September 22, 2022
(New Delhi)
ਦਿੱਲੀ ਪੁਲਿਸ ਦੇ ਸਪੈਸ਼ਲ ਸੈੱਲ ਨੇ ਇੱਕ ਹੋਰ ਅਹਿਮ ਸਫਲਤਾ ਹਾਸਲ ਕਰਦੇ ਹੋਏ ਅੱਤਵਾਦੀ ਹਰਵਿੰਦਰ ਸਿੰਘ ਰਿੰਦਾ ਦੇ ਕਰੀਬੀ ਕੰਵਰ ਰਣਦੀਪ ਸਿੰਘ ਉਰਫ ਐੱਸ.ਕੇ. ਖਰੌਦ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਪੁਲਿਸ ਪੁੱਛਗਿੱਛ ਵਿੱਚ ਐੱਸ.ਕੇ. ਖਰੌਦ ਦਾ ਗੈਂਗਸਟਰ ਗੋਲਡੀ ਬਰਾੜ ਨਾਲ ਕੁਨੈਕਸ਼ਨ ਵੀ ਸਾਹਮਣੇ ਆਇਆ ਹੈ, ਜਿਸ ਤੋਂ ਬਾਅਦ ਪੁਲਿਸ ਹੋਰ ਡੂੰਘਾਈ ਨਾਲ ਮਾਮਲੇ ਦੀ ਜਾਂਚ ਵਿੱਚ ਜੁਟ ਗਈ ਹੈ।
ਦਰਅਸਲ, ਨਾਲਾਗੜ੍ਹ ਕੋਰਟ ਕੰਪਲੈਕਸ ਵਿੱਚ ਹੋਈ ਫਾਇਰਿੰਗ ਦੇ ਮਾਮਲੇ ਵਿੱਚ ਪੁਲਿਸ ਨੇ 4 ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਸੀ। ਇਹਨਾਂ ਵਿੱਚੋਂ ਮੋਹਾਲੀ ਤੋਂ 5 ਸਤੰਬਰ ਨੂੰ ਗ੍ਰਿਫ਼ਤਾਰ ਕੀਤੇ ਗਏ ਗਗਨਦੀਪ ਉਰਫ ਰਾਹੁਲ ਪੰਡਿਤ ਉਰਫ ਗੋਗੀ ਤੋਂ ਪੁੱਛਗਿੱਛ ‘ਚ ਸਾਹਮਣੇ ਆਇਆ ਕਿ ਕਈ ਨਵੇਂ ਟੈਲੀ-ਸੈਲੇਕਟਰਾਂ ਨੂੰ ਨਿਰੰਤਰ ਅਤੇ ਤੀਬਰ ਟੈਲੀਮੈਟਰੀ ਦੇ ਅਧੀਨ ਰੱਖਿਆ ਗਿਆ ਸੀ। ਲੀਡਾਂ ‘ਤੇ ਚੱਲਦਿਆਂ ਅਤੇ ਦਿਨ-ਰਾਤ ਕੰਮ ਕਰਦੇ ਹੋਏ, ਟੀਮ ਦੀਆਂ ਕੋਸ਼ਿਸ਼ਾਂ ਨੇ ਕਥਿਤ ਦੋਸ਼ੀ ਕਾਵਰ ਰਣਦੀਪ ਸਿੰਘ ਉਰਫ਼ ਐਸ.ਕੇ. ਖਰੌੜ ਨੂੰ ਕਾਬੂ ਕਰ ਲਿਆ।
ਸ਼ੁਰੂਆਤੀ ਤਕਨੀਕੀ ਲੀਡਾਂ ਨੂੰ ਸਥਿਰ ਕਰਨ ਤੋਂ ਬਾਅਦ, ਸਥਾਨਕ ਮੁਖਬਰਾਂ ਦੀ ਤੈਨਾਤੀ ਦੇ ਨਾਲ, ਤਕਨੀਕੀ ਅਤੇ ਮੈਨੂਅਲ ਦੋਵਾਂ ਦੇ ਨਾਲ, ਇੱਕ ਸ਼ੱਕੀ ਵਿਅਕਤੀ ਦਾ ਪਤਾ ਲਗਾਉਣ ਲਈ ਸਖਤ ਕੋਸ਼ਿਸ਼ਾਂ ਕੀਤੀਆਂ ਗਈਆਂ, ਜੋ ਸਰਹੱਦ ਪਾਰ ਤੋਂ ਅਪਰਾਧੀਆਂ ਅਤੇ ਅੱਤਵਾਦੀਆਂ ਦੇ ਸੰਪਰਕ ਵਿੱਚ ਸੀ। ਸ਼ੱਕੀ ਟੈਲੀ-ਸਿਲੈਕਟਰ ਪਿੰਡ ਖਾਈ ਖੇੜਾ, ਬਰੇਲੀ, ਯੂਪੀ ਵਿੱਚ ਸਥਿਤ ਸੀ। ਪੇਸ਼ੇਵਰ ਯਤਨਾਂ ਨਾਲ ਟੀਮ ਐੱਸ.ਕੇ. ਖਰੌੜ ਤੱਕ ਪਹੁੰਚੀ ਅਤੇ ਉਸ ਨੂੰ ਗ੍ਰਿਫ਼ਤਾਰ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ।
8 ਅਪਰਾਧਿਕ ਮਾਮਲਿਆਂ ‘ਚ ਖਰੌਦ ਦੀ ਸ਼ਮੂਲੀਅਤ
ਕੰਵਰ ਰਣਦੀਪ ਸਿੰਘ ਉਰਫ ਐੱਸ.ਕੇ. ਖਰੌਦ 8 ਤੋਂ ਵੱਧ ਅਪਰਾਧਿਕ ਮਾਮਲਿਆਂ ਵਿੱਚ ਸ਼ਾਮਲ ਸੀ ਅਤੇ ਗ੍ਰਿਫ਼ਤਾਰੀ ਦੇ ਵਕਤ 4 ਮਾਮਲਿਆਂ ਵਿੱਚ ਭਗੌੜਾ ਸੀ। ਉਸਨੇ 2019 ਦੀਆਂ ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਇੱਕ ਕੌਮੀ ਪੱਧਰ ਦੀ ਸਿਆਸੀ ਪਾਰਟੀ ਵੀ ਜੁਆਇਨ ਕੀਤੀ ਸੀ, ਜਿਸ ਨੂਂ ਲੈ ਕੇ ਪੰਜਾਬ ਦੇ ਸਿਆਸੀ ਗਲਿਆਰਿਆਂ ਵਿੱਚ ਕਾਫੀ ਵਿਵਾਦ ਛਿੜਿਆ ਸੀ।
ਸਟੂਡੈਂਟ ਪਾਲੀਟਿਕਸ ਤੋਂ ਅਪਰਾਧ ਦੀ ਦੁਨੀਆ ਤੱਕ…
ਸ਼ੁਰੂਆਤੀ ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਕੰਵਰ ਰਣਦੀਪ ਸਿੰਘ ਉਰਫ ਐੱਸ.ਕੇ. ਖਰੌਦ ਪੰਜਾਬ ਪੁਲਿਸ ਦੇ ਇੱਕ ਰਿਟਾਇਰਡ ਪੁਲਿਸ ਅਫ਼ਸਰ ਦਾ ਪੁੱਤਰ ਹੈ। ਉਹ ਸਟੂਡੈਂਟ ਪਾਲੀਟਿਕਸ ਵਿੱਚ ਕਾਫੀ ਸਰਗਰਮ ਸੀ ਅਤੇ 2016 ਵਿੱਚ ਪੰਜਾਬ ਯੂਨੀਵਰਸਿਟੀ ਸਟੂਡੈਂਟ ਯੂਨੀਅਨ ਦੀਆਂ ਚੋਣਾਂ ਵਿੱਚ ਸਟੇਟ ਚੇਅਰਮੈਨ ਚੁਣਿਆ ਗਿਆ ਸੀ। ਸਿਆਸੀ ਮਸਲੇ ਨੂੰ ਲੈ ਕੇ ਹੋਏ ਸਥਾਨਕ ਵਿਵਾਦ ਦੇ ਚਲਦੇ ਹੀ ਉਸਨੇ ਗੁਨਾਹ ਦੀ ਦੁਨੀਆ ਵਿੱਚ ਪਹਿਲਾ ਕਦਮ ਧਰਿਆ ਸੀ। ਪਹਿਲੀ ਵਾਰ ਹੋਏ ਇਸ ਹੱਥੋਪਾਈ ਦੇ ਮਾਮਲੇ ਵਿੱਚ ਉਸ ‘ਤੇ ਕਤਲ ਦੀ ਕੋਸ਼ਿਸ਼ ਦਾ ਮੁਕੱਦਮਾ ਦਰਜ ਕੀਤਾ ਗਿਆ ਸੀ। ਇਸ ਮਾਮਲੇ ਵਿੱਚ ਜੇਲ੍ਹ ‘ਚ ਰਹਿੰਦਿਆਂ ਹੀ ਉਸਦੀ ਮੁਲਾਕਾਤ ਹਰਵਿੰਦਰ ਸਿੰਘ ਉਰਫ ਰਿੰਦਾ ਨਾਲ ਹੋਈ ਅਤੇ ਉਹ ਰਿੰਦਾ ਦੇ ਕਰੀਬੀਆਂ ਵਿੱਚ ਸ਼ੁਮਾਰ ਹੋ ਗਿਆ।
ਹਰਵਿੰਦਰ ਰਿੰਦਾ ਦੇ ਨਾਲ ਐੱਸ.ਕੇ. ਖਰੌਦ 5 ਅਪਰਾਧਿਕ ਮਾਮਲਿਆਂ ਵਿੱਚ ਲੋੜੀਂਦਾ ਹੈ। ਇਹਨਾਂ ਵਿੱਚੋਂ ਇੱਕ 2016 ਵਿੱਚ ਚੰਡੀਗੜ੍ਹ ਯੂਨੀਵਰਸਿਟੀ ‘ਚ SOI ਦੇ ਉਸ ਵੇਲੇ ਦੇ ਪ੍ਰਧਾਨ ਮਨਪ੍ਰੀਤ ਸਿੰਘ ਔਲਖ ‘ਤੇ ਹੋਏ ਅੱਖੜ ਹਥਿਆਰਬੰਦ ਹਮਲੇ ਦਾ ਵੀ ਹੈ।
ਮੁਲਜ਼ਮ ਐੱਸ.ਕੇ. ਖਰੌਦ, ਰਿੰਦਾ ਦੇ ਇੱਕ ਹੋਰ ਕਰੀਬੀ ਨਾਮੀ ਗੈਂਗਸਟਰ ਦਿਲਪ੍ਰੀਤ ਸਿੰਘ ਢਾਹਾੰ ਉਰਫ ਬਾਬਾ ਨਾਲ ਵੀ ਜੁੜਿਆ ਹੋਇਆ ਹੈ। ਬਾਬਾ ਨਾਲ ਮਿਲ ਕੇ ਵੀ ਖਰੌਦ ਨੇ ਕਈ ਅਪਰਾਧਿਕ ਵਾਰਦਾਤਾਂ ਨੂੰ ਅੰਜਾਮ ਦਿੱਤਾ ਹੈ।
ਕੌਮ ਦੇ ਨਾਂਅ ‘ਤੇ ਵਾਰਦਾਤਾਂ ਨੂੰ ਅੰਜਾਮ !
ਪਟਿਆਲਾ ‘ਚ ਗੈਂਗਸਟਰ ਬਿੰਦਰ ਗੁੱਜਰ ਦੇ ਸਾਥੀ ਦੱਸੇ ਜਾਂਦੇ ਇੱਕ ਸਰਪੰਚ ਦਾ ਕਤਲ ਕਰਨ ਤੋਂ ਬਾਅਦ ਖਰੌਦ ਨੇ ਬਰੇਲੀ ਵਿੱਚ ਪਨਾਹ ਲਈ ਸੀ। ਉਥੇ ਇੱਕ ਵਾਰ ਉਸਨੇ ਰਿੰਦਾ ਨਾਲ ਸੰਪਰਕ ਕੀਤਾ, ਉਸ ਨੂੰ ਕੌਮ ਦੇ ਨਾਂਅ ‘ਤੇ ਅਪਰਾਧ ਕਰਨ ਲਈ ਉਕਸਾਇਆ ਜਾ ਰਿਹਾ ਸੀ ਅਤੇ ਇਸ ਮਕਸਦ ਲਈ ਉਹ ਹਥਿਆਰ ਅਤੇ ਗੋਲਾ-ਬਾਰੂਦ ਇਕੱਠੇ ਕਰ ਰਿਹਾ ਸੀ।
ਗੋਲਡੀ ਬਰਾੜ ਤੇ ਟਾਈਗਰ ਰਾਣਾ ਨਾਲ ਵੀ ਕੁਨੈਕਸ਼ਨ
ਐੱਸ.ਕੇ. ਖਰੌਦ ਤੋਂ ਪੁੱਛਗਿੱਛ ਦੌਰਾਨ ਇੱਕ ਹੋਰ ਨਵੀਂ ਜਾਣਕਾਰੀ ਵੀ ਸਾਹਮਣੇ ਆਈ ਹੈ ਕਿ ਰਿੰਦਾ ਤੋਂ ਇਲਾਵਾ ਉਹ ਵਿਰੇਂਦਰ ਪ੍ਰਤਾਪ ਉਰਫ ਕਾਲਾ ਰਾਣਾ ਉਰਫ ਟਾਈਗਰ ਰਾਣਾ (2022 ‘ਚ ਥਾਈਲੈੰਡ ਤੋਂ ਡਿਪੋਰਟ ਕੀਤਾ ਗਿਆ) ਅਤੇ ਲਾਰੈਂਸ ਗੈਂਗ ਦੇ ਸਤਿੰਦਰਜੀਤ ਸਿੰਘ ਉਰਫ ਗੋਲਡੀ ਬਰਾੜ ਦੇ ਨਾਲ ਵੀ ਨੇੜਿਓਂ ਜੁੜਿਆ ਹੋਇਆ ਸੀ। ਕਾਲਾ ਰਾਣਾ ਭਾਰਤ ‘ਚ ਡਿਪੋਰਟ ਹੋਣ ਤੋਂ ਪਹਿਲਾਂ ਖਰੌਦ ਨੂੰ ਪਨਾਹਗਾਹ ਮੁਹੱਈਆ ਕਰਵਾਉਂਦਾ ਰਿਹਾ ਅਤੇ ਰਿੰਦਾ ਵੱਲੋਂ ਗੋਲਡੀ ਬਰਾੜ ਉਸ ਨੂੰ ਹਥਿਆਰਾਂ ਦੀ ਸਪਲਾਈ ਕਰਵਾਉਂਦਾ ਰਿਹਾ।
ਪੁਲਿਸ ਮੁਤਾਬਕ, ਅੱਤਵਾਦੀ ਹਰਵਿੰਦਰ ਸਿੰਘ ਉਰਫ ਰਿੰਦਾ ਅਤੇ ਲਾਰੈਂਸ ਬਿਸ਼ਨੋਈ ਦਾ ਗਠਜੋੜ ਸਰੋਤ, ਮੈਨਪਾਵਰ ਅਤੇ ਲੌਜਿਸਟਿਕਸ ਸਾਂਝੇ ਕਰ ਰਿਹਾ ਹੈ, ਇਸ ਦੀ ਬਾਰੀਕੀ ਨਾਲ ਜਾਂਚ ਕੀਤੀ ਜਾ ਰਹੀ ਹੈ।
ਮੁਲਜ਼ਮ ਤੋਂ ਹੋਈ ਬਰਾਮਦਗੀ
- ਪੰਜ ਆਧੁਨਿਕ ਸੈਮੀ-ਆਟੋਮੈਟਿਕ ਪਿਸਤੌਲ, ਇੱਕ ਚੀਨੀ PX-9 ਸਮੇਤ, ਦੇ ਨਾਲ ਗੋਲਾ-ਬਾਰੂਦ
- ਸੈਲ ਫ਼ੋਨ, ਕਈ ਸਿਮ ਕਾਰਡ
