ਟੋਕਿਓ। ਟੋਕਿਓ ਓਲੰਪਿਕਸ ‘ਚ ਭਾਰਤੀ ਹਾਕੀ ਟੀਮ ਆਸਟ੍ਰੇਲੀਆ ਦੇ ਖਿਲਾਫ਼ ਆਪਣੇ ਦੂਜੇ ਮੈਚ ‘ਚ ਜ਼ਰੂਰ ਡਗਮਗਾਈ ਸੀ, ਪਰ ਸਪੇਨ ਦੇ ਖਿਲਾਫ਼ ਖੇਡੇ ਗਏ ਤੀਜੇ ਮੈਚ ‘ਚ ਮੁੜ ਪੱਟੜੀ ‘ਤੇ ਪਰਤ ਆਈ ਹੈ। ਭਾਰਤ ਨੇ ਸਪੇਨ ਨੂੰ 3-0 ਨਾਲ ਹਰਾ ਦਿੱਤਾ। ਇਸ ਜਿੱਤ ਦੇ ਨਾਲ ਪੂਲ-ਏ ‘ਚ ਭਾਰਤ ਨੇ ਆਪਣੀ ਸਥਿਤੀ ਥੋੜ੍ਹੀ ਮਜਬੂਤ ਕਰ ਲਈ ਹੈ। ਭਾਰਤ ਹੁਣ ਆਸਟ੍ਰੇਲੀਆ ਤੋਂ ਬਾਅਦ ਆਪਣੇ ਗਰੁੱਪ ‘ਚ ਦੂਜੇ ਨੰਬਰ ‘ਤੇ ਹੈ।
ਭਾਰਤ ਦੀ ਖੇਡ ਸਪੇਨ ਦੇ ਨਾਲ ਬਦਲੀ-ਬਦਲੀ ਨਜ਼ਰ ਆਈ। ਮਤਲਬ ਆਸਟ੍ਰੇਲੀਆ ਦੇ ਖਿਲਾਫ਼ ਜਿਸ ਫਾਰਵਰਡ ਲਾਈਨ ਅਤੇ ਡਿਫੈਂਸ ਦੀ ਬੱਤੀ ਗੁੱਲ ਸੀ, ਉਹ ਮੈਚ ‘ਚ ਜਗਮਗਾ ਰਹੀ ਸੀ। ਟੀਮ ਦੇ ਫੀਲਡ ਗੋਲ ਦਾਗੇ, ਪੈਨਲਟੀ ਸਟ੍ਰੌਕ ਵੀ ਭੁਨਾਏ ਅਤੇ ਪੈਨਲਟੀ ਕਾਰਨਰ ‘ਤੇ ਵੀ ਗੋਲ ਕਰਕੇ ਵਿਖਾਇਆ।
ਪੰਜਾਬੀ ਮੁੰਡੇ ਬਣੇ ਮੈਚ ਦੇ ਹੀਰੋ
ਭਾਰਤ ਲਈ ਸਪੇਨ ਨੂੰ ਪੋਸਟ ‘ਤੇ ਪਹਿਲਾ ਗੋਲ ਮੈਚ ਦੇ ਪਹਿਲੇ ਕੁਆਰਟਰ ‘ਚ ਸਿਮਰਨਜੀਤ ਸਿੰਘ ਨੇ 14ਵੇਂ ਮਿਨਟ ‘ਚ ਕੀਤਾ। ਇਸ ਗੋਲ ਦੇ ਨਾਲ ਭਾਰਤ ਮੁਕਾਬਲੇ ‘ਚ 1-0 ਨਾਲ ਅੱਗੇ ਹੋ ਗਿਆ। ਇਹ ਓਲੰਪਿਕ ‘ਚ ਸਿਮਰਨਜੀਤ ਦਾ ਪਹਿਲਾ ਗੋਲ ਵੀ ਰਿਹਾ। ਇਸ ਤੋਂ ਬਾਅਦ ਅਗਲੇ ਇੱਕ ਮਿੰਟ ‘ਚ ਭਾਰਤ ਨੂੰ ਇੱਕ ਪੈਨਲਟੀ ਸਟ੍ਰੌਕ ਮਿਲ ਗਿਆ, ਜਿਸ ‘ਚ ਰੁਪਿੰਦਰ ਪਾਲ ਸਿੰਘ ਨੇ ਗੋਲ ਕਰਕੇ ਭਾਰਤ ਦੀ ਬੜ੍ਹਤ ਨੂੰ 2-0 ਕਰ ਦਿੱਤਾ।
ਭਾਰਤ ਲਈ ਤੀਜਾ ਗੋਲ ਮੈਚ ‘ਚ 51ਵੇਂ ਮਿੰਟ ‘ਚ ਰੁਪਿੰਦਰ ਪਾਲ ਸਿੰਘ ਨੇ ਕੀਤਾ। ਇਹ ਇਸ ਮੈਚ ‘ਚ ਰੁਪਿੰਦਰ ਪਾਲ ਦਾ ਦੂਜਾ ਗੋਲ ਰਿਹਾ। ਇਸ ਗੋਲ ਦੇ ਨਾਲ ਭਾਰਤ ਨੇ 3-0 ਦੀ ਬੜ੍ਹਤ ਬਣਾਉਂਦੇ ਹੋਏ ਜਿੱਤ ਦਰਜ ਕਰ ਲਈ। ਇਸ ਮੈਚ ਦੀ ਖਾਸ ਗੱਲ ਇਹ ਰਹੀ ਕਿ ਇਸ ‘ਚ ਭਾਰਤ ਨੇ ਪੈਨਲਟੀ ਕਾਰਨਰ, ਪੈਨਲਟੀ ਸਟ੍ਰੌਕ ਅਤੇ ਫੀਲਡ, ਹਰ ਤਰੀਕੇ ਦੇ ਗੋਲ ਕੀਤੇ।
