ਦਿੱਲੀ। ਖਾਲਿਸਤਾਨ ਵਿਚ ਤਾਲੀਬਾਨ ਸ਼ਾਸਨ ਤੋਂ ਬਾਅਦ ਭਾਰਤ ਸਰਕਾਰ ਵੱਲੋਂ ਉੱਥੇ ਫਟੇ ਹੋਏ ਹਿੰਦੂਆਂ ਤੇ ਸਿੱਖਾਂ ਸਣੇ ਭਾਰਤੀ ਅਤੇ ਅਫਗਾਨੀ ਨਾਗਰਿਕਾਂ ਨੂੰ ਕੱਢਣ ਦਾ ਮਿਸ਼ਨ ਤੇਜ਼ ਹੈ। ਇਸ ਵਿਚਾਲੇ ਮੰਗਲਵਾਰ ਨੂੰ ਕਾਬੁਲ ਤੋਂ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਤਿੰਨ ਸਰੂਪ ਭਾਰਤ ਲਿਆਂਦੇ ਗਏ। ਕੇਂਦਰੀ ਮੰਤਰੀ ਹਰਦੀਪ ਸਿੰਘ ਪੁਰੀ, ਵਿਦੇਸ਼ ਰਾਜ ਮੰਤਰੀ ਵੀ ਮੁਰਲੀਧਰਨ ਅਤੇ ਬੀਜੇਪੀ ਆਗੂ ਆਰ.ਪੀ. ਸਿੰਘ ਨੇ ਦਿੱਲੀ ਹਵਾਈ ਅੱਡੇ ਤੇ ਕਾਬੂ ਤੋਂ ਲਿਆਂਦੇ ਗਏ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਸਰੂਪ ਰਿਸੀਵ ਕੀਤੇ। ਇਨ੍ਹਾਂ ਸਰੂਪਾਂ ਨੂੰ ਹਰਦੀਪ ਪੁਰੀ ਨੇ ਸਿਰ ਤੇ ਸਜਾ ਕੇ ਪੂਰਨ ਸਤਿਕਾਰ ਸਹਿਤ ਅਗਲੇ ਪੜਾਅ ਲਈ ਰਵਾਨਾ ਕੀਤਾ।
ਵਾਹੁ ਵਾਹੁ ਬਾਣੀ ਨਿਰੰਕਾਰ ਹੈ
ਤਿਸੁ ਜੇਵਡੁ ਅਵਰੁ ਨ ਕੋਇ ।।Deeply privileged & fortunate to welcome the three holy Swaroop of Sri Guru Granth Sahib Ji from Kabul at @DelhiAirport along with Sh @VMBJP Ji, Sh @dushyanttgautam Ji & members of Sikh Sangat. pic.twitter.com/mWhTwpnoOs
— Hardeep Singh Puri (@HardeepSPuri) August 24, 2021
ਕਾਬਿਲੇਗੌਰ ਹੈ ਕਿ ਕਾਬੁਲ ਤੋਂ ਪਹੁੰਚੇ ਜਹਾਜ਼ ਵਿਚ 25 ਭਾਰਤੀ ਨਾਗਰਿਕਾਂ ਸਣੇ 78 ਯਾਤਰੀ ਸਵਾਰ ਸਨ। ਜਿਸ ਜਹਾਜ ਤੋਂ ਯਾਤਰੀਆਂ ਨੂੰ ਭਾਰਤ ਲਿਆਂਦਾ ਗਿਆ ਹੈ, ਉਸੇ ਫਲਾਈਟ ਵਿਚ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਤਿੰਨੇ ਸਰੂਪ ਵੀ ਲਿਆਂਦੇ ਗਏ ਹਨ। ਦਿੱਲੀ ਪਹੁੰਚਣ ‘ਤੇ ਯਾਤਰੀਆਂ ਨੇ ‘ਜੋ ਬੋਲੇ ਸੋ ਨਿਹਾਲ’, ‘ਸਤਿ ਸ੍ਰੀ ਅਕਾਲ’ ਅਤੇ ‘ਵਾਹਿਗੁਰੂ ਜੀ ਦਾ ਖਾਲਸਾ ਵਾਹਿਗੁਰੂ ਜੀ ਕੀ ਫਤਿਹ’ ਦੇ ਜੈਕਾਰੇ ਲਗਾਏ।
While the end of Sikhs in Afghanistan is shattering, the welcoming of Sikh Afghans and the Guru Granth Sahib Ji to India gives solace to the Sikh psyche. Thanks to everyone supporting Afghan Sikhs in this difficult time 🙏🏻 @HardeepSPuri @vikramsahneypic.twitter.com/CjShYzbFyE
— Harjinder Singh Kukreja (@SinghLions) August 24, 2021
ਕਾਬਿਲੇਗੌਰ ਹੈ ਕਿ ਅਫ਼ਗ਼ਾਨਿਸਤਾਨ ਇਹਨੀਂ ਦਿਨੀਂ ਬੁਰੇ ਦੌਰ ਵਿੱਚੋਂ ਲੰਘ ਰਿਹਾ ਹੈ। 2 ਦਹਾਕਿਆਂ ਬਾਅਦ ਮੁਲਕ ਵਿੱਚ ਤਾਲਿਬਾਨ ਦੀ ਹਕੂਮਤ ਆ ਗਈ ਹੈ। ਤਾਲਿਬਾਨ ਨੇ ਹਥਿਆਰਾਂ ਦੇ ਬਲ ‘ਤੇ ਅਫ਼ਗਾਨਿਸਤਾਨ ‘ਤੇ ਕਬਜ਼ਾ ਕਰ ਲਿਆ ਹੈ। ਤਾਲਿਬਾਨ ਦਾ ਅੱਤਿਆਚਾਰ ਵੀ ਲੋਕਾਂ ਉਪਰ ਵਧਣ ਲੱਗ ਗਿਆ ਹੈ। ਤਾਲਿਬਾਨੀ ਯੁੱਗ ਦੇ ਆਗਾਜ਼ ਨਾਲ ਉੱਥੇ ਅਫੜਾ-ਤਫੜੀ ਮਚ ਗਈ ਹੈ। ਭਾਰਤ ਹਾਲੇ ਤੱਕ ਅਫਗਾਨਿਸਤਾਨ ਤੋਂ ਆਪਣੇ 500 ਤੋਂ ਵੱਧ ਨਾਗਰਿਕਾਂ ਨੂੰ ਕੱਢ ਕੇ ਲੈ ਆਇਆ ਹੈ। ਬਹੁਤ ਸਾਰੇ ਅਫਗਾਨੀ ਲੋਕਾਂ ਨੂੰ ਵੀ ਦੇਸ਼ ਵਿੱਚ ਪਨਾਹ ਦਿੱਤੀ ਗਈ ਹੈ।
