ਬਿਓਰੋ। ਪੰਜਾਬ ਵਿੱਚ ਸਰਕਾਰੀ ਨੌਕਰੀ ਦੇ ਚਾਹਵਾਨਾਂ ਲਈ ਹੁਣ ਪੰਜਾਬੀ ਪੜ੍ਹਨਾ ਲਾਜ਼ਮੀ ਕਰ ਦਿੱਤਾ ਗਿਆ ਹੈ। ਮੰਗਲਵਾਰ ਨੂੰ ਹੋਈ ਪੰਜਾਬ ਕੈਬਨਿਟ ਦੀ ਬੈਠਕ ਵਿੱਚ ਸਰਕਾਰ ਵੱਲੋਂ ਇਹ ਵੱਡਾ ਫੈਸਲਾ ਲਿਆ ਗਿਆ। ਫੈਸਲੇ ਮੁਤਾਬਕ, ਨੌਕਰੀ ਹਾਸਲ ਕਰਨ ਲਈ ਘੱਟੋ-ਘੱਟ 10ਵੀਂ ਕਲਾਸ ਤੱਕ ਪੰਜਾਬੀ ਪੜ੍ਹਨਾ ਲਾਜ਼ਮੀ ਹੈ। ਇਸਦੇ ਨਾਲ ਹੀ ਮੁੱਖ ਮੰਤਰੀ ਨੇ ਨੌਕਰੀਆਂ ਵਿੱਚ ਪੰਜਾਬ ਦੇ ਹੀ ਲੋਕਾਂ ਨੂੰ ਤਰਜੀਹ ਦੇਣ ਦੀ ਵੀ ਗੱਲ ਕਹੀ ਹੈ।
ਸੂਬੇ ਦੇ 36 ਹਜਾਰ ਕਰਮਚਾਰੀਆਂ ਨੂੰ ਰੈਗੂਲਰ ਕਰਕੇ ਜਲਦ ਨਿਯੁਕਤੀ ਪੱਤਰ ਦੇਣ ਦਾ ਫੈਸਲਾ ਵੀ ਕੈਬਨਿਟ ਦੀ ਬੈਠਕ ਵਿੱਚ ਲਿਆ ਗਿਆ। ਸੀਐੱਮ ਨੇ ਕਿਹਾ ਕਿ ਕਰਮਚਾਰੀਆਂ ਦੀ ਸੈਲਰੀ ਨੂੰ ਲੈ ਕੇ ਇੱਕ ਕਮੇਟੀ ਦਾ ਗਠਨ ਕੀਤਾ ਗਿਆ ਹੈ, ਜੋ ਜਲਦੀ ਹੀ ਸਾਰੇ ਕਰਮਚਾਰੀਆਂ ਦੇ ਨਾਲ ਬੈਠਕ ਕਰਕੇ ਆਪਣੀ ਰਿਪੋਰਟ ਦੇਵੇਗੀ।
ਗਰੀਬਾਂ ਲਈ ਬਣਨਗੇ ਮਕਾਨ
ਕੈਬਨਿਟ ਦੀ ਬੈਠਕ ਵਿੱਚ ਫੈਸਲਾ ਲਿਆ ਗਿਆ ਕਿ 400 ਏਕੜ ਵਿੱਚ 25 ਹਜਾਰ ਨਵੇਂ ਘਰ ਬਣਾ ਕੇ ਗਰੀਬਾਂ ਨੂੰ ਦਿੱਤੇ ਜਾਣਗੇ। ਲਾਭਪਾਤਰੀਆਂ ਤੋਂ ਸਿਰਫ਼ ਕੰਸਟ੍ਰਕਸ਼ਨ ਦੇ ਪੈਸੇ ਲਏ ਜਾਣਗੇ। ਇਹ ਮਕਾਨ ਲਾਟਰੀ ਸਿਸਟਮ ਨਾਲ ਅਲਾਟ ਹੋਣਗੇ।
To provide constructed houses to Economically Weaker Section of society across state, CM @CharanjitChanni led #PunjabCabinet approves invitation of applications for allotment of 25,000 EWS houses to be constructed by various Urban Development Authorities.https://t.co/qfbe3yPFa6
— Government of Punjab (@PunjabGovtIndia) December 14, 2021
ਹਸਪਤਾਲ ਅਤੇ ਸਕੂਲ ਅਪਗ੍ਰੇਡ ਹੋਣਗੇ
ਕੈਬਨਿਟ ਮੀਟਿੰਗ ਤੋਂ ਬਾਅਦ ਸੀਐੱਮ ਨੇ ਦੱਸਿਆ ਕਿ ਸਿਹਤ ਵਿਭਾਗ ਵਿੱਚ 28 ਨਵੇਂ ਅਦਾਰੇ ਬਣਾਏ ਜਾ ਰਹੇ ਹਨ। ਸਿਹਤ ਵਿਭਾਗ ਨੂੰ ਅਪਗ੍ਰੇਡ ਕਰਕੇ 775 ਨਵੇਂ ਅਹੁਦੇ ਬਣਾਏ ਗਏ ਹਨ। ਇਸ ਤੋਂ ਇਲਾਵਾ ਸੂਬੇ ਦੇ 229 ਸਕੂਲ ਅਪਗ੍ਰੇਡ ਕੀਤੇ ਜਾਣਗੇ।
#PunjabCabinet led by Chief Minister @CharanjitChanni approves the creation of 775 posts of health staff. Also okays sanction and creation of 513 posts for Central Jail, Sri Goindwal Sahib.https://t.co/TcUPb6nTRr
— Government of Punjab (@PunjabGovtIndia) December 14, 2021
ਆਟੋ ਅਤੇ ਟੈਕਸੀ ਆਪਰੇਟਰਸ ਦਾ ਬਿੱਲ ਮੁਆਫ਼
ਕੈਬਨਿਟ ਦੀ ਬੈਠਕ ਵਿੱਚ ਆਟੋ ਅਤੇ ਟੈਕਸੀ ਆਪਰੇਟਰਾਂ ਦਾ ਪਿਛਲਾ ਟੈਕਸ ਦਾ ਬਕਾਇਆ ਮੁਆਫ਼ ਕਰਨ ਦਾ ਫੈਸਲਾ ਲਿਆ ਗਿਆ। 60 ਹਜਾਰ ਆਟੋ ਅਤੇ ਟੈਕਸੀ ਵਾਲਿਆਂ ਨੂੰ ਇਸਦਾ ਫਾਇਦਾ ਮਿਲੇਗਾ। ਜਿਹਨਾਂ ਆਟੋ ਚਾਲਕਾਂ ਦੇ ਪਿਛਲੇ ਟੈਕਸ ‘ਚ ਕਾਨੂੰਨੀ ਅੜਚਨ ਫਸੀ ਹੈ, ਉਸ ਨੂੰ ਲੋਕ ਅਦਾਲਤ ਲਗਾ ਕੇ ਇੱਕ ਰੁਪਏ ਵਿੱਚ ਨਿਪਟਾਇਆ ਜਾਵੇਗਾ। ਓਧਰ ਸਰਕਾਰ ਨੇ ਮਿੰਨੀ ਬੱਸਾਂ ਦਾ ਟੈਕਸ 30 ਹਜਾਰ ਰੁਪਏ ਤੋਂ ਘਟਾ ਕੇ 20 ਹਜਾਰ ਰੁਪਏ ਕਰ ਦਿੱਤਾ ਹੈ।
ਯੀਸ਼ੂ ਮਸੀਹ ‘ਤੇ ਰਿਸਰਚ ਲਈ ਚੇਅਰ ਸਥਾਪਿਤ ਹੋਵੇਗੀ
ਕ੍ਰਿਸਮਸ ਮੌਕੇ ਕ੍ਰਿਸ਼ਚੀਅਨ ਭਾਈਚਾਰੇ ਦੀ ਮੰਗ ਨੂੰ ਮੰਨਦਿਆਂ ਸਰਕਾਰ ਨੇ ਯੀਸ਼ੂ ਮਸੀਹ ‘ਤੇ ਰਿਸਰਚ ਲਈ ਚੇਅਰ ਸਥਾਪਿਤ ਕਰਨ ਦਾ ਐਲਾਨ ਕੀਤਾ ਹੈ। ਸੀਐੱਮ ਨੇ ਕਿਹਾ ਕਿ ਗੀਤਾ ‘ਤੇ ਅਧਿਐਨ ਲਈ ਪਟਿਆਲਾ ਵਿੱਚ ਓਪਨ ਯੂਨੀਵਰਸਿਟੀ ‘ਚ ਹੀ ਰਿਸਰਚ ਸੈਂਟਰ ਬਣਾਇਆ ਜਾ ਰਿਹਾ ਹੈ। ਗੁਰੂ ਰਵੀਦਾਸ ‘ਤੇ ਰਿਸਰਚ ਦੇ ਅਧਿਐਨ ਕੇਂਦਰ ਡੇਰਾ ਬੱਲਾਂ ਵਿੱਚ ਬਣਾਇਆ ਜਾਵੇਗਾ ਅਤੇ ਇਸਦੇ ਲਈ 100 ਏਕੜ ਜ਼ਮੀਨ ਖਰੀਦੀ ਜਾ ਰਹੀ ਹੈ।
