ਬਿਓਰੋ। ਪੰਜਾਬ ਵਿੱਚ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਬੇਰੁਜ਼ਗਾਰ ਟੀਚਰਾਂ ਦਾ ਮਾਮਲਾ ਵੱਡਾ ਮੁੱਦਾ ਬਣਦਾ ਜਾ ਰਿਹਾ ਹੈ। ਪਿਛਲੇ 2-3 ਦਿਨਾਂ ਤੋਂ ਬੇਰੁਜ਼ਗਾਰ ਟੀਚਰਾਂ ਨਾਲ ਜੁੜੀਆਂ ਜਥੇਬੰਦੀਆਂ ਜਗ੍ਹਾ-ਜਗ੍ਹਾ ਸੀਐੱਮ ਅਤੇ ਮੰਤਰੀਆਂ ਦਾ ਜੋਰਦਾਰ ਵਿਰੋਧ ਕਰ ਰਹੀਆਂ ਹਨ। ਲਿਹਾਜਾ ਇਸ ਮਾਮਲੇ ਨੂੰ ਹੁਣ ਵਿਰੋਧੀਆਂ ਨੇ ਵੀ ਭੁਨਾਉਣਾ ਸ਼ੁਰੂ ਕਰ ਦਿੱਤਾ ਹੈ।
ਪਿਛਲੇ ਲੰਮੇ ਸਮੇਂ ਤੋਂ ਮੋਹਾਲੀ ਵਿੱਚ ਧਰਨੇ ‘ਤੇ ਬੈਠੇ ਅੰਦੋਲਨਕਾਰੀ ਟੀਚਰਾਂ ਨਾਲ ਮੁਲਾਕਾਤ ਕਰਨ ਲਈ ‘ਆਪ’ ਕਨਵੀਨਰ ਅਰਵਿੰਦ ਕੇਜਰੀਵਾਲ ਪਹੁੰਚੇ ਅਤੇ ‘ਆਪ’ ਦੀ ਸਰਕਾਰ ਬਣਨ ‘ਤੇ ਉਹਨਾਂ ਦੀਆਂ ਸਾਰੀਆਂ ਮੰਗਾਂ ਪੂਰੀਆਂ ਕਰਨ ਦਾ ਵਾਅਦਾ ਕੀਤਾ।
MLA ਹੋਸਟਲ ਕੋਲ ਟੈਂਕੀ ‘ਤੇ ਚੜ੍ਹਿਆ ਟੀਚਰ
ਟੀਚਰਾਂ ਦਾ ਇਹ ਮੁੱਦਾ ਉਸ ਵੇਲੇ ਹੋਰ ਗਰਮਾ ਗਿਆ, ਜਦੋਂ ਚੰਡੀਗੜ੍ਹ ਵਿੱਚ MLA ਹੋਸਟਲ ਨੇੜੇ ਇੱਕ ਬੇਰੁਜ਼ਗਾਰ ETT ਟੀਚਰ ਮੋਬਾਈਲ ਟਾਵਰ ‘ਤੇ ਚੜ੍ਹ ਗਿਆ। ਇਸਦੀ ਜਾਣਕਾਰੀ ਮਿਲਦੇ ਹੀ ਕੇਜਰੀਵਾਲ ਇਥੇ ਪਹੁੰਚ ਗਏ। ਕੇਜਰੀਵਾਲ ਨੇ ਟੀਚਰ ਨਾਲ ਗੱਲ ਕੀਤੀ ਅਤੇ ਕਿਹਾ, “ਉਮੀਦ ਹੈ ਇਹ ਪੂਰੀ ਗੱਲ ਪੰਜਾਬ ਸਰਕਾਰ ਨੇ ਸੁਣ ਲਈ ਹੋਵੇਗੀ। ਉਹ ਇਹ ਮੁੱਦੇ ਹੱਲ ਕਰੇ, ਵਰਨਾ ਪੰਜਾਬ ਵਿੱਚ ਆਮ ਆਦਮੀ ਪਾਰਟੀ ਦੀ ਸਰਕਾਰ ਬਣੀ, ਤਾਂ ਅਸੀਂ ਇਹਨਾਂ ਦੀਆਂ ਮੰਗਾਂ ਪੂਰੀਆਂ ਕਰਾਂਗੇ।“
ਸੁਖਬੀਰ ਬਾਦਲ ਵੀ ਪਹੁੰਚੇ, ਸਿੱਖਿਆ ਮੰਤਰੀ ਨੂੰ ਲਾਇਆ ਫੋਨ
ਟਾਵਰ ਪਾਲੀਟਿਕਸ ਵਿੱਚ ਸੁਖਬੀਰ ਬਾਦਲ ਵੀ ਪਿੱਛੇ ਨਹੀਂ ਰਹੇ। ਉਹ ਵੀ ਟਾਵਰ ‘ਤੇ ਪਹੁੰਚ ਗਏ। ਸੁਖਬੀਰ ਨੇ ਟੀਚਰ ਨਾਲ ਗੱਲ ਕੀਤੀ ਅਤੇ ਪੰਜਾਬ ਦੀ ਚੰਨੀ ਸਰਕਾਰ ਨੂੰ ਜੰਮ ਕੇ ਕੋਸਿਆ। ਇਸ ਤੋਂ ਬਾਅਦ ਉਹਨਾਂ ਨੇ ਸਿੱਖਿਆ ਮੰਤਰੀ ਪਰਗਟ ਸਿੰਘ ਨੂੰ ਫੋਨ ਲਗਾ ਲਿਆ ਅਤੇ ਕਿਹਾ ਕਿ ਇਥੇ ਆ ਕੇ ਇਹਨਾਂ ਦੇ ਮੁੱਦੇ ਹੱਲ ਕਰੋ, ਅਜਿਹਾ ਨਾ ਹੋਵੇ ਕਿ ਟੀਚਰ ਕੋਈ ਗਲਤ ਕਦਮ ਚੁੱਕ ਲੈਣ।
Not only had @INCPunjab govt done nothing for farmers or its employees, its leaders have threatened to terminate their jobs on the mere demand to fulfill what the party promised in its manifesto. Their only agenda is to play politics, despotism & loot. @bsmajithia pic.twitter.com/HIx0P0Oe8w
— Shiromani Akali Dal (@Akali_Dal_) November 27, 2021
ਟੀਚਰਾਂ ਦੇ ਪ੍ਰਦਰਸ਼ਨ ‘ਤੇ ਭੜਕੇ ਸੀਐੱਮ ਚੰਨੀ
ਓਧਰ ਇਸ ਹੰਗਾਮੇ ਦਾ ਪਤਾ ਲੱਗਿਆ, ਤਾਂ ਬਰਨਾਲਾ ਵਿੱਚ ਪੰਜਾਬ ਦੇ ਸੀਐੱਮ ਚਰਨਜੀਤ ਚੰਨੀ ਭੜਕ ਉਠੇ। ਉਹਨਾਂ ਕਿਹਾ ਕਿ ਇਸ ਤਰ੍ਹਾਂ ਟਾਵਰ ਅਤੇ ਟੈਂਕੀਆਂ ‘ਤੇ ਚੜ੍ਹਨ ਨਾਲ ਮੁੱਦੇ ਹੱਲ ਨਹੀਂ ਹੋਣਗੇ। ਜੋ ਅਜਿਹਾ ਕਰਨਗੇ, ਉਹਨਾਂ ਦੇ ਖਿਲਾਫ਼ FIR ਦਰਜ ਕੀਤੀ ਜਾਵੇਗੀ। ਹਾਲਾਂਕਿ ਚੋਣਾਂ ਵੇਲੇ ਸਰਕਾਰ ਦਾ ਇਹ ਰਵੱਈਆ ਸਿਆਸੀ ਤੌਰ ‘ਤੇ ਨੁਕਸਾਨਦਾਇਕ ਹੋ ਸਕਦਾ ਹੈ।
पंजाब के टीचर्ज़ कई दिनों से धरने पर हैं। 18 साल नौकरी करने वालों की 6000 रुपए महीना सैलरी है। सुनवाई ना होने पर कुछ टीचर्ज़ पानी की टंकी पर चढ़ गए। चन्नी साहिब ने धमकी दी है कि उन पर FIR होगी। चन्नी साहिब, इन टीचर्ज़ को आपकी सहानुभूति की ज़रूरत है, कृपया इन पर FIR मत कीजिए। pic.twitter.com/EyCPQTqmLX
— Arvind Kejriwal (@ArvindKejriwal) November 27, 2021
