ਬਿਓਰੋ। ਪੰਜਾਬ ਵਿੱਚ ਆਮ ਆਦਮੀ ਪਾਰਟੀ ਦੀ ਸਰਕਾਰ ਨੇ ਦਾਅਵਾ ਕੀਤਾ ਕਿ ਸਿਰਫ਼ 4 ਮਹੀਨਿਆੰ ਵਿੱਚ ਸਰਕਾਰ ਦੀ ਇਨਕਮ 24.15% ਵਧੀ ਹੈ। ਇਹ ਅੰਕੜਾ ਅਪ੍ਰੈਲ ਤੋੰ ਜੁਲਾਈ ਮਹੀਨੇ ਤੱਕ ਦਾ ਹੈ, ਜਿਸਦੀ ਤੁਲਨਾ ਪਿਛਲੇ ਸਾਲ ਦੇ ਇਹਨਾੰ ਮਹੀਨਿਆੰ ਨਾਲ ਹੀ ਕੀਤੀ ਗਈ ਹੈ। ਨਾਲ ਹੀ ਸਰਕਾਰ ਨੇ 10,366 ਕਰੋੜ ਦਾ ਕਰਜ਼ ਵਾਪਸ ਕੀਤਾ ਹੈ। ਇਸ ਦੌਰਾਨ ਕਰਜ਼ ਸਿਰਫ਼ 8100 ਕਰੋੜ ਲਿਆ ਗਿਆ। ਉਹਨਾੰ ਕਿਹਾ ਕਿ ਇਨਕਮ ਵਧਾਉਣ ਲਈ ਕੋਈ ਨਵਾੰ ਟੈਕਸ ਨਹੀੰ ਲਾਇਆ ਗਿਆ। ਸਰਕਾਰ ਨੇ ਆਪਣੇ resources ਨਾਲ ਹੀ ਇਨਕਮ ਵਧਾਈ ਹੈ, ਜਿਸ ਵਿੱਚ ਐਕਸਾਈਜ਼ ਪਾਲਿਸੀ ਵੀ ਸ਼ਾਮਲ ਹੈ।
2021 ਅਤੇ 2022 ਦੇ 4 ਮਹੀਨਿਆੰ ‘ਚ ਇਨਕਮ ਦਾ ਫ਼ਰਕ
- 2021 ਵਿੱਚ ਅਪ੍ਰੈਲ ਮਹੀਨੇ ‘ਚ GST ਕਲੈਕਸ਼ਨ 1924 ਕਰੋੜ ਰੁਪਏ ਸੀ। 2022 ਵਿੱਚ ਸਰਕਾਰ ਬਦਲਣ ਤੋੰ ਬਾਅਦ ਅਪ੍ਰੈਲ ਵਿੱਚ 1994 ਕਰੋੜ ਦੀ ਆਮਦਨੀ ਹੋਈ। ਇਨਕਮ ਵਿੱਚ 3.64% ਦਾ ਇਜ਼ਾਫਾ ਹੋਇਆ ਹੈ।
- ਮਈ 2021 ਵਿੱਚ GST ਤੋੰ 1266 ਕਰੋੜ ਦੀ ਇਨਕਮ ਹੋਈ। 2022 ਵਿੱਚ ਇਹ ਕਲੈਕਸ਼ਨ 1833 ਕਰੋੜ ਹੋ ਗਈ। ਇਸ ਵਿੱਚ 44.79% ਦਾ ਇਜ਼ਾਫਾ ਹੋਇਆ ਹੈ।
- ਜੂਨ 2021 ਵਿੱਚ GST ਤੋੰ 1111 ਕਰੋੜ ਦੀ ਕਲੈਕਸ਼ਨ ਹੋਈ। ਜੂਨ 2022 ਵਿੱਚ 1683 ਕਰੋੜ ਦੀ ਇਨਕਮ ਹੋਈ। ਇਸ ਵਿੱਚ 51.49% ਦਾ ਇਜ਼ਾਫਾ ਹੋਇਆ ਹੈ।
- ਜੁਲਾਈ 2021 ਵਿੱਚ 1533 ਕਰੋੜ ਦੀ ਇਨਕਮ ਹੋਈ ਸੀ। ਜੁਲਾਈ 2022 ਵਿੱਚ 1733 ਕਰੋੜ ਦੀ ਇਨਕਮ ਹੋਈ। ਇਨਕਮ ਵਿੱਚ 13.5% ਦਾ ਇਜ਼ਾਫਾ ਹੋਇਆ ਹੈ।
4 ਮਹੀਨਿਆੰ ‘ਚ 10,366 ਕਰੋੜ ਕਰਜ਼ ਵਾਪਸ ਕੀਤਾ
ਖਜ਼ਾਨਾ ਮੰਤਰੀ ਹਰਪਾਲ ਚੀਮਾ ਨੇ ਕਿਹਾ ਕਿ ਇਹਨਾੰ 4 ਮਹੀਨਿਆੰ ਦੇ ਦੌਰਾਨ 10,366 ਕਰੋੜ ਰੁਪਏ ਦੀ ਮੂਲ ਕੀਮਤ ਅਤੇ ਵਿਆਜ ਦੇ ਤੌਰ ‘ਤੇ ਵਾਪਸ ਕੀਤੀ ਗਈ ਹੈ। ਚੀਮਾ ਨੇ ਕਿਹਾ ਕਿ ਸਰਕਾਰ ਨੇ ਆਪਣੇ ਰੈਵਨਿਊ ਸੋਰਸੇਜ਼ ਪੈਦਾ ਕੀਤੇ, GST ਕਲੈਕਸ਼ਨ ਵਧਾਈ। ਇਸ ਤੋੰ ਇਲਾਵਾ ਐਕਸਾਈਜ਼ ਪਾਲਿਸੀ ਲੈ ਕੇ ਆਏ, ਜਿਸ ਤੋੰ ਬਾਅਦ 2266 ਕਰੋੜ ਰੁਪਏ ਜ਼ਿਆਦਾ ਕਰਜ਼ ਵਾਪਸ ਕੀਤਾ।
