ਬਿਓਰੋ। ਸਿੱਖਾੰ ਦੀ ਸਿਰਮੌਰ ਸੰਸਥਾ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਨੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਬਾਰੇ ਵੱਡਾ ਬਿਆਨ ਦਿੱਤਾ ਹੈ। ਜਥੇਦਾਰ ਨੇ ਕਿਹਾ ਕਿ ਇੱਕ ਸਮਾੰ ਸੀ ਜਦੋੰ SGPC ਦੀ ਇੱਕ ਦਹਾੜ ਨਾਲ ਦਿੱਲੀ ਦਾ ਤਖਤ ਹਿਲ ਜਾੰਦਾ ਸੀ, ਪਰ ਅੱਜ SGPC ਕਮਜ਼ੋਰ ਹੋ ਚੁੱਕੀ ਹੈ। ਅੱਜ ਇਹ ਹਾਲ ਹੋ ਚੁੱਕਿਆ ਹੈ ਕਿ ਮੁੱਖ ਮੰਤਰੀ ਉਹਨਾੰ ਨੂੰ ਮਿਲਣ ਬਾਹਰ ਨਹੀੰ ਆਉੰਦੇ। ਦਰਅਸਲ, SGPC ਦਾ ਵਫਦ ਕੇਜਰੀਵਾਲ ਨੂੰ ਮਿਲਣ ਗਿਆ ਸੀ, ਪਰ ਬੇਰੰਗ ਹੀ ਪਰਤ ਗਿਆ। ਇਸੇ ਘਟਨਾਕ੍ਰਮ ‘ਤੇ ਜਥੇਦਾਰ ਪ੍ਰਤੀਕਿਰਿਆ ਦੇ ਰਹੇ ਸਨ।
ਸ਼ੁੱਕਰਵਾਰ ਨੂੰ ਗੁਰਦੁਆਰਾ ਕੀਰਤਪੁਰ ਸਾਹਿਬ ‘ਚ ਬੋਲਦਿਆੰ ਜਥੇਦਾਰ ਨੇ ਕਿਹਾ, “ਬੰਦੀ ਸਿੰਘਾੰ ਦੀ ਰਿਹਾਈ ਲਈ ਕਮੇਟੀ ਦਾ ਇੱਕ ਵਫਦ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨਾਲ ਮਿਲਣ ਲਈ ਉਹਨਾੰ ਦੀ ਕੋਠੀ ਦੇ ਬਾਹਰ ਮੰਗ-ਪੱਤਰ ਦੇਣ ਪਹੁੰਚਿਆ, ਪਰ ਉਹਨਾੰ ਨੇ ਮਿਲਣਾ ਜ਼ਰੂਰੀ ਨਹੀੰ ਸਮਝਿਆ। ਕਮੇਟੀ ਦੀ ਅਗਵਾਈ SGPC ਦੇ ਪ੍ਰਧਾਨ ਐਡਵੋਕੇਟ ਹਰਜਿੰਦਰ ਸਿੰਘ ਧਾਮੀ ਕਰ ਰਹੇ ਸਨ, ਜਿਹਨਾੰ ਦੇ ਨਾਲ 2 ਸਾਬਕਾ ਪ੍ਰਧਾਨ ਵੀ ਸਨ। ਇਹ ਵਫਦ ਮੀੰਹ ਵਿੱਚ 10 ਮਿੰਟਾੰ ਤੱਕ ਭਿੱਜਦਾ ਰਿਹਾ, ਪਰ ਮੁੱਖ ਮੰਤਰੀ ਨੇ ਇਹ ਜ਼ਰੂਰੀ ਨਹੀੰ ਸਮਝਿਆ ਕਿ ਕਿਸੇ ਅਧਿਕਾਰੀ ਨੂੰ ਭੇਜ ਕੇ ਉਹਨਾੰ ਨੂੰ ਮੰਗ-ਪੱਤਰ ਲੈ ਲਿਆ ਜਾਵੇ। ਇਹ ਘਟਨਾ ਸਾਬਿਤ ਕਰਦੀ ਹੈ ਕਿ SGPC ਕਾਫੀ ਕਮਜ਼ੋਰ ਹੋ ਚੁੱਕੀ ਹੈ।”
ਮਿੰਨਤਾੰ ਕਰਨ ਦੀ ਲੋੜ ਨਹੀੰ- ਜਥੇਦਾਰ
ਜਥੇਦਾਰ ਨੇ ਕਿਹਾ, “ਕਿਸੇ ਨੂੰ ਕੋਈ ਮੰਗ-ਪੱਤਰ ਦੇਣ ਦੀ ਲੋੜ ਨਹੀੰ ਹੈ। ਕਿਸੇ ਨੂੰ ਲੋੜ ਨਹੀੰ ਕਿ ਕਿਸੇ ਦੀਆੰ ਮਿੰਨਤਾੰ ਕੀਤੀਆੰ ਜਾਣ।” ਉਹਨਾੰ ਅੱਗੇ ਕਿਹਾ ਕਿ ਸਾਡੀਆੰ ਸੰਸਥਾਵਾੰ ਚਰਮਰਾ ਗਈਆੰ ਹਨ। ਅਜਿਹੀ ਹਾਲਤ ਉਦੋੰ ਹੁੰਦੀ ਹੈ, ਜਦੋੰ ਅਸੀੰ ਗੁਰੂ ‘ਤੇ ਵਿਸ਼ਵਾਸ ਨਹੀੰ ਕਰਦੇ। ਜਦੋੰ ਤੱਕ ਸਿੱਖ ਦਾ ਗੁਰੂ ‘ਤੇ ਵਿਸ਼ਵਾਸ ਰਹਿੰਦਾ ਹੈ, ਉਦੋੰ ਤੱਕ ਗੁਰੂ ਦਾ ਤੇਜ ਸਿੱਖ ਨੂੰ ਮਿਲਦਾ ਹੈ। ਉਹਨਾੰ ਕਿਹਾ ਕਿ ਦੁਨੀਆ ‘ਚ ਮੌਜੂਦ ਸਿੱਖ ਜਥੇਬੰਦੀਆੰ ਤੇ ਗੁਰਦੁਆਰਾ ਕਮੇਟੀਆੰ ਨੂੰ ਅਪੀਲ ਹੈ ਕਿ ਗੁਰਦੁਆਰਿਆੰ ਦੀਆੰ ਪ੍ਰਾਈਮ ਲੋਕੇਸ਼ਨਾੰ ‘ਤੇ ਬੰਦੀ ਸਿੰਘਾੰ ਦੀ ਰਿਹਾਈ ਦੇ ਵੱਡੇ-ਵੱਡੇ ਬੋਰਡ ਤਸਵੀਰਾੰ ਦੇ ਨਾਲ ਲਗਾਏ ਜਾਣ, ਤਾੰ ਜੋ ਗੁਰਦੁਆਰਿਆੰ ਵਿੱਚ ਆਉਣ ਵਾਲੀ ਸੰਗਤ ਵੇਖੇ ਅਤੇ ਉਹਨਾੰ ਨੂੰ ਜਾਣਕਾਰੀ ਮਿਲੇ ਕਿ ਸਿੱਖਾੰ ਦੇ ਨਾਲ ਮੌਜੂਦਾ ਸਮਰਾਜ ਵਿੱਚ ਕਿਸ ਤਰ੍ਹਾੰ ਧੱਕੇਸ਼ਾਹੀ ਹੋ ਰਹੀ ਹੈ। ਪਰ ਕਿਸੇ ਕੋਲ ਜਾ ਕੇ ਮਿੰਨਤਾੰ ਕਰਨ ਦੀ ਲੋੜ ਨਹੀੰ ਹੈ।
SGPC ਕਮਜ਼ੋਰ ਹੋਈ ਨਹੀੰ, ਕੀਤਾ ਗਿਆ ਹੈ- ਬਿੱਟੂ
ਜਥੇਦਾਰ ਦੇ ਇਸ ਬਿਆਨ ‘ਤੇ ਕਾੰਗਰਸ ਸਾੰਸਦ ਰਵਨੀਤ ਬਿੱਟੂ ਨੇ ਤਿੱਖਾ ਪ੍ਰਤੀਕਰਮ ਦਿੱਤਾ ਹੈ। ਬਿੱਟੂ ਨੇ ਕਿਹਾ, “ਜੱਥੇਦਾਰ ਸਾਹਿਬ ਐਸ.ਜੀ.ਪੀ.ਸੀ ਕਮਜ਼ੋਰ ਹੋਈ ਨਹੀਂ ਹੈ ਐਸ.ਜੀ.ਪੀ.ਸੀ ਨੂੰ ਕਮਜ਼ੋਰ ਕੀਤਾ ਗਿਆ ਹੈ ਤੇ ਇਸ ਦਾ ਰੁਤਬਾ ਖਤਮ ਕਰ ਦਿੱਤਾ ਗਿਆ ਹੈ। ਪਹਿਲੀ ਗੱਲ ਤਾ ਏਹੇ ਕਿ ਜਥੇਦਾਰ ਸਾਹਿਬ ਤੇ ਪ੍ਰਧਾਨ ਸਾਹਿਬ ਤੁਸੀ ਗੁਰਬਾਣੀ ਤੇ ਗੁਰੂਆਂ ਦੇ ਸੁਨੇਹੇ ਨੂੰ ਲੋਕਾਂ ਤੱਕ ਲੈਕੇ ਜਾਣ ਦੀ ਜਿੰਮੇਵਾਰੀ ਨੂੰ ਭੁੱਲ ਕੇ ਤੇ ਸਿੱਖਾਂ ਨੂੰ ਗੁਰਬਾਣੀ ਨਾਲ ਜੋੜਨ ਦੀ ਬਜਾਏ ਅੱਤਵਾਦੀਆਂ, ਲੁਟੇਰਿਆਂ ਤੇ ਡਾਕੂਆਂ ਦੀਆਂ ਤਸਵੀਰਾਂ ਗੁਰੂ ਘਰਾਂ ਵਿੱਚ ਲਾਓਗੇ ਤੇ ਉਹਨਾਂ ਦੀ ਰਿਹਾਈ ਲਈ ਲੇਲੜੀਆਂ ਕੱਢ ਦੇ ਰਹੋਗੇ ਤਾਂ ਥੋਡੀ ਗੱਲ ਕੌਣ ਸੁਣੇਗਾ? ਦੂਜੀ ਗੱਲ ਇਹ ਕਿ ਜਿਹੜੇ ਜੱਥੇਦਾਰ ਤੇ ਐਸਜੀਪੀਸੀ ਪ੍ਰਧਾਨ ਬਾਦਲਾਂ ਦੇ ਇਸ਼ਾਰਿਆਂ ‘ਤੇ ਚੱਲਣਗੇ, ਉਹ ਬਾਦਲਾਂ ਵਾਂਗ ਹੀ ਖਤਮ ਹੋ ਜਾਣਗੇ। ਇਸ ਲਈ ਮੇਰੀ ਬੇਨਤੀ ਹੈ ਕਿ ਗੁਰੂ ਤੇ ਗੁਰੂਬਾਣੀ ਦੀ ਗੱਲ ਕਰਨ ਵਾਲੇ ਤੇ ਸਿੱਖਾਂ ਨੂੰ ਗੁਰਬਾਣੀ ਨਾਲ ਜੋੜਨ ਵਾਲਿਆਂ ਨੂੰ ਹੀ ਡੇਮੋਕ੍ਰੇਟਿਕ ਢੰਗ ਦੇ ਨਾਲ ਜੱਥੇਦਾਰ ਬਣਾਇਆ ਜਾਵੇ ਤਾਂ ਹੀ ਸਾਡੇ ਇਹਨਾਂ ਮਹਾਨ ਸੰਸਥਾਵਾਂ ਦਾ ਕੱਦ ਉੱਚਾ ਤੇ ਸੁੱਚਾ ਰਹਿ ਸਕੇਗਾ।”
ਦੀ ਬਜਾਏ ਅੱਤਵਾਦੀਆਂ, ਲੁਟੇਰਿਆਂ ਤੇ ਡਾਕੂਆਂ ਦੀਆਂ ਤਸਵੀਰਾਂ ਗੁਰੂ ਘਰਾਂ ਵਿੱਚ ਲਾਓਗੇ ਤੇ ਉਹਨਾਂ ਦੀ ਰਿਹਾਈ ਲਈ ਲੇਲੜੀਆਂ ਕੱਢ ਦੇ ਰਹੋ ਗੇ ਤਾਂ ਥੋਡੀ ਗੱਲ ਕੌਣ ਸੁਣੇ ਗਾ? ਦੂਜੀ ਗੱਲ ਇਹ ਕਿ ਜਿਹੜੇ ਜੱਥੇਦਾਰ ਤੇ ਐਸਜੀਪੀਸੀ ਪ੍ਰਧਾਨ ਬਾਦਲਾਂ ਦੇ ਇਸ਼ਾਰਿਆਂ ਤੇ ਚੱਲਣ ਗੇ ਉਹ ਬਾਦਲਾਂ ਵਾਂਗ ਹੀ ਖਤਮ ਹੋ ਜਾਣ ਗੇ। ਇਸ ਲਈ ਮੇਰੀ ਬੇਨਤੀ ਹੈ ਕਿ
2/3— Ravneet Singh Bittu (@RavneetBittu) July 23, 2022
ਬੇਅੰਤ ਸਿੰਘ ਦੇ ਪੋਤੇ ਹਨ ਰਵਨੀਤ ਬਿੱਟੂ
ਦੱਸ ਦਈਏ ਕਿ ਸਾੰਸਦ ਰਵਨੀਤ ਸਿੰਘ ਬਿੱਟੂ ਪੰਜਾਬ ਦੇ ਸਾਬਕਾ ਸੀਐੱਮ ਮਰਹੂਮ ਬੇਅੰਤ ਸਿੰਘ ਦੇ ਪੋਤੇ ਹਨ ਅਤੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਸਣੇ ਤਮਾਮ ਸਿੱਖ ਪਾਰਟੀਆੰ ਜਿਹਨਾੰ ਬੰਦੀ ਸਿੰਘਾੰ ਦੀ ਰਿਹਾਈ ਦੀ ਮੰਗ ਕਰ ਰਹੀਆੰ ਹਨ, ਉਹਨਾੰ ਵਿੱਚੋੰ ਇੱਕ ਭਾਈ ਬਲਵੰਤ ਸਿੰਘ ਰਾਜੋਆਣਾ ਵੀ ਹਨ, ਜੋ ਬੇਅੰਤ ਸਿੰਘ ਦੇ ਕਤਲ ਦੇ ਇਲਜ਼ਾਮ ਵਿੱਚ ਪਟਿਆਲਾ ਜੇਲ੍ਹ ਵਿੱਚ ਬੰਦ ਹਨ। ਇਸਦੇ ਨਾਲ ਹੀ ਦਿੱਲੀ ਸੀਐੱਮ ਤੋੰ ਪ੍ਰੋ. ਦਵਿੰਦਰਪਾਲ ਭੁੱਲਰ ਦੀ ਰਿਹਾਈ ਦੀ ਮੰਗ ਵੀ ਹੋ ਰਹੀ ਹੈ, ਜੋ 1993 ਦਿੱਲੀ ਬੰਬ ਧਮਾਕਿਆੰ ਦੇ ਮਾਮਲੇ ਵਿੱਚ ਸਜ਼ਾ ਕੱਟ ਰਹੇ ਹਨ।
