ਬਿਓਰੋ। ਪੰਜਾਬ ਵਿਧਾਨ ਸਭਾ ਚੋਣਾਂ ਦੇ ਮੱਦੇਨਜ਼ਰ ਸੂਬੇ ਦਾ ਸਿਆਸੀ ਪਾਰਾ ਸਿਖਰਾਂ ‘ਤੇ ਹੈ। ਸਾਰੇ ਉਮੀਦਵਾਰ ਚੋਣ ਦੰਗਲ ਵਿੱਚ ਜ਼ੋਰ ਅਜਮਾਇਸ਼ ਕਰ ਰਹੇ ਹਨ। ਇਨ੍ਹਾਂ ਚੋਣਾਂ ਵਿੱਚ ਉਮੀਦਵਾਰਾਂ ਲਈ ਇੱਕ-ਇੱਕ ਵੋਟ ਦੀ ਮਾਰਾਮਾਰੀ ਹੈ। ਨਾਲ ਵੀ ਕੁਝ ਅਜਿਹੇ ਵੀ ਦਿੱਗਜ ਚੋਣ ਮੈਦਾਨ ‘ਚ ਹਨ, ਜਿਹਨਾਂ ਨੂੰ ਆਪਣੇ ਪਰਿਵਾਰ ਦੇ ਹੀ ਵੋਟ ਹਾਸਲ ਨਹੀਂ ਹੋਣਗੇ।
ਪੰਜਾਬ ਦੇ ਵੱਡੇ ਲੀਡਰ ਲੋਕਾਂ ਨੂੰ ਵੋਟ ਦੇਣ ਲਈ ਅਪੀਲ ਕਰ ਰਹੇ ਹਨ। ਪਰ ਪਰਿਵਾਰ ਦਾ ਉਨ੍ਹਾਂ ਨੂੰ ਸਿਰਫ ਸੁਪੋਰਟ ਵੀ ਮਿਲੇਗਾ, ਵੋਟ ਪਰਿਵਾਰ ਵਾਲੇ ਕਿਸੇ ਦੂਜੇ ਉਮੀਦਵਾਰ ਨੂੰ ਹੀ ਦੇਣਗੇ। ਇਸਦੇ ਪਿੱਛੇ ਕਾਰਨ ਇਹ ਹੈ ਕਿ ਵਧੇਰੇਤਰ ਲੀਡਰ ਜਿਸ ਸੀਟ ਤੋਂ ਚੋਣ ਲੜ ਰਹੇ ਹਨ, ਉਨ੍ਹਾਂ ਦੀ ਜਾਂ ਉਨ੍ਹਾਂ ਦੇ ਪਰਿਵਾਰ ਦੀ ਵੋਟ ਉਥੇ ਦਰਜ ਨਹੀਂ ਹੈ।
ਨਵਜੋਤ ਸਿੰਘ ਸਿੱਧੂ- ਅੰਮ੍ਰਿਤਸਰ ਈਸਟ ਪੰਜਾਬ ਦੀ ਸਭ ਤੋਂ ਹੌਟ ਸੀਟ ਹੈ। ਇੱਕ ਪਾਸੇ ਨਵਜੋਤ ਸਿੰਘ ਸਿੱਧੂ ਮੈਦਾਨ ਵਿੱਚ ਹਨ, ਤਾਂ ਦੂਜੇ ਪਾਸੇ ਬਿਕਰਮ ਮਜੀਠੀਆ। ਖੁਦ ਸਿੱਧੂ ਅਤੇ ਉਨ੍ਹਾਂ ਦੀ ਪਤਨੀ ਨਵਜੋਤ ਕੌਰ ਸਿੱਧੂ ਦੀ ਵੋਟ ਅੰਮ੍ਰਿਤਸਰ ਵੈਸਟ ਵਿੱਚ ਹੈ। ਬਿਕਰਮ ਮਜੀਠੀਆ ਅਤੇ ਉਨ੍ਹਾਂ ਦੀ ਪਤਨੀ ਦੀ ਵੋਟ ਵੀ ਅੰਮ੍ਰਿਤਸਰ ਈਸਟ ਨਹੀਂ, ਬਲਕਿ ਮਜੀਠਾ ਹਲਕੇ ਵਿੱਚ ਹੈ।
ਬਿਕਰਮ ਮਜੀਠੀਆ- ਸਿੱਧੂ ਦੇ ਖਿਲਾਫ਼ ਚੋਣ ਮੈਦਾਨ ਵਿੱਚ ਉਤਰੇ ਮਜੀਠੀਆ ਦੀ ਗੱਲ ਕਰੀਏ, ਤਾਂ ਉਹ ਖੁਦ ਤਾਂ ਮਜੀਠਾ ਹਲਕੇ ਵਿੱਚ ਆਪਣੀ ਪਤਨੀ ਨੂੰ ਵੋਟ ਦੇ ਸਕਣਗੇ। ਪਰ ਪਤਨੀ ਉਹਨਾਂ ਦੇ ਹੱਕ ਵਿੱਚ ਵੋਟ ਨਹੀਂ ਕਰ ਸਕੇਗੀ। ਮਜੀਠੀਆ ਦੀ ਵੋਟ ਮਜੀਠਾ ਵਿੱਚ ਬਣੀ ਹੋਈ ਹੈ।
ਸੁਖਬੀਰ ਬਾਦਲ- ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਜਲਾਲਾਬਾਦ ਤੋਂ ਚੋਣ ਮੈਦਾਨ ਵਿੱਚ ਉਤਰਦੇ ਹਨ। ਉਹਨਾਂ ਦੀ ਅਤੇ ਉਨ੍ਹਾਂ ਦੀ ਪਤਨੀ ਹਰਸਿਮਰਤ ਕੌਰ ਬਾਦਲ ਦੀ ਵੋਟ ਲੰਬੀ ਹਲਕੇ ਵਿੱਚ ਬਣੀ ਹੋਈ ਹੈ। ਲਿਹਾਜਾ ਪੂਰਾ ਪਰਿਵਾਰ ਸੀਨੀਅਰ ਬਾਦਲ ਨੂੰ ਤਾਂ ਵੋਟ ਕਰ ਸਕੇਗਾ, ਪਰ ਸੁਖਬੀਰ ਲਈ ਪਰਿਵਾਰ ਦਾ ਕੋਈ ਵੀ ਮੈਂਬਰ ਵੋਟ ਨਹੀਂ ਕਰ ਸਕੇਗਾ।
ਓ.ਪੀ. ਸੋਨੀ- ਡਿਪਟੀ ਸੀਐੱਮ ਓਮ ਪ੍ਰਕਾਸ ਸ਼ੋਨੀ ਅੰਮ੍ਰਿਤਸਰ ਕੇਂਦਰੀ ਤੋਂ ਉਮੀਦਵਾਰ ਹਨ, ਪਰ ਸੋਨੀ ਅਤੇ ਉਨ੍ਹਾਂ ਦੀ ਪਤਨੀ ਸੁਮਨ ਸੋਨੀ ਦੀ ਵੋਟ ਅੰਮ੍ਰਿਤਸਰ ਵੈਸਟ ਵਿੱਚ ਹੈ। ਸੋਨੀ ਬੀਤੇ ਇੱਕ ਦਹਾਕੇ ਤੋਂ ਇਥੋਂ ਹੀ ਚੋਣ ਮੈਦਾਨ ਵਿੱਚ ਉਤਰ ਰਹੇ ਹਨ।
ਰਾਜ ਕੁਮਾਰ ਵੇਰਕਾ- ਅੰਮ੍ਰਿਤਸਰ ਵੈਸਟ ਵਿੱਚ ਕੈਬਨਿਟ ਮੰਤਰੀ ਰਾਜ ਕੁਮਾਰ ਵੇਰਕਾ ਕਾਂਗਰਸ ਦੇ ਦਿੱਗਜ ਉਮੀਦਵਾਰ ਹਨ। ਵੇਰਕਾ ਅਤੇ ਉਨ੍ਹਾਂ ਦੀ ਪਤਨੀ ਅਲਕਾ ਵੇਰਕਾ ਦੀ ਵੋਟ ਅੰਮ੍ਰਿਤਸਰ ਉੱਤਰੀ ਵਿੱਚ ਹੈ।
