ਬਿਓਰੋ। ਏਅਰ ਇੰਡੀਆ 68 ਸਾਲਾਂ ਬਾਅਦ ਫਿਰ ਟਾਟਾ ਸਨਜ਼ ਕੋਲ ਚਲਾ ਗਿਆ ਹੈ। ਇਸਦੇ ਲਈ ਸਰਕਾਰ ਵੱਲੋਂ ਬੋਲੀ ਰੱਖੀ ਗਈ ਸੀ, ਜਿਸ ‘ਚ ਸਭ ਤੋਂ ਵੱਧ ਬੋਲੀ ਟਾਟਾ ਸਨਜ਼ ਨੇ ਲਗਾਈ ਹੈ। ਟਾਟਾ ਸਨਜ਼ ਨੇ 18 ਹਜਾਰ ਕਰੋੜ ਰੁਪਏ ਵਿੱਚ ਏਅਰ ਇੰਡੀਆ ਨੂੰ ਖਰੀਦਿਆ ਹੈ।
ਟਾਟਾ ਸਨਜ਼ ਦੀ ਏਅਰ ਇੰਡੀਆ ਅਤੇ ਇਸਦੇ ਦੂਜੇ ਵੈਂਚਰ ਏਅਰ ਇੰਡੀਆ ਐਕਸਪ੍ਰੈੱਸ ਵਿੱਚ 100 ਫੀਸਦ ਹਿੱਸੇਦਾਰੀ ਹੋਵੇਗੀ। ਸਰਕਾਰ ਨੂੰ 100 ਫੀਸਦ ਹਿੱਸੇਦਾਰੀ ਵਿਕਰੀ ਦੇ ਇਨਜ਼ ਵਿੱਚ ਟਾਟਾ ਤੋਂ 2700 ਕਰੋੜ ਰੁਪਏ ਨਗਦ ਮਿਲਣਗੇ।
ਰਤਨ ਟਾਟਾ ਬੋਲੇ, “ਵੈਲਕਮ ਬੈਕ”
ਟਾਟਾ ਸਨਜ਼ ਦੇ ਚੇਅਰਮੈਨ ਰਤਨ ਟਾਟਾ ਨੇ ਏਅਰ ਇੰਡੀਆ ਦੀ ਬੋਲੀ ਵਿੱਚ ਟਾਟਾ ਗਰੁੱਪ ਦੇ ਵਿਨਰ ਬਣਨ ਨੂੰ ਵੱਡੀ ਖ਼ਬਰ ਦੱਸਿਆ। ਉਹਨਾਂ ਕਿਹਾ ਕਿ ਏਅਰ ਇੰਡੀਆ ਨੂੰ ਨਵੇਂ ਸਿਰੇ ਤੋਂ ਖੜ੍ਹਾ ਕਰਨ ਵਿੱਚ ਬਹੁਤ ਮਿਹਨਤ ਕਰਨੀ ਪਏਗੀ, ਪਰ ਇਸ ਨਾਲ ਏਵੀਏਸ਼ਨ ਇੰਡਸਟਰੀ ਵਿੱਤ ਟਾਟਾ ਗਰੁੱਪ ਨੂੰ ਵੱਡੇ ਕਾਰੋਬਾਰੀ ਮੌਕੇ ਵੀ ਮਿਲਣਗੇ। ਰਤਨ ਟਾਟਾ ਨੇ ਕੁਝ ਉਦਯੋਗਾਂ ਨੂੰ ਪ੍ਰਾਈਵੇਟ ਸੈਕਟਰ ਵਿੱਟ ਖੋਲ੍ਹਣ ਦੀ ਨੀਤੀ ਲਈ ਸਰਕਾਰ ਦੀ ਸ਼ਲਾਘਾ ਕੀਤੀ।
Welcome back, Air India 🛬🏠 pic.twitter.com/euIREDIzkV
— Ratan N. Tata (@RNTata2000) October 8, 2021
ਟਾਟਾ ਨੂੰ ਕਰਜ਼ ਵੀ ਆਪਣੇ ਉੱਪਰ ਲੈਣਾ ਪਏਗਾ
ਬੋਲੀ ਜਿੱਤਣ ਵਾਲੇ ਟਾਟਾ ਗਰੁੱਪ ਨੂੰ 15,300 ਕਰੋੜ ਰੁਪਏ ਦਾ ਕਰਜ਼ ਵੀ ਲੈਣਾ ਪਏਗਾ। ਏਅਰ ਇੰਡੀਆ ‘ਤੇ ਕੁੱਲ 43 ਹਜਾਰ ਕਰੋੜ ਰੁਪਏ ਦਾ ਕਰਜ਼ ਹੈ। ਇਸ ‘ਚੋਂ 20 ਹਜਾਰ ਕਰੋੜ ਦਾ ਕਰਜ਼ ਪਿਛਲੇ 2 ਸਾਲਾਂ ਵਿੱਚ ਵਧਿਆ ਹੈ। ਹਾਲਾਂਕਿ ਇਹ ਕਰਜ਼ ਸਰਕਾਰ ਖੁਦ ਆਪਣੇ ਉੱਪਰ ਲਵੇਗੀ ਅਤੇ ਬੋਲੀ ਜਿੱਤਣ ਵਾਲੀ ਟਾਟਾ ਕੰਪਨੀ ਦੇ ਸਿਰ 23 ਹਜਾਰ ਕਰੋੜ ਰੁਪਏ ਦਾ ਕਰਜ਼ ਹੀ ਜਾਵੇਗਾ।
