ਕਰਕੇ ਆਏ ਹਨ। ਇਸਦਾ ਮਤਲਬ ਇਹ ਹੋਇਆ ਕਿ ਇਹ ਪੂਰੀ ਸਾਜਿਸ਼ BJP ਅਤੇ ਅਮਰਿੰਦਰ ਸਿੰਘ ਦੀ ਹੈ, ਜੋ ਹੁਣ ਜੱਗ-ਜਾਹਿਰ ਹੋ ਚੁੱਕੀ ਹੈ।” ਉਹਨਾਂ ਕਿਹਾ ਕਿ ਕਿਸੇ ਵੀ ਸਿਆਸੀ ਆਗੂ ਨੂੰ ਅਜਿਹਾ ਨਹੀਂ ਕਰਨਾ ਚਾਹੀਦਾ।” ਦੱਸ ਦਈਏ ਕਿ ਕੇਂਦਰ ਸਰਕਾਰ ਨੇ ਨਮੀ ਦਾ ਹਵਾਲਾ ਦੇ ਕੇ ਪੰਜਾਬ-ਹਰਿਆਣਾ ਵਿੱਚ ਝੋਨੇ ਦੀ ਖਰੀਦ 10 ਦਿਨਾਂ ਲਈ ਟਾਲ ਦਿੱਤੀ ਸੀ ਅਤੇ ਇਸੇ ਨਾਲ ਜੁੜੇ ਸਵਾਲ ‘ਤੇ ਪਰਗਟ ਸਿੰਘ ਨੇ ਕੈਪਟਨ ਅਮਰਿੰਦਰ ਸਿੰਘ ‘ਤੇ ਇਹ ਇਲਜਾਮ ਲਾਇਆ ਸੀ।
