ਨਵੀਂ ਦਿੱਲੀ। ਰਾਜ ਸਭਾ ਦੇ ਸਭਾਪਤੀ ਅਤੇ ਉਪ ਰਾਸ਼ਟਰਪਤੀ ਵੈਂਕਈਆ ਨਾਇਡੂ ਸਦਨ ‘ਚ ਮੰਗਲਵਾਰ ਨੂੰ ਹੋਏ ਹੰਗਾਮੇ ਨੂੰ ਲੈ ਕੇ ਬੇਹੱਦ ਖਫਾ ਹਨ। ਬੁੱਧਵਾਰ ਨੂੰ ਰਾਜ ਸਭਾ ਦੀ ਕਾਰਵਾਈ ਸ਼ੁਰੂ ਹੁੰਦੇ ਹੋਈ ਵੈਂਕਈਆ ਨਾਇਡੂ ਭਾਵੁਕ ਹੋ ਗਏ। ਹੰਗਾਮੇ ਦਾ ਜਿਕਰ ਕਰਦੇ ਹੋਏ ਉਹਨਾਂ ਨੇ ਇਸ ਘਟਨਾ ਨੂੰ ਬੇਹੱਦ ਮੰਦਭਾਗਾ ਕਰਾਰ ਦਿੱਤਾ।
ਉਪ ਰਾਸ਼ਟਰਪਤੀ ਨੇ ਕਿਹਾ ਕਿ ਬੀਤੇ ਦਿਨ ਹੋਏ ਹੰਗਾਮੇ ਤੋਂ ਉਹ ਇਸ ਕਦਰ ਦੁਖੀ ਹਨ ਕਿ ਪੂਰੀ ਰਾਤ ਸੋ ਨਹੀਂ ਸਕੇ। ਉਹਨਾਂ ਕਿਹਾ ਕਿ ਚੇਅਰ ਵੱਲ ਰੂਲ ਬੁੱਕ ਸੁੱਟਣਾ ਬੇਹੱਦ ਸ਼ਰਮਨਾਕ ਹੈ। ਨਾਇਡੂ ਨੇ ਕਿਹਾ ਕਿ ਕਿਸੇ ਮੁੱਦੇ ਨੂੰ ਸਦਨ ‘ਚ ਚੁੱਕਣਾ ਵਿਰੋਧੀਆਂ ਦਾ ਹੱਕ ਹੈ, ਪਰ ਵਿਰੋਧੀ ਸਰਕਾਰ ਨੂੰ ਇਸਦੇ ਲਈ ਮਜਬੂਰ ਨਹੀਂ ਕਰ ਸਕਦੇ।
#MonsoonSession2021#RajyaSabha
Chairman @MVenkaiahNaidu gets emotional as he speaks about Tuesday's ruckus by Opposition in the House pic.twitter.com/r24nLvMKU4
— DD News (@DDNewslive) August 11, 2021
ਦੱਸ ਦਈਏ ਕਿ ਖੇਤੀ ਕਾਨੂੰਨਾਂ ਦਾ ਵਿਰੋਧ ਕਰ ਰਹੇ ਕਾਂਗਰਸ, ਤ੍ਰਿਣਮੂਲ ਕਾਂਗਰਸ, ਵਾਮਦਲ ਅਤੇ ਆਮ ਆਦਮੀ ਪਾਰਟੀ ਦੇ ਸਾਂਸਦਾਂ ਨੇ ਮੰਗਲਵਾਰ ਨੂੰ ਰਾਜ ਸਭਾ ‘ਚ ਜਨਰਲ ਸਕੱਤਰ ਦੇ ਟੇਬਲ ‘ਤੇ ਚੜ੍ਹ ਕੇ ਜੋਰਦਾਰ ਨਾਅਰੇਬਾਜੀ ਕੀਤੀ। ਇੰਨਾ ਹੀ ਨਹੀਂ, ਟੇਬਲ ‘ਤੇ ਚੜ੍ਹ ਕੇ ਕਾਂਗਰਸ ਸਾਂਸਦ ਪ੍ਰਤਾਪ ਬਾਜਵਾ ਨੇ ਆਸਨ ਵੱਲ ਰੂਲ ਬੁੱਕ ਵੀ ਸੁੱਟੀ।
ਦਰਅਸਲ, ਮੰਗਲਵਾਰ ਨੂੰ ਰਾਜ ਸਭਾ ‘ਚ ਕਿਸਾਨਾਂ ਦੇ ਮੁੱਦਿਆਂ ‘ਤੇ ਚਰਚਾ ਹੋਣ ਵਾਲੀ ਸੀ, ਪਰ ਵਿਰੋਧੀ ਪਾਰਟੀਆਂ ਦਾ ਕਹਿਣਾ ਸੀ ਕਿ ਸਰਕਾਰ ਖੇਤੀ ਕਾਨੂੰਨਾਂ ‘ਤੇ ਚਰਚਾ ਨਾ ਕਰਕੇ ਉਸ ਮੁੱਦੇ ‘ਤੇ ਬਹਿਸ ਕਰਨਾ ਚਾਹੁੰਦੀ ਹੈ, ਜਿਸਦੀ ਅਸੀਂ ਕਦੇ ਮੰਗ ਵੀ ਨਹੀਂ ਕੀਤੀ। ਇਸ ਗੱਲ ਨੂੰ ਲੈ ਕੇ ਹੰਗਾਮਾ ਹੁੰਦਾ ਰਿਹਾ ਅਤੇ ਵੇਖਦੇ ਹੀ ਵੇਖਦੇ ਸੰਸਦ ਦੀ ਮਰਿਆਦਾ ਤਾਰ-ਤਾਰ ਹੋ ਗਈ।
