ਬਿਓਰੋ। ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦੇ ਕਤਲ ਦਾ ਮੁਲਜ਼ਮ ਮਨਪ੍ਰੀਤ ਸਿੰਘ ਉਰਫ ਮਨੀ ਰਈਆ ਪੁਲਿਸ ਦੀ ਗ੍ਰਿਫ਼ਤ ਤੋੰ ਬਾਹਰ ਹੈ। ਪੁਲਿਸ ਲਗਾਤਾਰ ਉਸਦੀ ਭਾਲ ਵਿੱਚ ਛਾਪੇਮਾਰੀ ਕਰ ਰਹੀ ਹੈ, ਪਰ ਰਈਆ ਬੇਖੌਫ ਫੇਸਬੁੱਕ ‘ਤੇ ਐਕਟਿਵ ਹੈ।
ਮਨੀ ਰਈਆ ਨੇ ਫੇਸਬੁੱਕ ‘ਤੇ ਇੱਕ ਪੋਸਟ ‘ਚ ਲਿMaਖਿਆ, “ਜ਼ਰੂਰੀ ਨਹੀੰ ਕਿ ਜੰਗ ਸਿਰਫ਼ ਜਿੱਤਣ ਲਈ ਹੀ ਲੜੀ ਜਾੰਦੀ ਹੈ। ਕਈ ਵਾਰ ਇਹ ਦੱਸਣਾ ਵੀ ਜ਼ਰੂਰੀ ਹੁੰਦਾ ਹੈ ਕਿ ਅਸੀੰ ਹਾਲੇ ਜ਼ਿੰਦਾ ਹਾੰ।” ਸ਼ੂਟਰ ਰਈਆ ਦੀ ਇਸ ਪੋਸਟ ਵਿੱਚ ਸਿੱਧੇ-ਸਿੱਧੇ ਪੁਲਿਸ ਨੂੰ ਟਾਰਗੇਟ ਕੀਤਾ ਗਿਆ ਹੈ। ਰਈਆ ਨੇ ਇਹ ਪੋਸਟ ਪਾ ਕੇ ਪੁਲਿਸ ਨੂੰ ਸੁਨੇਹਾ ਦਿੱਤਾ ਹੈ ਕਿ ਪੁਲਿਸ ਉਹਨਾੰ ਨੂੰ ਡਰਿਆ ਜਾੰ ਸਹਿਮਿਆ ਹੋਇਆ ਨਾ ਸਮਝੇ। ਹਾਲੇ ਉਹ ਜ਼ਿੰਦਾ ਹਨ।
ਦੱਸ ਦਈਏ ਕਿ ਮੂਸੇਵਾਲਾ ਦੀ ਰੇਕੀ ਕਰਨ ਵਾਲਿਆੰ ਵਿੱਚ ਵੀ ਮਨੀ ਰਈਆ ਅਤੇ ਉਸਦਾ ਸਾਥੀ ਤੂਫਾਨ ਬਟਾਲਾ ਸ਼ਾਮਲ ਸਨ। ਉਹ ਕੋਰੋਲਾ ਮੌਡਿਊਲ ਦਾ ਹਿੱਸਾ ਸਨ। ਗੋਲਡੀ ਬਰਾੜ ਨੇ ਉਹਨਾੰ ਨੂੰ ਕਿਹਾ ਸੀ ਕਿ ਉਹ ਮੂਸੇਵਾਲਾ ਦੇ ਕਤਲ ਲਈ ਜਗਰੂਪ ਰੂਪਾ ਅਤੇ ਮਨਪ੍ਰੀਤ ਮੰਨੂੰ ਕੁੱਸਾ ਦੇ ਨਾਲ ਜਾਣਗੇ। ਕਤਲ ਤੋੰ ਇੱਕ ਦਿਨ ਪਹਿਲਾੰ 28 ਮਈ ਨੂੰ ਗੋਲਡੀ ਬਰਾੜ ਨੇ ਉਹਨਾੰ ਨੂੰ ਕਿਹਾ ਕਿ ਉਹ ਵੱਖਰੀ ਗੱਡੀ ਵਿੱਚ ਉਥੇ ਜਾਣ। ਉਹ ਜਗਰੂਪ ਰੂਪਾ ਅਤੇ ਮਨਪ੍ਰੀਤ ਮੰਨੂੰ ਨੂੰ ਕਵਰ ਦੇਣ।
ਲਗਾਤਾਰ ਜਗ੍ਹਾ ਬਦਲ ਰਹੇ ਮਨੀ-ਤੂਫਾਨ ਅਤੇ ਮੁੰਡੀ
ਮਿਲੀ ਜਾਣਕਾਰੀ ਦੇ ਮੁਤਾਬਕ, ਤਿੰਨੇ ਗੈੰਗਸਟਰ ਮੁੰਡੀ, ਤੂਫਾਨ ਅਤੇ ਮਨੀ ਰਈਆ ਕਿਸੇ ਇੱਕ ਥਾੰ ‘ਤੇ ਨਹੀੰ ਰੁਕ ਰਹੇ। ਜਿਵੇੰ ਹੀ ਪੁਲਿਸ ਨੂੰ ਕੋਈ ਲੀਡ ਮਿਲਦੀ ਹੈ, ਤਿੰਨੇ ਆਪਣੀ ਲੋਕੇਸ਼ਨ ਬਦਲ ਲੈੰਦੇ ਹਨ। ਤਿੰਨੇ ਗੈੰਗਸਟਰਾੰ ਨੂੰ ਫੜਨ ਲਈ ਪੰਜਾਬ ਪੁਲਿਸ ਲਗਾਤਾਰ ਐਕਸ਼ਨ ਵਿੱਚ ਹੈ।
