ਬਿਓਰੋ। ਪਿਛਲੇ ਕਰੀਬ ਸਾਢੇ 10 ਮਹੀਨਿਆਂ ਤੋਂ ਹਰਿਆਣਾ ਦੇ ਸਿੰਘੂ ਅਤੇ ਟਿਕਰੀ ਬਾਰਡਰ ਪੂਰੀ ਤਰ੍ਹਾਂ ਨਾਲ ਬੰਦ ਪਏ ਹਨ। ਕਿਸਾਨ ਅੰਦੋਲਨ ਦੇ ਚਲਦੇ ਬਾਰਡਰ ‘ਤੇ ਕਈ ਤਰ੍ਹਾਂ ਦੀਆਂ ਪਾਬੰਦੀਆਂ ਹਨ। ਹਾਲ ਇਹ ਹੈ ਕਿ ਕੁਝ ਕਿਲੋਮੀਟਰ ਦੀ ਦੂਰੀ ਤੈਅ ਕਰਨ ਲਈ ਲੋਕਾਂ ਨੂੰ ਕਈ ਘੰਟਿਆਂ ਦਾ ਸਮਾਂ ਲਗਦਾ ਹੈ। ਪਿਛਲੇ ਲੰਮੇ ਸਮੇਂ ਤੋਂ ਹਰਿਆਣਾ ਸਰਕਾਰ ਇਸ ਨੂੰ ਖੁੱਲ੍ਹਵਾਉਣ ਦੀ ਕਵਾਇਦ ਵਿੱਚ ਜੁਟੀ ਹੈ।
ਸ਼ਨੀਵਾਰ ਨੂੰ ਹਰਿਆਣਾ ਦੇ ਸੀਐੱਮ ਮਨੋਹਰ ਲਾਲ ਨੇ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨਾਲ ਮੁਲਾਕਾਤ ਕੀਤੀ। ਮੁਲਾਕਾਤ ਤੋਂ ਬਾਅਦ CM ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਦਾਅਵਾ ਕੀਤਾ ਕਿ ਕਿਸਾਨ ਅੰਦੋਲਨ ਦੇ ਚਲਦੇ ਸਾਲ ਭਰ ਤੋਂ ਬੰਦ ਪਏ ਦਿੱਲੀ ਦੇ ਬਾਰਡਰ ਜਲਦ ਖੁੱਲ੍ਹ ਜਾਣਗੇ।
दिल्ली में गृह मंत्री श्री @AmitShah जी से मुलाकात कर उन्हें सिंघू और टिकरी बॉर्डर खोलने की वहां के स्थानीय लोगों की मांग से अवगत करवाया, उम्मीद है कि बॉर्डर जल्द खोल दिए जाएंगे।
साथ ही उन्हें ऐलनाबाद उपचुनाव की तैयारियों और प्रदेश के विकास से सम्बंधित कई विषयों से अवगत करवाया। pic.twitter.com/Xj7ORI1GfJ— Manohar Lal (@mlkhattar) October 9, 2021
ਮੁੱਖ ਮੰਤਰੀ ਮਨੋਹਰ ਲਾਲ ਨੇ ਕਿਹਾ ਕਿ ਉਹਨਾਂ ਨੇ ਗ੍ਰਹਿ ਮੰਤਰੀ ਨਾਲ ਕਈ ਮੁੱਦਿਆਂ ‘ਤੇ ਗੱਲ ਕੀਤੀ। ਉਹਨਾਂ ਕਿਹਾ, “ਅਸੀਂ ਉਹਨਾਂ ਨੂੰ ਸਿੰਘੂ ਅਤੇ ਟਿਕਰੀ ਬਾਰਡਰ ਖੋਲ੍ਹਣ ਦੇ ਮੁੱਦੇ ‘ਤੇ ਜਾਣਕਾਰੀ ਦਿੱਤੀ। ਹਰਿਆਣਾ ‘ਚ ਕਈ ਥਾਈਂ ਹੋ ਰਹੇ ਕਿਸਾਨਾਂ ਦੇ ਵਿਰੋਧ ਪ੍ਰਦਰਸ਼ਨ ਦੇ ਬਾਰੇ ਵੀ ਦੱਸਿਆ। ਮੈਨੂੰ ਉਮੀਦ ਹੈ ਕਿ ਜਲਦ ਹੀ ਬਾਰਡਰ ਖੋਲ੍ਹ ਦਿੱਤੇ ਜਾਣਗੇ।“
ਬਾਰਡਰ ਖੋਲ੍ਹਣ ਦੇ ਰੋਡਮੈਪ ‘ਤੇ ਕੁਝ ਨਹੀਂ ਬੋਲੇ CM
ਜਦੋਂ ਪੱਤਰਕਾਰਾਂ ਨੇ ਪੁੱਛਿਆ ਕਿ ਬਾਰਡਰ ਖੋਲ੍ਹਣ ਦਾ ਰੋਡਮੈਪ ਕੀ ਹੈ? ਕੀ ਕਿਸਾਨਾਂ ਨਾਲ ਗੱਲਬਾਤ ਮੁੜ ਸ਼ੁਰੂ ਕੀਤੀ ਜਾਵੇਗੀ? ਜਾਂ ਕਿਸਾਨਾਂ ਨੂੰ ਸੰਤੁਸ਼ਟ ਕੀਤੇ ਬਿਨ੍ਹਾਂ ਹੀ ਰਸਤੇ ਖੁੱਲ੍ਹਵਾਏ ਜਾਣਗੇ? ਤਾਂ ਸੀਐੱਮ ਨੇ ਕੋਈ ਜਵਾਬ ਨਹੀਂ ਦਿੱਤਾ।
ਜਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਵੀ ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਕਈ ਵਾਰ ਦਿੱਲੀ ਦੇ ਬਾਰਡਰ ਜਲਦ ਖੋਲ੍ਹੇ ਜਾਣ ਦੀ ਗੱਲ ਕਹਿ ਚੁੱਕੇ ਹਨ।
