ਬਿਓਰੋ। ਹਾਲ ਹੀ ਵਿੱਚ ਪੰਜਾਬ ਕਾਂਗਰਸ ਦੀ ਪ੍ਰਧਾਨਗੀ ਛੱਡਣ ਵਾਲੇ ਨਵਜੋਤ ਸਿੰਘ ਸਿੱਧੂ ਸੋਮਵਾਰ ਨੂੰ ਮੁੜ ਮੈਦਾਨ ਵਿੱਚ ਉਤਰ ਆਏ। ਬਤੌਰ ਕਾਂਗਰਸ ਪ੍ਰਧਾਨ ਉਹਨਾਂ ਨੇ ਲਖੀਮਪੁਰ ਕਾਂਡ ਨੂੰ ਲੈ ਕੇ ਜੋਰਦਾਰ ਪ੍ਰਦਰਸ਼ਨ ਕੀਤਾ। ਸਿੱਧੂ ਦੇ ਨਾਲ ਕਾਂਗਰਸ ਦੇ ਕਈ ਵਿਧਾਇਕ ਵੀ ਨਜ਼ਰ ਆਏ। ਰਾਜਭਵਨ ਦੇ ਬਾਹਰ ਧਰਨਾ ਦਿੱਤਾ ਗਿਆ। ਬਾਅਦ ਵਿੱਚ ਪੁਲਿਸ ਨੇ ਉਹਨਾਂ ਨੂੰ ਹਿਰਾਸਤ ਵਿੱਚ ਲੈ ਲਿਆ।
Arrested for protesting against atrocities of the Central Govt … barbaric murders of farmers in Lakhimpur Kheri, UP. We stand firmly with the Farmers, till our last breath !! pic.twitter.com/YpwhSitS8q
— Navjot Singh Sidhu (@sherryontopp) October 4, 2021
ਇਧਰ ਸਿੱਧੂ ਦਾ ਪ੍ਰਦਰਸ਼ਨ, ਓਧਰ ਡਿਪਟੀ ਸੀਐੱਮ ਚੱਲੇ ਯੂਪੀ
ਇੱਕ ਪਾਸੇ ਸਿੱਧੂ ਰਾਜਭਵਨ ਦੇ ਬਾਹਰ ਯੂਪੀ ਸਰਕਾਰ ਦੇ ਖਿਲਾਫ਼ ਹੱਲਾ ਬੋਲ ਰਹੇ ਸਨ, ਤਾਂ ਦੂਜੇ ਪਾਸੇ ਸੂਬੇ ਦੇ ਡਿਪਟੀ ਸੀਐੱਮ ਸੁਖਜਿੰਦਰ ਰੰਧਾਵਾ ਕਈ ਕਾਂਗਰਸੀ ਵਿਧਾਇਕਾਂ ਦੇ ਨਾਲ ਯੂਪੀ ਦੇ ਲਖੀਮਪੁਰ ਲਈ ਨਿਕਲ ਪਏ। ਸੜਕ ਰਾਹੀਂ ਜਾ ਰਹੇ ਕਾਂਗਰਸੀ ਆਗੂਆਂ ਨੂੰ ਯੂਪੀ ਪੁਲਿਸ ਨੇ ਬਾਰਡਰ ‘ਤੇ ਹੀ ਰੋਕ ਲਿਆ, ਜਿਸਦੇ ਵਿਰੋਧ ਵਿੱਚ ਰੰਧਾਵਾ ਸਣੇ ਤਮਾਮ ਕਾਂਗਰਸੀ ਸੜਕ ‘ਤੇ ਬਹਿ ਗਏ। ਬਾਅਦ ਵਿੱਚ ਸਾਰਿਆਂ ਨੂੰ ਹਿਰਾਸਤ ਵਿੱਚ ਲੈ ਲਿਆ ਗਿਆ।
ਉਪ ਮੁੱਖਮੰਤਰੀ ਸ.ਸੁਖਜਿੰਦਰ ਸਿੰਘ ਰੰਧਾਵਾ ਜੀ ਨੂੰ ਪਹਿਲਾ ਪੁਲਿਸ ਵੱਲੋ UP ਬਾਰਡਰ ਉੱਤੇ ਰੋਕਿਆ ਗਿਆ ਅਤੇ ਉਸ ਤੋਂ ਬਾਅਦ ਉਹਨਾਂ ਨੂੰ ਹਿਰਾਸਤ ਵਿੱਚ ਲਿਆ ਗਿਆ। ਮੁਜ਼ਰਿਮ ਪਿਤਾ ਪੁੱਤਰ ਦੀ ਗਿਰਫਤਾਰੀ ਦੀ ਥਾਂ ਸ਼ਾਂਤੀ ਨਾਲ ਇਨਸਾਫ਼ ਦੀ ਮੰਗ ਕਰਨ ਵਾਲਿਆ ਨੂੰ ਗਿਰਫ਼ਤਾਰ ਕਰਕੇ ਮੋਦੀ ਸਰਕਾਰ ਸ਼ਰੇਆਮ ਧੱਕਾ ਕਰ ਰਹੀ ਹੈ। @CHARANJITCHANNI pic.twitter.com/cnGXyHPOJE
— Sukhjinder Singh Randhawa (@Sukhjinder_INC) October 4, 2021
ਪਰ ਦਿਲਚਸਪ ਹੈ ਕਿ ਰੰਧਾਵਾ ਅਤੇ ਦੂਜੇ ਕਾਂਗਰਸੀ ਆਗੂਆਂ ਦੀ ਗ੍ਰਿਫ਼ਤਾਰੀ ਦਾ ਵਿਰੋਧ ਸੀਐੱਮ ਚੰਨੀ ਨੇ ਤਾਂ ਕੀਤਾ, ਪਰ ਸਿੱਧੂ ਨੇ ਕੋਈ ਬਿਆਨ ਨਹੀਂ ਦਿੱਤਾ। ਚੰਨੀ ਨੇ ਟਵੀਟ ਕਰਕੇ ਯੂਪੀ ਸਰਕਾਰ ਦੀ ਇਸ ਕਾਰਵਾਈ ਦੀ ਨਿੰਦਾ ਕੀਤੀ।
Why are Congress leaders not being allowed to enter UP to visit the bereaved families in Lakhimpur ? Our Deputy CM @Sukhjinder_INC & MLAs have been detained at the UP Haryana Border. I condemn such tyranny being done by the UP Govt.
— Charanjit S Channi (@CHARANJITCHANNI) October 4, 2021
ਓਧਰ ਦੇਰ ਸ਼ਾਮ ਸੀਐੱਮ ਚਰਨਜੀਤ ਸਿੰਘ ਚੰਨੀ ਨੇ ਆਪਣੀ ਕੈਬਨਿਟ ਦੇ ਨਾਲ ਰਾਜਪਾਲ ਨਾਲ ਮੁਲਾਕਾਤ ਕਰਕੇ ਉਹਨਾਂ ਨੂੰ ਮੰਗ-ਪੱਤਰ ਸੌਂਪਿਆ ਅਤੇ ਬਾਹਰ ਆ ਕੇ ਮੀਡੀਆ ਦੇ ਸਾਹਮਣੇ ਵੀ ਬੀਜੇਪੀ ਨੂੰ ਜੰਮ ਕੇ ਖਰੀ-ਖਰੀ ਸੁਣਾਈ। ਪਰ ਇਸ ਦੌਰਾਨ ਪਾਰਟੀ ਦੇ ਸੂਬਾ ਪ੍ਰਧਾਨ ਕਿਤੇ ਵੀ ਨਜ਼ਰ ਨਹੀਂ ਆਏ।
Submitted a detailed memorandum to Punjab Governor Banwarilal Purohit at Raj Bhawan along with my Cabinet colleagues to further send the same to PM @narendramodi for ensuring justice in the Lakhimpur incident and also reiterated the need to urgently repeal the three farm laws. pic.twitter.com/bf0RokdOXs
— Charanjit S Channi (@CHARANJITCHANNI) October 4, 2021
ਕੁੱਲ ਮਿਲਾ ਕੇ ਲਖੀਮਪੁਰ ਕਾਂਡ ਦਾ ਵਿਰੋਧ ਕਰਨ ਉਤਰੇ ਸਿੱਧੂ ਅਤੇ ਚੰਨੀ ਵਿਚਕਾਰ ਕੋਈ ਤਾਲਮੇਲ ਨਜ਼ਰ ਨਹੀਂ ਆਇਆ। ਸਾਫ਼ ਹੈ ਕਿ ਪੰਜਾਬ ਕਾਂਗਰਸ ਵਿੱਚ ਨਵੇਂ ਧੜੇ ਖੜ੍ਹੇ ਹੁੰਦੇ ਨਜ਼ਰ ਆ ਰਹੇ ਹਨ। ਦੱਸ ਦਈਏ ਕਿ ਸਿੱਧੂ ਨੇ ਡੀਜੀਪੀ ਅਤੇ ਏਜੀ ਦੀ ਨਿਯੁਕਤੀ ਨੂੰ ਲੈ ਕੇ ਆਪਣੀ ਹੀ ਸਰਕਾਰ ਦੇ ਖਿਲਾਫ਼ ਮੋਰਚਾ ਖੋਲ੍ਹਿਆ ਹੋਇਆ ਹੈ। ਪਿਛਲੇ ਦਿਨੀਂ ਉਹਨਾਂ ਨੇ ਆਪਣੇ ਅਹੁਦੇ ਤੋਂ ਅਸਤੀਫਾ ਦਿੱਤਾ ਸੀ, ਜਿਸ ਨੂੰ ਹਾਈਕਮਾਂਡ ਨੇ ਨਾਮਨਜੂਰ ਕਰ ਦਿੱਤਾ।
