October 1, 2022
(New Delhi)
ਭਾਰਤ ਵਿੱਚ 5G ਮੋਬਾਈਲ ਸਰਵਿਸ ਦੀ ਸ਼ੁਰੂਆਤ ਹੋ ਗਈ ਹੈ। ਸ਼ਨੀਵਾਰ ਨੂੰ ਦਿੱਲੀ ਦੇ ਪ੍ਰਗਤੀ ਮੈਦਾਨ ਵਿਖੇ ਇੰਡੀਅਨ ਮੋਬਾਈਲ ਕਾਂਗਰਸ ਵਿੱਚ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਇਸ ਨੂੰ ਲਾਂਚ ਕੀਤਾ। ਇਸ ਦੌਰਾਨ ਜੀਓ, ਏਅਰਟੈੱਲ ਅਤੇ ਵੋਡਾਫੋਨ ਨੇ ਪ੍ਰਧਾਨ ਮੰਤਰੀ ਸਾਹਮਣੇ 5G ਦਾ ਲਾਈਵ ਡੈਮੋ ਦਿੱਤਾ। PM ਨੇ ਤਿੰਨੇ ਟੈਲੀਕਾਮ ਕੰਪਨੀਆਂ ਦੇ ਪਵੇਲੀਅਨ ਨੂੰ ਵਿਜ਼ਿਟ ਕੀਤਾ।
ਰਿਲਾਇੰਸ ਇੰਡਸਟਰੀਜ਼ ਦੇ ਚੇਅਰਮੈਨ ਮੁਕੇਸ਼ ਅੰਬਾਨੀ ਨੇ ਇਸ ਦੌਰਾਨ ਆਪਣੇ ਸੰਬੋਧਨ ‘ਚ ਦਾਅਵਾ ਕੀਤਾ ਕਿ ਦਸੰਬਰ 2023 ਤੱਕ ਦੇਸ਼ ਦੇ ਹਰ ਕੋਨੇ ਵਿੱਚ 5G ਸਰਵਿਸ ਪਹੁੰਚਾ ਦਿੱਤੀ ਜਾਵੇਗੀ। ਹਾਲਾਂਕਿ ਭਾਰਤੀ ਏਅਰਟੈੱਲ ਦੇ ਚੇਅਰਮੈਨ ਸੁਨੀਲ ਮਿੱਤਲ ਨੇ ਦਿੱਲੀ, ਮੁੰਬਈ, ਵਾਰਾਣਸੀ, ਅਹਿਮਦਾਬਾਦ ਅਤੇ ਬੇਂਗਲੁਰੂ ਸਮੇਤ ਦੇਸ਼ ਦੇ 8 ਸ਼ਹਿਰਾਂ ਵਿੱਚ ਅੱਜ ਤੋਂ ਹੀ 5G ਸਰਵਿਸ ਦੇਣ ਦਾ ਐਲਾਨ ਕੀਤਾ।
- ਜੀਓ ਨੇ ਆਪਣੇ ਡੈਮੋ ਵਿੱਚ 4 ਸਕੂਲਾਂ ਨੂੰ ਇਕੱਠੇ ਜੋੜਿਆ। ਮੁੰਬਈ ਦੇ ਇੱਕ ਸਕੂਲ ਦੇ ਟੀਚਰ ਨੇ ਤਿੰਨ ਵੱਖ-ਵੱਖ ਥਾਵਾਂ ‘ਤੇ ਵਿਦਿਆਰਥੀਆਂ ਨੂੰ ਪੜ੍ਹਾਇਆ। ਅਹਿਮਦਾਬਾਦ ਦੇ ਰੋਪੜਾ ਪ੍ਰਾਇਮਰੀ ਸਕੂਲ ਦੀ ਇੱਕ ਵਿਦਿਆਰਥਣ ਨੇ ਪੀਐੱਮ ਨਾਲ ਗੱਲ ਕੀਤੀ।
- ਵੋਡਾਫੋਨ ਆਈਡੀਆ ਨੇ 5G ਦੀ ਮਦਦ ਨਾਲ ਦਿੱਲੀ ਮੈਟਰੋ ਦੀ ਇੱਕ ਨਿਰਮਾਣ ਅਧੀਨ ਸੁਰੰਗ ਵਿੱਚ ਕਾਮਗਾਰਾਂ ਦੀ ਸੁਰੱਖਿਆ ਦਾ ਯੂਜ਼ ਕੇਸ ਡੈਮੋਨਸਟ੍ਰੇਟ ਕੀਤਾ। ਟਨਲ ਵਿੱਚ ਕੰਮ ਕਰ ਰਹੇ ਲੋਕਾਂ ਨਾਲ ਵੀ ਪੀਐੱਮ ਮੋਦੀ ਨੇ ਗੱਲ ਕੀਤੀ।
- ਏਅਰਟੈੱਲ ਨੇ ਆਪਣੇ ਡੈਮੋ ਵਿੱਚ ਉੱਤਰ ਪ੍ਰਦੇਸ਼ ਦੇ ਵਿਦਿਆਰਥੀਆਂ ਨੂੰ ਸ਼ਾਮਲ ਕੀਤਾ। ਵਿਦਿਆਰਥੀਆਂ ਨੂੰ ਵਰਚੁਅਲ ਅਤੇ ਔਗਮੇਂਟੇਡ ਰੀਅਲਿਟੀ ਦੀ ਮਦਦ ਨਾਲ ਸੋਲਰ ਸਿਸਟਮ ਦੇ ਬਾਰੇ ਪੜ੍ਹਾਇਆ ਗਿਆ। ਵਿਦਿਆਰਥੀਆਂ ਨੇ ਹੋਲੋਗ੍ਰਾਮ ਦੇ ਮਾਧਿਅਮ ਨਾਲ ਮੰਚ ‘ਤੇ ਹਾਜ਼ਰ ਹੋ ਕੇ ਆਪਣੇ ਲਰਨਿੰਗ ਐਕਸਪੀਰੀਐਂਸ ਨੂੰ ਪੀਐੱਮ ਦੇ ਨਾਲ ਸ਼ੇਅਰ ਕੀਤਾ।
5G ਸ਼ੁਰੂ ਹੋਣ ਨਾਲ ਕੀ ਫ਼ਾਇਦੇ ਹੋਣਗੇ..?
- ਯੂਜ਼ਰ ਤੇਜ਼ ਸਪੀਡ ਇੰਟਰਨੈੱਟ ਇਸਤੇਮਾਲ ਕਰ ਸਕਣਗੇ।
- ਵੀਡੀਓ ਗੇਮਿੰਗ ਦੇ ਖੇਤਰ ‘ਚ ਵੱਡਾ ਬਦਲਾਅ ਹੋਵੇਗਾ।
- ਵੀਡੀਓ ਨੂੰ ਬਿਨ੍ਹਾਂ ਕਿਸੇ ਰੁਕਾਵਟ ਦੇ ਸਟ੍ਰੀਮ ਕੀਤਾ ਜਾ ਸਕੇਗਾ।
- ਇੰਟਰਨੈੱਟ ਕਾਲ ‘ਚ ਅਵਾਜ਼ ਬਿਨ੍ਹਾਂ ਰੁਕੇ ਸਾਫ਼-ਸਾਫ਼ ਆਵੇਗੀ।
- 2 GB ਦੀ ਫ਼ਿਲਮ 10 ਤੋਂ 20 ਸੈਕੰਡ ‘ਚ ਡਾਊਨਲੋਡ ਹੋ ਜਾਵੇਗੀ।
- ਖੇਤੀਬਾੜੀ ਖੇਤਰ ‘ਚ ਖੇਤਾਂ ਦੀ ਦੇਖਰੇਖ ਲਈ ਡਰੋਨ ਦਾ ਇਸਤੇਮਾਲ ਸੰਭਵ ਹੋ ਸਕੇਗਾ।
- ਮੈਟਰੋ ਅਤੇ ਬਿਨ੍ਹਾਂ ਡਰਾਈਵਰ ਚੱਲਣ ਵਾਲੀਆਂ ਗੱਡੀਆਂ ਨੂੰ ਆਪਰੇਟ ਕਰਨਾ ਅਸਾਨ ਹੋਵੇਗਾ।
- ਵਰਚੁਅਲ ਰੀਅਲਿਟੀ ਅਤੇ ਫੈਕਟਰੀ ਵਿੱਚ ਰੋਬੋਟ ਦਾ ਇਸਤੇਮਾਲ ਕਰਨਾ ਵੱਧ ਅਸਾਨ ਹੋਵੇਗਾ।
5G ਤੇ 4G ਵਿੱਚ ਫ਼ਰਕ ਕੀ ਹੈ..?
- ਸਪੀਡ
4G ਫਿਲਹਾਲ 100 Mbps ਤੱਕ ਦੀ ਹਾਈ ਸਪੀਡ ਤੱਕ ਪਹੁੰਚ ਸਕਦਾ ਹੈ। ਰੀਅਲ ਵਰਲਡ ਪਰਫਾਰਮੈਂਸ ਆਮ ਤੌਰ ‘ਤੇ 35 Mbps ਤੋਂ ਵੱਧ ਨਹੀ ਹੁੰਦਾ।
5G ਵਿੱਚ 4G ਦੀ ਤੁਲਨਾ ‘ਚ 100 ਗੁਣਾ ਤੇਜ਼ ਹੋਣ ਦੀ ਸਮਰੱਥਾ ਹੈ। ਇਸਦੀ ਟੌਪ ਥਿਓਰਿਟਿਕਲ ਸਪੀਡ 20 Gbps ਹੈ, ਜਦਕਿ ਰੀਅਲ ਵਰਡ ‘ਚ 50 Mbps ਤੋਂ 3 Gbps ਤੱਕ ਹੋ ਸਕਦੀ ਹੈ। - ਲੈਟੇਂਸੀ
ਇਨਫਾਰਮੇਸ਼ਨ ਦੇ ਪੈਕੇਟ ਨੂੰ ਇੱਕ ਪੁਆਇੰਟ ਤੋਂ ਦੂਜੇ ਪੁਆਇੰਟ ਤੱਕ ਟ੍ਰੈਵਲ ਕਰਨ ਵਿੱਚ ਜਿੰਨਾ ਟਾਈਮ ਲਗਦਾ ਹੈ, ਉਸ ਨੂੰ ਲੈਟੇਂਸੀ ਕਹਿੰਦੇ ਹਨ। 4G ਨੈੱਟਵਰਕ ‘ਚ ਲੈਟੇਂਸੀ ਤਕਰੀਬਨ 50 ਮਿਲੀਸੈਕੰਡ ਹੈ, ਜਦਕਿ 5G ਵਿੱਚ 1 ਮਿਲੀਸੈਕੰਡ ਤੱਕ ਪਹੁੰਚਣ ਦੀ ਉਮੀਦ ਹੈ। - ਡਿਵਾਈਸ ਕਨੈਕਟ ਕਰਨ ਦੀ ਸਮਰੱਥਾ
4G ਵਿੱਚ ਇੱਕ ਹੀ ਲੋਕੇਸ਼ਨ ‘ਤੇ ਕਈ ਡਿਵਾਈਸ ਨੂੰ ਸੰਭਾਲਣ ਵਿੱਚ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਭੀੜਭਾੜ ਵਾਲੇ ਸਪੋਰਟਸ ਇਵੈਂਟ ਜਾਂ ਮਿਊਜ਼ਿਕ ਕਾਨਸਰਟ ਦੌਰਾਨ ਤੁਸੀਂ ਆਪਣੇ ਫੋਨ ਦਾ ਇਸਤੇਮਾਲ ਕਰਦੇ ਵਕਤ ਇਹ ਮਹਿਸੂਸ ਕੀਤਾ ਹੋਵੇਗਾ। 5G ਵਿੱਚ ਪ੍ਰਤੀ ਵਰਗ ਕਿੱਲੋਮੀਟਰ 10 ਲੱਖ ਡਿਵਾਈਸ ਸੰਭਾਲਣ ਦੀ ਸਮਰੱਥਾ ਹੈ। - ਕਵਰੇਜ
4G ਦੇ ਇੱਕ ਦਹਾਕੇ ਬਾਅਦ ਵੀ ਦੁਨੀਆ ਭਰ ਵਿੱਚ ਅਜੇ ਵੀ ਦੂਰ-ਦਰਾਡੇ ਅਤੇ ਪੇਂਡੂ ਇਲਾਕਿਆਂ ਵਿੱਚ 4G ਦੀ ਕਵਰੇਜ ਕਾਫੀ ਮਾੜੀ ਹੈ। 5G ਨੂੰ 4G ਦੇ ਬਰਾਬਰ ਕਵਰੇਜ ਤੱਕ ਪਹੁੰਚਣ ਲਈ ਕਈ ਸਾਲ ਲੱਗ ਜਾਣਗੇ।
