ਸਰੀ। ਕੈਨੇਡਾ ਦੇ ਸਿੱਖ ਆਗੂ ਰਿਪੁਦਮਨ ਸਿੰਘ ਮਲਿਕ ਦੇ ਕਤਲ ਕੇਸ ਵਿੱਚ ਪੁਲਿਸ ਨੇ 2 ਮੁਲਜ਼ਮਾੰ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਕੈਨੇਡੀਅਨ ਪੁਲਿਸ ਦੀ The Integrated Homicide Investigation Team(IHIT) ਦੇ ਹੱਥ ਇਹ ਸਫਲਤਾ ਲੱਗੀ ਹੈ।
ਜਾਣਕਾਰੀ ਮੁਤਾਬਕ, ਗ੍ਰਿਫ਼ਤਾਰ ਕੀਤੇ ਦੋਵੇੰ ਮੁਲਜ਼ਮ ਗੈਰ-ਪੰਜਾਬੀ ਹਨ ਅਤੇ ਉਹਨਾੰ ਦੀ ਪਛਾਣ 21 ਸਾਲਾ Tanner fox ਤੇ 23 ਸਾਲਾ Jose Lopez ਵਜੋੰ ਹੋਈ ਹੈ। ਪੁਲਿਸ ਨੇ ਦੋਵਾੰ ਨੂੰ ਉਹਨਾੰ ਦੇ ਘਰਾਂ ‘ਚੋੰ ਹੀ ਧਰ ਦਬੋਚਿਆ ਹੈ।
ਪੁਲਿਸ ਮੁਤਾਬਕ, ਜਾੰਚ ਦੌਰਾਨ ਪੁਲਿਸ ਨੂੰ ਇੱਕ ਸ਼ੱਕੀ ਵਾਹਨ ਬਾਰੇ ਪਤਾ ਲੱਗਿਆ। CCTV ਵਿੱਚ ਵੀ ਕਤਲ ਤੋੰ ਕੁਝ ਘੰਟੇ ਪਹਿਲਾੰ ਇੱਕ Honda CR-V ਨੂੰ ਕੈਪਚਰ ਕੀਤਾ ਗਿਆ ਸੀ। ਇਸੇ Honda CR-V ਦੇ ਅਧਾਰ ‘ਤੇ ਪੁਲਿਸ ਇਸ ਕੇਸ ਨੂੰ ਸੁਲਝਾਉਣ ਵਿੱਚ ਸਫਲ ਰਹੀ ਹੈ।
ਕਾਬਿਲੇਗੌਰ ਹੈ ਕਿ ਕੈਨੇਡਾ ਦੇ ਸਰੀ ਵਿੱਚ ਬੀਤੀ 14 ਜੁਲਾਈ ਨੂੰ ਰਿਪੁਦਮਨ ਸਿੰਘ ਮਲਿਕ ਦਾ ਗੋਲੀਆੰ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ। ਜਦੋੰ ਉਹ ਆਪਣੀ ਕਾਰ ‘ਚ ਸਵਾਰ ਹੋ ਕੇ ਜਾ ਰਹੇ ਸਨ, ਤਾੰ ਰਸਤੇ ਵਿੱਚ 2 ਬਾਈਕ ਸਵਾਰਾੰ ਨੇ ਉਹਨਾੰ ਨੂੰ ਗੋਲੀਆੰ ਨਾਲ ਭੁੰਨ ਦਿੱਤਾ।
