ਅੰਮ੍ਰਿਤਸਰ। ਪੰਜਾਬ ਪੁਲਿਸ ਇਹਨੀੰ ਦਿਨੀੰ ਗੈੰਗਸਟਰਾੰ ਖਿਲਾਫ਼ ਪੂਰੇ ਐਕਸ਼ਨ ਮੋਡ ਵਿੱਚ ਹੈ। ਸ਼ਾਇਦ ਇਸੇ ਦਾ ਬਦਲਾ ਲੈਣ ਲਈ ਅੰਮ੍ਰਿਤਸਰ ‘ਚ ਪੁਲਿਸ ਖਿਲਾਫ਼ ਵੱਡੀ ਸਾਜ਼ਿਸ਼ ਰਚੀ ਗਈ। ਇਥੇ ਰਣਜੀਤ ਐਵਨਿਊ ਇਲਾਕੇ ‘ਚ CIA ਇੰਸਪੈਕਟਰ ਦੀ ਗੱਡੀ ‘ਚ ਬੰਬ ਫਿੱਟ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ। ਹਾਲਾੰਕਿ ਮੁਲਜ਼ਮ ਇਸ ਸਾਜ਼ਿਸ਼ ਵਿੱਚ ਅਸਫਲ ਰਹੇ।
ਦਰਅਸਲ, 15 ਅਗਸਤ ਦੀ ਦੇਰ ਰਾਤ 2 ਵਜੇ ਦੇ ਕਰੀਬ ਹਨੇਰੇ ਦਾ ਫਾਇਦਾ ਚੁੱਕ ਕੇ 2 ਨੌਜਵਾਨ ਮੋਟਰਸਾਈਕਲ ‘ਤੇ ਸਵਾਰ ਹੋ ਕੇ ਆਏ ਅਤੇ ਇੰਸਪੈਕਟਰ ਦਿਲਬਾਗ ਸਿੰਘ ਦੀ ਕੋਠੀ ਦੇ ਬਾਹਰ ਖੜ੍ਹੀ ਉਹਨਾੰ ਦੀ ਨਿੱਜੀ ਬੋਲੈਰੋ ਗੱਡੀ ਦੇ ਹੇਠਾੰ ਬੰਬਨੁਮਾ ਚੀਜ਼ ਫਿੱਟ ਕਰਨ ਦੀ ਕੋਸ਼ਿਸ਼ ਕੀਤੀ। ਹਾਲਾੰਕਿ ਕਾਹਲੀ-ਕਾਹਲੀ ‘ਚ ਇਹ ਬੰਬਨੁਮਾ ਚੀਜ਼ ਉਹ ਫਿੱਟ ਨਹੀੰ ਕਰ ਸਕੇ ਅਤੇ ਉਹ ਹੇਠਾੰ ਡਿੱਗ ਪਈ। ਇਹ ਤਸਵੀਰਾੰ CCTV ਵਿੱਚ ਕੈਦ ਹੋ ਗਈਆੰ।
ਸਵੇਰੇ ਗੱਡੀ ਸਾਫ਼ ਕਰਨ ਆਏ ਸ਼ਖਸ ਨੇ ਸਭ ਤੋੰ ਪਹਿਲਾੰ ਵੇਖਿਆ
ਦਿਲਬਾਗ ਸਿੰਘ ਦੇ ਪੁੱਤਰ ਨੇ ਦੱਸਿਆ ਕਿ ਸਵੇਰੇ ਇੰਸਪੈਕਟਰ ਦੀ ਗੱਡੀ ਧੌਣ ਆਏ ਸ਼ਖਸ ਨੇ ਸਭ ਤੋੰ ਪਹਿਲਾੰ ਸਵੇਰੇ 7 ਵਜੇ ਦੇ ਕਰੀਬ ਇਹ ਬੰਬਨੁਮਾ ਚੀਜ਼ ਵੇਖੀ ਅਤੇ ਘਰ ਵਾਲਿਆੰ ਨੂੰ ਦੱਸਿਆ। ਹਾਲਾੰਕਿ ਪਰਿਵਾਰ ਨੇ ਸ਼ੁਰੂਆਤ ‘ਚ ਇਸ ਨੂੰ ਗੰਭੀਰਤਾ ਨਾਲ ਨਹੀੰ ਲਿਆ। ਬਾਅਦ ਵਿੱਚ CCTV ਤਸਵੀਰਾੰ ਚੈੱਕ ਕਰਨ ਤੋੰ ਬਾਅਦ ਮਾਮਲੇ ਦੀ ਗੰਭੀਰਤਾ ਦਾ ਅੰਦਾਜ਼ਾ ਹੋਇਆ ਅਤੇ ਪੁਲਿਸ ਨੂੰ ਇਸ ਬਾਰੇ ਸੂਚਿਤ ਕੀਤਾ ਗਿਆ।
ਬਹਿਰਹਾਲ, ਪੁਲਿਸ ਪੂਰੇ ਮਾਮਲੇ ਦੀ ਡੂੰਘਾਈ ਨਾਲ ਜਾੰਚ ਕਰ ਰਹੀ ਹੈ ਅਤੇ CCTV ਦੀ ਮਦਦ ਨਾਲ ਮੁਲਜ਼ਮਾੰ ਦੀ ਭਾਲ ਸ਼ੁਰੂ ਕਰ ਦਿੱਤੀ ਗਈ ਹੈ।
