October 19, 2022
(New Delhi)
ਕਾਂਗਰਸ ਪਾਰਟੀ ਨੂੰ 24 ਸਾਲ ਬਾਅਦ ਨਵਾਂ ਪ੍ਰਧਾਨ ਮਿਲ ਗਿਆ ਹੈ। ਸ਼ਸ਼ੀ ਥਰੂਰ ਨੂੰ ਕਰੀਬ 7 ਹਜ਼ਾਰ ਵੋਟਾਂ ਦੇ ਫ਼ਰਕ ਨਾਲ ਹਰਾ ਕੇ ਮੱਲਿਕਾਰਜੁਨ ਖੜਗੇ ਕਾਂਗਰਸ ਦੇ ਨਵੇਂ ਪ੍ਰਧਾਨ ਬਣ ਗਏ ਹਨ। ਨਵੇਂ ਪ੍ਰਧਾਨ ਦੇ ਅਹੁਦੇ ਲਈ ਹੋਈ ਵੋਟਿੰਗ ਵਿੱਚ ਖੜਗੇ ਨੂੰ 7897 ਵੋਟਾਂ ਹਾਸਲ ਹੋਈਆਂ ਹਨ, ਜਦਕਿ ਥਰੂਰ ਨੂੰ 1072 ਵੋਟਾਂ ਨਾਲ ਹੀ ਸਬਰ ਕਰਨਾ ਪਿਆ। ਪ੍ਰਧਾਨਗੀ ਲਈ ਕੁੱਲ 9497 ਵੋਟਾਂ ਪਈਆਂ ਸਨ। ਇਹਨਾਂ ਵਿਚੋਂ 416 ਵੋਟਾਂ ਰਿਜੈਕਟ ਹੋਈਆਂ ਹਨ।
ਕਾਬਿਲੇਗੌਰ ਹੈ ਕਿ 24 ਸਾਲਾਂ ਵਿੱਚ ਇਹ ਪਹਿਲਾ ਅਜਿਹਾ ਮੌਕਾ ਹੈ, ਜਦੋਂ ਗਾਂਧੀ ਪਰਿਵਾਰ ਤੋਂ ਬਿਨ੍ਹਾਂ ਕੋਈ ਕਾਂਗਰਸ ਪਾਰਟੀ ਦਾ ਪ੍ਰਧਾਨ ਬਣਿਆ ਹੋਵੇ। 1998 ਵਿੱਚ ਹੋਈਆਂ ਚੋਣਾਂ ਵਿੱਚ ਸੋਨੀਆ ਗਾਂਧੀ ਪਾਰਟੀ ਦੇ ਪ੍ਰਧਾਨ ਚੁਣੇ ਗਏ ਸਨ। ਉਸ ਦੌਰਾਨ ਸੋਨੀਆ ਗਾਂਧੀ ਨੂੰ 7400 ਵੋਟਾਂ ਹਾਸਲ ਹੋਈਆਂ ਸਨ। ਸੋਨੀਆ ਗਾਂਧੀ ਨੇ ਪਹਿਲਾਂ 1998 ਤੋਂ ਲੈ ਕੇ 2017 ਤੱਕ ਲਗਾਤਾਰ ਪਾਰਟੀ ਦੀ ਕਮਾਨ ਸੰਭਾਲੀ, ਜਿਸ ਤੋਂ ਬਾਅਦ ਰਾਹੁਲ ਗਾਂਧੀ ਨੂੰ ਪ੍ਰਧਾਨ ਬਣਾਇਆ ਗਿਆ। ਇਸ ਤੋਂ ਬਾਅਦ ਰਾਹੁਲ ਦੇ ਅਸਤੀਫ਼ੇ ਮਗਰੋਂ ਮੁੜ ਸੋਨੀਆ ਗਾਂਧੀ ਨੂੰ ਅੰਤਰਿਮ ਪ੍ਰਧਾਨ ਬਣਾ ਦਿੱਤਾ ਗਿਆ।
मैं सभी कांग्रेस कार्यकर्ताओं की ओर से श्रीमती सोनिया गांधी जी का आभार व्यक्त करता हूं।
उन्होंने निजी त्याग कर 23 वर्षों तक कांग्रेस को अपने खून-पसीने से सींचा है। उनके नेतृत्व में हमने केंद्र में 2 बार सरकार बनाई और अनेकों राज्यों में कांग्रेस को मजबूत किया : श्री @kharge pic.twitter.com/adpGvJ8q08
— Congress (@INCIndia) October 19, 2022
ਮੇਰਾ ਰੋਲ ਖੜਗੇ ਜੀ ਹੀ ਤੈਅ ਕਰਨਗੇ- ਰਾਹੁਲ
ਦਿਲਚਸਪ ਹੈ ਕਿ ਨਤੀਜਿਆਂ ਦੇ ਐਲਾਨ ਤੋਂ ਪਹਿਲਾਂ ਹੀ ਰਾਹੁਲ ਗਾਂਧੀ ਨੇ ਮੱਲਿਕਾਰਜੁਨ ਖੜਗੇ ਨੂੰ ਪ੍ਰਧਾਨ ਦੱਸ ਦਿੱਤਾ ਸੀ। ਆਂਧਰਾ ਪ੍ਰਦੇਸ਼ ਵਿੱਚ ਪ੍ਰੈੱਸ ਕਾਨਫ਼ਰੰਸ ਦੌਰਾਨ ਜਦੋਂ ਰਾਹੁਲ ਨੂੰ ਪੁੱਛਿਆ ਗਿਆ ਕਿ ਹੁਣ ਉਹਨਾਂ ਦਾ ਰੋਲ ਕੀ ਹੋਵੇਗਾ। ਤਾਂ ਰਾਹੁਲ ਨੇ ਕਿਹਾ- ਹੁਣ ਮੇਰਾ ਰੋਲ ਵੀ ਖੜਗੇ ਜੀ ਹੀ ਤੈਅ ਕਰਨਗੇ, ਜਦਕਿ ਇਸ ਦੌਰਾਨ ਵੋਟਾਂ ਦੀ ਗਿਣਤੀ ਜਾਰੀ ਸੀ ਅਤੇ ਨਤੀਜਿਆਂ ਦਾ ਐਲਾਨ ਨਹੀਂ ਹੋਇਆ ਸੀ।
Congratulations to Mallikarjun Kharge ji on being elected as the President of @INCIndia.
The Congress President represents a democratic vision of India.
His vast experience and ideological commitment will serve the party well as he takes on this historic responsibility.
— Rahul Gandhi (@RahulGandhi) October 19, 2022
‘ਕਾਂਗਰਸ ਇਕਲੌਤੀ ਪਾਰਟੀ, ਜਿਸ ‘ਚ ਚੋਣਾਂ ਹੁੰਦੀਆਂ ਹਨ’
ਰਾਹੁਲ ਗਾਂਧੀ ਨੇ ਕਿਹਾ, “ਕਾਂਗਰਸ ਇਕਲੌਤੀ ਅਜਿਹੀ ਪਾਰਟੀ ਹੈ, ਜਿਸ ਵਿੱਚ ਚੋਣਾਂ ਹੁੰਦੀਆਂ ਹਨ ਅਤੇ ਉਸਦਾ ਆਪਣਾ ਚੋਣ ਕਮਿਸ਼ਨ ਹੈ। ਮੈਂ ਕਾਂਗਰਸ ਇਲੈਕਸ਼ਨ ਕਮੇਟੀ ਦੇ ਚੇਅਰਮੈਨ ਮਧੂਸੂਦਨ ਮਿਸਤਰੀ ਦੇ ਨਾਲ ਕੰਮ ਕੀਤਾ। ਉਹ ਕਾਫੀ ਸਪੱਸ਼ਟ ਵਕਤਾ ਹਨ। ਸਾਰੇ ਮਸਲੇ ਉਹਨਾਂ ਦੀ ਨਜ਼ਰ ਵਿੱਚ ਲਿਆਂਦੇ ਗਏ ਹਨ, ਓਹੀ ਐਕਸ਼ਨ ਲੈਣਗੇ। ਹਰ ਕੋਈ ਕਾਂਗਰਸ ਵਿੱਚ ਚੋਣਾਂ ਦੇ ਬਾਰੇ ਪੁੱਛਦਾ ਹੈ। ਮੈਨੂੰ ਕਾਂਗਰਸ ‘ਤੇ ਫ਼ਖਰ ਹੈ, ਜਿਸ ਵਿੱਚ ਓਪਨ ਅਤੇ ਪਾਰਦਰਸ਼ੀ ਚੋਣਾਂ ਹੋ ਰਹੀਆਂ ਹਨ। ਕੋਈ ਦੂਜੀਆਂ ਪਾਰਟੀਆਂ ਵਿੱਚ ਚੋਣਾਂ ‘ਚ ਦਿਲਚਸਪੀ ਕਿਉਂ ਨਹੀਂ ਲੈਂਦਾ, ਚਾਹੇ ਉਹ ਬੀਜੇਪੀ ਹੋਵੇ ਜਾਂ ਦੂਜੀਆਂ ਰੀਜਨਲ ਪਾਰਟੀਆਂ?”
ਥਰੂਰ ਧੜੇ ਨੇ ਗੜਬੜੀਆਂ ਦਾ ਲਾਇਆ ਸੀ ਇਲਜ਼ਾਮ
ਦਰਅਸਲ, ਕਾਊਿਟੰਗ ਦੇ ਦੌਰਾਨ ਥਰੂਰ ਦੇ ਚੀਫ ਇਲੈਕਸ਼ਨ ਕੈਂਪੇਨਰ ਸਲਮਾਨ ਸੋਜ ਨੇ ਉੱਤਰ ਪ੍ਰਦੇਸ਼, ਪੰਜਾਬ ਅਤੇ ਤੇਲੰਗਾਨਾ ਵਿੱਚ ਵੋਟਿੰਗ ਤੋਂ ਪਹਿਲਾਂ, ਪੋਲਿੰਗ ਦੇ ਦੌਰਾਨ ਅਤੇ ਵੋਟਿੰਗ ਤੋਂ ਬਾਅਦ ਗੜਬੜੀਆਂ ਦਾ ਇਲਜ਼ਾਮ ਲਾਇਆ। ਸੋਜ ਨੇ ਕਿਹਾ- ਅਸੀਂ ਇਸ ਬਾਰੇ ਪਾਰਟੀ ਦੇ ਚੋਣ ਇੰਚਾਰਜ ਮਧੂਸੂਦਨ ਮਿਸਤਰੀ ਨੂੰ ਦੱਸ ਦਿੱਤਾ ਹੈ।
