ਗੁਜਰਾਤ ਦੇ ਮੁੰਦ੍ਰਾ ਪੋਰਟ ਤੋਂ 75 ਕਿਲੋ ਹੈਰੋਇਨ ਦੀ ਇੱਕ ਬਹੁਤ ਵੱਡੀ ਖੇਪ ਬਰਾਮਦ ਹੋਣ ਨਾਲ ਪੰਜਾਬ ਪੁਲਿਸ ਦੀ ਨਸ਼ਾ ਵਿਰੋਧੀ ਮੁਹਿੰਮ ਨੂੰ ਇੱਕ ਵੱਡੀ ਕਾਮਯਾਬੀ ਹੱਥ ਲੱਗੀ ਹੈ। ਪੰਜਾਬ ਪੁਲਿਸ ਵੱਲੋਂ ਗੁਜਰਾਤ ਦੀ ATS ਨਾਲ ਸਾਂਝੀ ਕੀਤੀ ਗਈ ਜਾਣਕਾਰੀ ਉਪਰੰਤ ਹੈਰੋਇਨ ਦੀ ਇਹ ਖੇਪ ਗੁਜਰਾਤ ਦੇ ਮੁੰਦਰਾ ਬੰਦਰਗਾਹ ਤੋਂ ਫੜ ਲਈ ਗਈ।
ਪੰਜਾਬ ਦੇ ਡੀਜੀਪੀ ਗੌਰਵ ਯਾਦਵ ਵਲੋਂ ਇਸ ਸਬੰਧ ਵਿੱਚ ਦਿੱਤੀ ਗਈ ਜਾਣਕਾਰੀ ਮੁਤਾਬਕ ਪੰਜਾਬ ਦੇ ਇੱਕ ਸਮੱਗਲਰ ਅਤੇ ਵੱਡੇ importer ਵੱਲੋਂ ਇਹ ਹੈਰੋਇਨ ਇੱਕ consignment ਦੇ ਵਿੱਚ ਲੁਕੋ ਕੇ ਮੁੰਦਰਾ ਪੋਰਟ ਰਾਹੀ ਪੰਜਾਬ ਲਿਆਂਦੀ ਜਾਣੀ ਸੀ।
ਇਸ ਮਾਮਲੇ ਵਿੱਚ ਹੋਰ ਤਫਤੀਸ਼ ਜਾਰੀ ਹੈ। ਸਮੇਂ ਰਹਿੰਦਿਆ ਹੀ ਪੰਜਾਬ ਪੁਲਸ ਵੱਲੋਂ ਇਹ ਖੁਫੀਆ input ਗੁਜਰਾਤ ATS ਨਾਲ ਸਾਂਝਾ ਕੀਤੀ ਗਈ ਅਤੇ ਗੁਜਰਾਤ ਪੋਰਟ ਤੋਂ ਰਿਕਵਰੀ ਸੰਭਵ ਹੋ ਪਾਈ।
