September 15, 2022
(Chandigarh)
ਅਦਾਕਾਰ ਤੇ ਗਾਇਕ ਦਿਲਜੀਤ ਦੁਸਾੰਝ ਆਪਣੀ ਅਗਲੀ ਫ਼ਿਲਮ ‘ਜੋਗੀ’ ਨੂੰ ਲੈ ਕੇ ਚਰਚਾ ਵਿੱਚ ਹਨ, ਜੋ ਸਾਲ 1984 ‘ਚ ਹੋਏ ਸਿੱਖ ਦੰਗਿਆੰ ‘ਤੇ ਅਧਾਰਤ ਹੈ। ਇਹ ਫ਼ਿਲਮ ਸ਼ੁੱਕਰਵਾਰ ਨੂੰ OTT ‘ਤੇ ਰਿਲੀਜ਼ ਹੋ ਰਹੀ ਹੈ। ਫਿਲਮ ਦੀ ਰਿਲੀਜ਼ ਤੋੰ ਪਹਿਲਾੰ ਦਿਲਜੀਤ ਨੇ ਕਿਹਾ ਹੈ ਕਿ ਸਾਲ 1984 ‘ਚ ਜੋ ਹੋਇਆ ਸੀ, ਉਹ ਅਸਲ ‘ਚ ਦੰਗੇ ਨਹੀੰ, ਨਸਲਕੁਸ਼ੀ ਕਿਹਾ ਜਾਣਾ ਚਾਹੀਦਾ ਹੈ। ਦਿਲਜੀਤ ਦਾ ਜਨਮ ਵੀ 1984 ‘ਚ ਜਨਵਰੀ ‘ਚ ਹੋਇਆ ਸੀ।
ਦਿਲਜੀਤ ਦੁਸਾੰਝ ਨੇ PTI ਨਾਲ ਗੱਲਬਾਤ ‘ਚ ਕਿਹਾ, “ਸਾਨੂੰ ਇਸ ਨੂੰ ਦੰਗਾ ਨਹੀੰ ਕਹਿਣਾ ਚਾਹੀਦਾ, ਬਲਕਿ ਇਸਦੇ ਲਈ ਸਭ ਤੋੰ ਉਚਿਤ ਸ਼ਬਦ ਨਸਲਕੁਸ਼ੀ ਹੈ। ਜਦੋੰ ਲੋਕਾੰ ਦੇ ਵਿੱਚ ਦੋ-ਤਰਫ਼ਾ ਲੜਾਈ ਹੋਵੇ, ਤਾੰ ਉਸ ਨੂੰ ਦੰਗਾ ਕਿਹਾ ਜਾ ਸਕਦਾ ਹੈ। ਮੇਰੇ ਹਿਸਾਬ ਨਾਲ ਇਸ ਨੂੰ ਨਸਲਕੁਸ਼ੀ ਕਿਹਾ ਜਾਣਾ ਚਾਹੀਦਾ ਹੈ। ਅਜਿਹਾ ਨਹੀੰ ਹੈ ਕਿ ਇਹ ਸਿਰਫ਼ 1-2 ਜਾੰ ਫਿਰ ਕੁਝ ਲੋਕਾੰ ਦੇ ਨਾਲ ਹੋਇਆ। ਮੈੰ ਜਾਣਦਾ ਹਾੰ ਕਿ ਇਹ ਘਟਨਾ ਸਮੂਹਿਕ ਰੂਪ ਨਾਲ ਸਾਡੇ ਸਾਰਿਆੰ ਦੇ ਨਾਲ ਵਾਪਰੀ ਹੈ।”
ਦਿਲਜੀਤ ਨੇ ਕਿਹਾ, “ਜੇਕਰ ਮੈੰ ਕੁਝ ਘਟਨਾਵਾੰ ਦੇ ਬਾਰੇ ਗਲ ਕਰਾੰ, ਤਾੰ ਇਹ ਨਿਜੀ ਹੋਵੇਗਾ। ਅਸੀੰ ਇਸ ਫ਼ਿਲਮ ਵਿੱਚ ਸਮੂਹਿਕ ਰੂਪ ਨਾਲ ਇਸ ਬਾਰੇ ਗੱਲ ਕੀਤੀ ਹੈ। ਮੈੰ ਜਦੋੰ ਤੋੰ ਪੈਦਾ ਹੋਇਆ ਹਾੰ, ਉਦੋੰ ਤੋੰ ਇਸ ਬਾਰੇ ਸੁਣਦਾ ਰਿਹਾ ਹਾੰ ਅਤੇ ਅੱਜ ਵੀ ਉਹਨਾੰ ਯਾਦਾੰ ਦੇ ਨਾਲ ਹੀ ਜੀ ਰਿਹਾ ਹਾੰ।”
ਇਹ ਕੋਈ ਨਵੀੰ ਕਹਾਣੀ ਨਹੀੰ ਹੈ- ਦਿਲਜੀਤ
ਉਹਨਾੰ ਕਿਹਾ, “ਇਹ ਕੋਈ ਨਵੀੰ ਕਹਾਣੀ ਨਹੀੰ ਹੈ। ਇਹ ਫ਼ਿਲਮ ਵੀ ਓਹੀ ਕਹਾਣੀ ਕਹਿਣ ਜਾ ਰਹੀ ਹੈ, ਜਿਸ ਨੂੰ ਸੁਣਦੇ ਹੋਏ ਅਸੀੰ ਵੱਡੇ ਹੋਏ ਹਾੰ। ਉਥੇ ਜੋ ਕੁਝ ਵੀ ਹੋਇਆ ਸੀ, ਉਹ ਹਰ ਕਿਸੇ ਨੂੰ ਦੇਖਣਾ ਚਾਹੀਦਾ ਹੈ। ਸਾਨੂੰ ਸਾਰਿਆੰ ਨੂੰ ਇਤਿਹਾਸ ਦੇ ਬਾਰੇ ਜਾਣਕਾਰੀ ਹੋਣੀ ਚਾਹੀਦੀ ਹੈ। ਸਿਨੇਮਾ ਇੱਕ ਮੀਡੀਅਮ ਹੈ, ਜਿਥੇ ਅਸੀੰ ਹਲਕੀ-ਫੁਲਕੀ ਅਤੇ ਮਨੋਰੰਜਨ ਪਸੰਦ ਫ਼ਿਲਮਾੰ ਬਣਾਉੰਦੇ ਹਾੰ, ਪਰ ਇਤਿਹਾਸ ਦੇ ਅਜਿਹੇ ਮੁੱਦਿਆੰ ‘ਤੇ ਵੀ ਫ਼ਿਲਮਾੰ ਬਣਾਉਣੀਆੰ ਚਾਹੀਦੀਆੰ ਹਨ।”
ਫ਼ਿਲਮ ‘ਚ 3 ਦੋਸਤਾੰ ਦੀ ਕਹਾਣੀ ਅਤੇ ਦੰਗੇ ਦੀ ਅੱਗ
ਇਸ ਫ਼ਿਲਮ ਵਿੱਚ ਦਿਲਜੀਤ ਅਹਿਮ ਭੂਮਿਕਾ ਨਿਭਾ ਰਹੇ ਹਨ, ਜੋ ਸ਼ੁੱਕਰਵਾਰ ਤੋੰ ਨੈਟਫਲਿਕਸ ‘ਚ ਉਪਲਬਧ ਹੋਵੇਗੀ। ਇਸ ਫ਼ਿਲਮ ਵਿੱਚ ਲੜਦੇ ਹੋਏ 3 ਦੋਸਤਾੰ ਦੀ ਥ੍ਰਿਲਿੰਗ ਅਤੇ ਇਮੋਸ਼ਨਲ ਜਰਨੀ ਹੋਵੇਗੀ। ਇਹਨਾੰ ਤਿੰਨ ਦੋਸਤਾੰ ਦੀ ਭੂਮਿਕਾ ‘ਚ ਦਿਲਜੀਤ ਤੋੰ ਇਲਾਵਾ ਮੁਹੰਮਦ ਜੀਸ਼ਾਨ ਅਯੂਬ ਅਤੇ ਹਿਤੇਨ ਤੇਜਵਾਨੀ ਹੋਣਗੇ। ਕੁਮੁਦ ਮਿਸ਼ਰਾ ਅਤੇ ਅਮਾਇਰਾ ਦਸਤੂਰ ਵੀ ਕਾਫੀ ਮਜਬੂਤ ਕਿਰਦਾਰ ‘ਚ ਨਜ਼ਰ ਆਉਣਗੇ। ਫਿਲਮ ਨੂੰ ਅਲੀ ਅੱਬਾਸ ਅਤੇ ਹਿਮਾੰਸ਼ੂ ਕਿਸ਼ਨ ਮਹਿਰਾ ਨੇ ਮਿਲ ਕੇ ਪ੍ਰੋਡਿਊਸ ਕੀਤਾ ਹੈ।
