ਅੰਮ੍ਰਿਤਸਰ। ਦਰਬਾਰ ਸਾਹਿਬ ਦੇ ਨਜ਼ਦੀਕ ਸਰਾਵਾੰ ਨੂੰ GST ਦੇ ਘੇਰੇ ਵਿੱਚ ਲਿਆਉਣ ਦੇ ਕੇੰਦਰ ਸਰਕਾਰ ਦੇ ਫ਼ੈਸਲੇ ‘ਤੇ ਪੰਜਾਬ ਵਿੱਚ ਨਵਾੰ ਵਿਵਾਦ ਛਿੜ ਗਿਆ ਹੈ। SGPC ਦੇ ਨਾਲ-ਨਾਲ ਸਾਰੀਆੰ ਸਿਆਸੀ ਪਾਰਟੀਆੰ ਇਸਦਾ ਵਿਰੋਧ ਕਰ ਰਹੀਆੰ ਹਨ। CM ਭਗਵੰਤ ਮਾਨ ਨੇ ਇਸ ਫ਼ੈਸਲੇ ਨੂੰ ਮਨਮਾਨਾ ਤੇ ਅਣਉਚਿਤ ਕਦਮ ਕਰਾਰ ਦਿੱਤਾ ਹੈ।
ਤੁਰੰਤ ਫ਼ੈਸਲਾ ਵਾਪਸ ਲਵੇ ਸਰਕਾਰ- CM
ਮੁੱਖ ਮੰਤਰੀ ਨੇ ਹਰਿਮੰਦਿਰ ਸਾਹਿਬ ਦੇ ਨਜ਼ਦੀਕ ਸਰਾਵਾੰ ‘ਤੇ ਟੈਕਸ ਲਗਾਉਣ ਦੇ ਫ਼ੈਸਲੇ ਦੀ ਸਖਤ ਸ਼ਬਦਾੰ ਵਿੱਚ ਨਿੰਦਾ ਕੀਤੀ। CM ਨੇ ਕਿਹਾ ਕਿ ਇਹਨਾੰ ਸਰਾਵਾੰ ਦਾ ਮੁੱਖ ਮਨੋਰਥ ਪਵਿੱਤਰ ਅਸਥਾਨ ਦੇ ਦਰਸ਼ਨ ਕਰਨ ਲਈ ਆਉਣ ਵਾਲੀ ਸੰਗਤ ਦੇ ਰਹਿਣ ਦੀ ਵਿਵਸਥਾ ਕਰਨਾ ਹੈ, ਜਿਸਦੇ ਚਲਦੇ ਇਹ ਸਰਾਵਾੰ ਗੁਰਦੁਆਰਾ ਕੰਪਲੈਕਸ ਦਾ ਹੀ ਅਟੁੱਟ ਹਿੱਸਾ ਹਨ। ਦਹਾਕਿਆੰ ਤੋੰ ਇਹ ਸਰਾਵਾੰ ਦਰਬਾਰ ਸਾਹਿਬ ਵਿੱਚ ਨਤਮਸਤਕ ਹੋਣ ਲਈ ਆਉਣ ਵਾਲੀ ਸੰਗਤ ਨੂੰ ਕੋਈ ਲਾਭ ਨਾ ਕਮਾਉਣ ਦੇ ਉਦੇਸ਼ ਨਾਲ ਅਰਾਮਦਾਇਕ ਆਸਰਾ ਮੁਹੱਈਆ ਕਰਵਾਉੰਦੀਆੰ ਹਨ।
ਸੀਐੱਮ ਨੇ ਕਿਹਾ ਕਿ ਇਹਨਾੰ ਸਰਾਵਾੰ ਦੇ ਕਮਰਿਆੰ ਨੂੰ GST ਦੇ ਘੇਰੇ ਵਿੱਚ ਲਿਆਉਣ ਨਾਲ ਦੁਨੀਆ ਭਰ ਤੋੰ ਦਰਬਾਰ ਸਾਹਿਬ ਦੇ ਦਰਸ਼ਨਾੰ ਲਈ ਆਉਣ ਵਾਲੀ ਸੰਗਤ ਨੂੰ ਹੁਣ ਮਹਿੰਗੇ ਭਾਅ ‘ਤੇ ਕਮਰੇ ਲੈਣੇ ਪੈਣਗੇ। ਮੁੱਖ ਮੰਤਰੀ ਨੇ ਕਿਹਾ ਕਿ ਭਾਰਤ ਸਰਕਾਰ ਦਾ ਇਹ ਫ਼ੈਸਲਾ ਬਿਨ੍ਹਾੰ ਕਿਸੇ ਦੇਰੀ ਦੇ ਵਾਪਸ ਲਿਆ ਜਾਵੇ।
ਅਕਾਲੀ ਦਲ ਨੇ ਵੀ ਕੀਤਾ ਵਿਰੋਧ
ਅਕਾਲੀ ਸਾੰਸਦ ਹਰਸਿਮਰਤ ਕੌਰ ਬਾਦਲ ਨੇ ਵੀ ਕੇੰਦਰ ਸਰਕਾਰ ਦੇ ਇਸ ਫ਼ੈਸਲੇ ਦਾ ਵਿਰੋਧ ਕੀਤਾ। ਹਰਸਿਮਰਤ ਨੇ ਕਿਹਾ ਕਿ ਕੇੰਦਰ ਦੇ ਇਸ ਫ਼ੈਸਲੇ ਨਾਲ ਸਿੱਖ ਭਾਈਚਾਰੇ ਨੂੰ ਧੱਕਾ ਲੱਗਿਆ ਹੈ। ਉਹਨਾੰ ਨੇ ਪੀਐੱਮ ਮੋਦੀ ਤੋੰ ਇਹ ਫ਼ੈਸਲਾ ਤੁਰੰਤ ਪ੍ਰਭਾਵ ਨਾਲ ਵਾਪਸ ਲੈਣ ਦੀ ਮੰਗ ਕੀਤੀ ਹੈ।
ਕਾੰਗਰਸ ਨੇ ਵੀ ਚੁੱਕੇ ਫ਼ੈਸਲੇ ‘ਤੇ ਸਵਾਲ
ਪੰਜਾਬ ਕਾੰਗਰਸ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਇਸ ਫ਼ੈਸਲੇ ਨੂੰ ਕਿਸਾਨ ਅੰਦੋਲਨ ਨਾਲ ਜੋੜ ਦਿੱਤਾ। ਵੜਿੰਗ ਨੇ ਕਿਹਾ ਕਿ ਇਸ ਫ਼ੈਸਲੇ ਦੇ ਜ਼ਰੀਏ ਕੇੰਦਰ ਸਰਕਾਰ ਸਿੱਖ ਸੰਗਤ ਤੋੰ ਖੇਤੀ ਕਾਨੂੰਨ ਰੱਦ ਹੋਣ ਦਾ ਬਦਲਾ ਲੈਣਾ ਚਾਹੁੰਦੀ ਹੈ। ਵੜਿੰਗ ਨੇ ਬੀਜੇਪੀ ਤੋੰ ਇਸ ਮਾਮਲੇ ਵਿੱਚ ਮੁਆਫ਼ੀ ਮੰਗਣ ਅਤੇ ਫ਼ੈਸਲਾ ਵਾਪਸ ਲੈਣ ਦੀ ਮੰਗ ਕੀਤੀ ਹੈ।
ਬੀਜੇਪੀ ਨੇ ਕਿਹਾ, “ਗਲਤੀ ਨਾਲ ਹੋਇਆ ਫ਼ੈਸਲਾ”
ਪੰਜਾਬ ਬੀਜੇਪੀ ਦੇ ਸੀਨੀਅਰ ਆਗੂ ਹਰਜੀਤ ਸਿੰਘ ਗਰੇਵਾਲ ਨੇ ਕਿਹਾ ਕਿ ਇਹ ਫ਼ੈਸਲਾ ਗਲਤੀ ਨਾਲ ਹੋਇਆ ਹੈ। ਕੇੰਦਰ ਸਰਕਾਰ ਇਸ ਨੂੰ ਜਲਦ ਦਰੁਸਤ ਕਰੇਗੀ।
