October 3, 2022
(Chandigarh)
ਭਗਵੰਤ ਮਾਨ ਦੀ ਸਰਕਾਰ ਵੱਲੋਂ ਵਿਧਾਨ ਸਭਾ ਵਿੱਚ ਹਾਸਲ ਕੀਤੀ ‘ਭਰੋਸੇ ਦੀ ਵੋਟ’ ਨੂੰ ਲੈ ਕੇ ਹੁਣ ਨਵਾਂ ਘਮਸਾਣ ਛਿੜ ਗਿਆ ਹੈ। ਦਰਅਸਲ, ਸਰਕਾਰ ਨੇ ਦਾਅਵਾ ਕੀਤਾ ਕਿ ਉਹਨਾਂ ਦੇ ਪੱਖ ਵਿੱਚ 93 ਵੋਟਾਂ ਪਈਆਂ ਹਨ, ਜਿਹਨਾਂ ਵਿੱਚ 91 ‘ਆਪ’ ਦੇ ਵਿਧਾਇਕ, 1 ਅਕਾਲੀ ਵਿਧਾਇਕ ਅਤੇ 1 BSP ਦਾ ਵਿਧਾਇਕ ਹੈ। ਲੇਕਿਨ ਅਕਾਲੀ ਦਲ ਨੇ ਇਹਨਾਂ ਅੰਕੜਿਆਂ ‘ਤੇ ਸਵਾਲ ਚੁੱਕੇ ਹਨ। ਪਾਰਟੀ ਨੇ ਕਿਹਾ ਕਿ ਅਕਾਲੀ ਦਲ ਅਤੇ BSP ਦੇ ਦੋਵੇਂ ਵਿਧਾਇਕਾਂ ਨੇ ਮਤੇ ਦਾ ਵਿਰੋਧ ਕੀਤਾ। ਲਿਹਾਜ਼ਾ ਉਹਨਾਂ ਦੀ ਗਿਣਤੀ ਸਰਕਾਰ ਦੇ ਪੱਖ ਵਿੱਚ ਕਿਵੇਂ ਹੋ ਸਕਦੀ ਹੈ।
SAD legislature wing led by Manpreet S Ayali opposes Confidence Motion stridently.
Ayali says his opposition to the motion was a recorded fact & that canards to the opposite effect shouldn't be spread by @AamAadmiParty.
Asks Speaker to correct VS record if wrongly recorded. pic.twitter.com/NM3mzfAPYl
— Shiromani Akali Dal (@Akali_Dal_) October 3, 2022
ਅਕਾਲੀ ਵਿਧਾਇਕ ਮਨਪ੍ਰੀਤ ਇਆਲੀ ਅਤੇ BSP ਵਿਧਾਇਕ ਨਛੱਤਰ ਪਾਲ ਨੇ ਬਕਾਇਦਾ ਸਪੀਕਰ ਨੂੰ ਚਿੱਠੀ ਲਿਖ ਕੇ ਆਪਣਾ ਵਿਰੋਧ ਜਤਾਇਆ ਅਤੇ ਵਿਧਾਨ ਸਭਾ ਦਾ ਰਿਕਾਰਡ ਦਰੁਸਤ ਕਰਨ ਲਈ ਕਿਹਾ।
ਓਧਰ ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਵੀ ਇਸ ‘ਤੇ ਸਖਤ ਇਤਰਾਜ਼ ਜ਼ਾਹਿਰ ਕੀਤਾ ਹੈ। ਸੁਖਬੀਰ ਨੇ ਟਵਿਟਰ ‘ਤੇ ਲਿਖਿਆ, “ਵਿਧਾਨ ਸਭਾ ਦੇ ਵਿੱਚ ਸ਼੍ਰੋਮਣੀ ਅਕਾਲੀ ਦਲ ਦੇ ਵਿਧਾਇਕ ਦਲ ਦੇ ਨੇਤਾ ਸ ਮਨਪ੍ਰੀਤ ਸਿੰਘ ਇਆਲੀ ਅਤੇ ਸਾਡੀ ਭਾਈਵਾਲ ਪਾਰਟੀ – ਬਹੁਜਨ ਸਮਾਜ ਪਾਰਟੀ ਦੇ ਵਿਧਾਇਕ ਡਾ ਨੱਛਤਰ ਪਾਲ ਜੀ ਨੇ ਆਮ ਆਦਮੀ ਪਾਰਟੀ ਵਲੋਂ ਲਿਆਂਦੇ “ਵਿਸ਼ਵਾਸ ਮਤੇ” ਦਾ ਨਾ ਕੇਵਲ ਵਿਧਾਨ ਸਭਾ ਦੇ ਅੰਦਰ ਬੋਲ ਕੇ ਬਲਕਿ ਲਿਖਤੀ ਰੂਪ ਵਿਚ ਵੀ ਵਿਰੋਧ ਕੀਤਾ ਹੈ।”
ਵਿਧਾਨ ਸਭਾ ਦੇ ਵਿੱਚ ਸ਼੍ਰੋਮਣੀ ਅਕਾਲੀ ਦਲ ਦੇ ਵਿਧਾਇਕ ਦਲ ਦੇ ਨੇਤਾ ਸ ਮਨਪ੍ਰੀਤ ਸਿੰਘ ਇਆਲੀ ਅਤੇ ਸਾਡੀ ਭਾਈਵਾਲ ਪਾਰਟੀ – ਬਹੁਜਨ ਸਮਾਜ ਪਾਰਟੀ ਦੇ ਵਿਧਾਇਕ ਡਾ ਨੱਛਤਰ ਪਾਲ ਜੀ ਨੇ ਆਮ ਆਦਮੀ ਪਾਰਟੀ ਵਲੋਂ ਲਿਆਂਦੇ "ਵਿਸ਼ਵਾਸ ਪ੍ਰਸਤਾਵ" ਦਾ ਨਾ ਕੇਵਲ ਵਿਧਾਨ ਸਭਾ ਦੇ ਅੰਦਰ ਬੋਲ ਕੇ ਬਲਕਿ ਲਿਖਤੀ ਰੂਪ ਵਿਚ ਵੀ ਵਿਰੋਧ ਦਰਜ ਕਰਾਇਆ ਹੈ। pic.twitter.com/T0aYE15YTJ
— Sukhbir Singh Badal (@officeofssbadal) October 3, 2022
ਦੱਸ ਦਈਏ ਕਿ ‘ਆਪ’ ਸਰਕਾਰ ਵੱਲੋਂ ਵਿਧਾਨ ਸਭਾ ਵਿੱਚ ਭਰੋਸੇ ਦੀ ਵੋਟ ਬਾਰੇ ਇਹ ਦਾਅਵਾ ਕੀਤਾ ਗਿਆ ਹੈ ਕਿ ਉਹਨਾਂ ਦੇ ਹੱਕ ਵਿੱਚ 93 ਵੋਟਾਂ ਪਈਆਂ ਹਨ। ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਗਿਆ ਕਿ ਜਦੋਂ ਅਵਾਜ਼ ਮੱਤ ਦੇ ਜ਼ਰੀਏ ਭਰੋਸਗੀ ਮਤੇ ‘ਤੇ ਵੋਟਾਂ ਪਈਆਂ, ਤਾਂ ਅਕਾਲੀ ਵਿਧਾਇਕ ਇਆਲੀ ਅਤੇ ਬਸਪਾ ਵਿਧਾਇਕ ਨਛੱਤਰ ਪਾਲ ਨੇ ਨਾ ਤਾਂ ਹਾਂ ਅਤੇ ਨਾ ਹੀ ਨਾਂਹ ਵਿੱਚ ਹੱਥ ਖੜ੍ਹਾ ਕੀਤਾ। ਇਸ ਲਈ ਉਹਨਾਂ ਦੀ ਵੋਟ ਹਾਂ ਦੇ ਪੱਖ ਵਿੱਚ ਗਿਣੀ ਗਈ।(ਪੂਰੀ ਖ਼ਬਰ ਇਥੇ ਪੜ੍ਹੋ)
