ਅੰਮ੍ਰਿਤਸਰ। ਟੋਕਿਓ ਓਲੰਪਿਕ ‘ਚ ਇਤਿਹਾਸ ਰਚਣ ਵਾਲੇ ਪੰਜਾਬ ਦੇ ‘ਗੱਭਰੂ’ ਘਰ ਪਰਤ ਆਏ ਹਨ। ਹਾਕੀ ‘ਚ ਬ੍ਰਾਨਜ਼ ਮੈਡਲ ਜਿੱਤ ਕੇ ਵਾਪਸੀ ਕਰਨ ਵਾਲੇ ਖਿਡਾਰੀਆਂ ਦਾ ਅੰਮ੍ਰਿਤਸਰ ਪਹੁੰਚਣ ‘ਤੇ ਜੋਰਦਾਰ ਸਵਾਗਤ ਕੀਤਾ ਗਿਆ। ਏਅਰਪੋਰਟ ‘ਤੇ ਢੋਲ ਨਗਾੜਿਆਂ ਨਾਲ ਸਾਰੇ ਖਿਡਾਰੀਆਂ ਦਾ Grand Welcome ਹੋਇਆ।
#WATCH | Performers dance to the tune of Bhangra as they welcome Indian men & women hockey players in Amritsar
"Many people are dancing in happiness for their return. Everyone's ready to welcome them," says Harjinder, men's hockey team player Gurjant Singh's uncle pic.twitter.com/RxBYuTarO4
— ANI (@ANI) August 11, 2021
ਏਅਰਪੋਰਟ ਤੋਂ ਇਹ ਖਿਡਾਰੀ ਸਿੱਧੇ ਦਰਬਾਰ ਸਾਹਿਬ ਪਹੁੰਚੇ ਸਾਰਿਆਂ ਨੇ ਵਾਹਿਗੁਰੂ ਦੇ ਚਰਨਾਂ ‘ਚ ਸੀਸ ਨਵਾਇਆ ਅਤੇ ਕਾਮਯਾਬੀ ਲਈ ਸ਼ੁਕਰਾਨਾ ਕੀਤਾ।
ਹਾਕੀ ਦੇ ਇਹਨਾਂ ਚੈਂਪੀਅਨਜ਼ ਨੇ ਵਾਹਿਗੁਰੂ ਅੱਗੇ ਭਵਿੱਖ ਦੇ ਮੁਕਾਬਲਿਆਂ ਲਈ ਵੀ ਅਰਦਾਸ ਕੀਤੀ। ਖਿਡਾਰੀਆਂ ਦਾ ਕਹਿਣਾ ਹੈ ਕਿ ਉਹਨਾਂ ਦਾ ਅਗਲਾ ਟਾਰਗੇਟ ਓਲੰਪਿਕ ‘ਚ ਗੋਲਡ ਮੈਡਲ ਜਿੱਤਣ ਦਾ ਹੈ।
ਭਾਰਤੀ ਹਾਕੀ ਟੀਮ ਦੇ ਕੁੱਲ 11 ਖਿਡਾਰੀ ਪੰਜਾਬ ਤੋਂ ਹਨ। ਸਾਰੇ ਖਿਡਾਰੀ ਇਕੱਠੇ ਦਰਬਾਰ ਸਾਹਿਬ ਪਹੁੰਚੇ ਅਤੇ ਸਭ ਨੇ ਅਸਮਾਨੀ ਰੰਗ ਦੀ ਦਸਤਾਰ ਸਜਾਈ ਹੋਈ ਸੀ।
ਮਹਿਲਾ ਹਾਕੀ ‘ਚ ਵੀ ਪੰਜਾਬ ਦੀ ਗੁਰਜੀਤ ਕੌਰ ਨੇ ਕਮਾਲ ਵਿਖਾਇਆ। ਗੁਰਜੀਤ ਵੀ ਬੁੱਧਵਾਰ ਨੂੰ ਭਾਰਤੀ ਪੁਰਸ਼ ਹਾਕੀ ਟੀਮ ਗੇ ਨਾਲ ਘਰ ਪਰਤੀ ਅਤੇ ਦਰਬਾਰ ਸਾਹਿਬ ਵਿਖੇ ਨਤਮਸਤਕ ਹੋਈ।
ਇਸ ਦੌਰਾਨ SGPC ਪ੍ਰਧਾਨ ਬੀਬੀ ਜਗੀਰ ਕੌਰ ਵੱਲੋਂ ਇਹਨਾਂ ਸਾਰੇ ਖਿਡਾਰੀਆਂ ਨੂੰ ਇੱਕ ਕਰੋੜ ਰੁਪਏ ਦਾ ਚੈੱਕ ਦੇ ਕੇ ਸਨਮਾਨਿਤ ਕੀਤਾ ਗਿਆ।
ਇਸ ਦੌਰਾਨ ਖਿਡਾਰੀਆਂ ਦੇ ਪਰਿਵਾਰ ਵਾਲੇ ਵੀ ਉਹਨਾਂ ਦੇ ਨਾਲ ਨਜ਼ਰ ਆਏ। ਸਾਰਿਆਂ ਦੀ ਖੁਸ਼ੀ ਦਾ ਕੋਈ ਠਿਕਾਣਾ ਨਹੀਂ ਸੀ।
ਅੰਮ੍ਰਿਤਸਰ ‘ਚ ਸ਼ਾਨਦਾਰ ਸਵਾਗਤ ਤੋਂ ਬਾਅਦ ਸਾਰੇ ਖਿਡਾਰੀ ਆਪੋ-ਆਪਣੇ ਪਿੰਡ ਲਈ ਰਵਾਨਾ ਹੋ ਗਏ, ਜਿਥੇ ਪਹੁੰਚਣ ‘ਤੇ ਉਹਨਾਂ ਦਾ ਇੱਕ ਵਾਰ ਫਿਰ ਜ਼ਬਰਦਸਤ ਸਵਾਗਤ ਹੋਇਆ।
ਕਾਬਿਲੇਗੌਰ ਹੈ ਕਿ ਓਲੰਪਿਕ ‘ਚ ਆਖਰੀ ਵਾਰ 1980 ‘ਚ ਭਾਰਤੀ ਹਾਕੀ ਟੀਮ ਨੇ ਗੋਲਡ ਮੈਡਲ ਜਿੱਤਿਆ ਸੀ। ਹੁਣ 41 ਸਾਲਾਂ ਬਾਅਦ ਓਲੰਪਿਕ ‘ਚ ਮੁੜ ਭਾਰਤੀ ਹਾਕੀ ਦਾ ਜਲਵਾ ਵੇਖਣ ਨੂੰ ਮਿਲਿਆ। ਉਮੀਦ ਹੈ ਕਿ ਹਾਕੀ ਖਿਡਾਰੀਆਂ ਦਾ ਇਹ ਜਾਦੂ ਇਸੇ ਤਰ੍ਹਾਂ ਬਰਕਰਾਰ ਰਹੇਗਾ ਅਤ ਅਗਲੀ ਵਾਰ ਗੋਲਡ ਦਾ ਸੁਫਨਾ ਵੀ ਪੂਰਾ ਹੋਵੇਗਾ।
