ਪੰਜਾਬ ਵਿਧਾਨ ਸਭਾ ਦੇ ਸਾਬਕਾ ਸਪੀਕਰ ਨਿਰਮਲ ਸਿੰਘ ਕਾਹਲੋਂ ਇਸ ਫਾਨੀ ਸੰਸਾਰ ਨੂੰ ਅਲਵਿਦਾ ਆਖ ਗਏ ਹਨ। ਉਹ ਲੰਮੇ ਸਮੇੰ ਤੋੰ ਬਿਮਾਰ ਚੱਲ ਰਹੇ ਸਨ। ਅੰਮ੍ਰਿਤਸਰ ਦੇ ਫੌਰਟਿਸ ਐਸਕਾਰਟ ਹਸਪਤਾਲ ਵਿੱਚ ਉਹਨਾੰ ਦਾ ਇਲਾਜ ਚੱਲ ਰਿਹਾ ਸੀ।
ਕੌਣ ਸਨ ਨਿਰਮਲ ਸਿੰਘ ਕਾਹਲੋੰ?
- ਅਕਾਲੀ ਦਲ ਦੇ ਸੀਨੀਅਰ ਆਗੂ ਨਿਰਮਲ ਸਿੰਘ ਕਾਹਲੋੰ 79 ਸਾਲਾੰ ਦੇ ਸਨ।
- ਉਹ ਸਾਬਕਾ ਮੁੱਖ ਮੰਤਰੀ ਅਤੇ ਅਕਾਲੀ ਦਲ ਦੇ ਸਰਪ੍ਰਸਤ ਪ੍ਰਕਾਸ਼ ਸਿੰਘ ਬਾਦਲ ਦੇ ਕਰੀਬੀ ਰਹੇ।
- 1997 ਤੋੰ 2002 ਦੀ ਅਕਾਲੀ ਸਰਕਾਰ ‘ਚ ਕਾਹਲੋੰ ਪੇੰਡੂ ਵਿਕਾਸ ਤੇ ਪੰਚਾਇਤ ਮੰਤਰੀ ਰਹੇ।
- 2007 ਵਿੱਚ ਸੱਤਾ ‘ਚ ਵਾਪਸੀ ਉਪਰੰਤ ਉਹਨਾੰ ਨੂੰ ਪੰਜਾਬ ਵਿਧਾਨ ਸਭਾ ਦਾ ਸਪੀਕਰ ਚੁਣਿਆ ਗਿਆ।
- 2002 ਤੋੰ 2007 ਦੌਰਾਨ ਜਦੋੰ ਕਾੰਗਰਸ ਦੀ ਸਰਕਾਰ ਰਹੀ, ਉਸ ਵਕਤ ਕਾਹਲੋੰ ਦਾ ਨਾੰਅ ਭਰਤੀ ਘੁਟਾਲੇ ਵਿੱਚ ਸਾਹਮਣੇ ਆਇਆ ਸੀ। ਹਾਲਾੰਕਿ 2008 ਵਿੱਚ ਉਹਨਾੰ ਨੂੰ ਬਰੀ ਕਰ ਦਿੱਤਾ ਗਿਆ।
- ਹਾਲ ਹੀ ਵਿੱਚ ਸਿੱਧੂ ਮੂਸੇਵਾਲਾ ਕਤਲ ਕਾੰਡ ‘ਚ ਵੀ ਕਾਹਲੋੰ ਦਾ ਨਾੰਅ ਉਹਨਾੰ ਦੇ ਭਤੀਜੇ ਕਾਰਨ ਸੁਰਖੀਆੰ ਵਿੱਚ ਰਿਹਾ। ਮੂਸੇਵਾਲਾ ਦੇ ਕਤਲ ਕੇਸ ਵਿੱਚ ਪੁਲਿਸ ਨੇ ਉਹਨਾੰ ਦੇ ਭਤੀਜੇ ਸੰਦੀਪ ਸਿੰਘ ਕਾਹਲੋੰ ਨੂੰ ਗ੍ਰਿਫ਼ਤਾਰ ਕੀਤਾ ਸੀ।
- ਮੌਜੂਦਾ ਸਮੇਂ ਵਿੱਚ ਉਹਨਾੰ ਦੇ ਪੁੱਤਰ ਰਵੀਕਰਨ ਸਿੰਘ ਕਾਹਲੋੰ ਅਕਾਲੀ ਦਲ ਦੇ ਸਰਗਰਮ ਲੀਡਰ ਹਨ। 2022 ਦੀਆੰ ਚੋਣਾੰ ਦੌਰਾਨ ਰਵੀਕਰਨ ਨੇ ਡੇਰਾ ਬਾਬਾ ਨਾਨਕ ਤੋੰ ਸਾਬਕਾ ਡਿਪਟੀ ਸੀਐੱਮ ਸੁਖਜਿੰਦਰ ਰੰਧਾਵਾ ਦੇ ਖਿਲਾਫ਼ ਚੋਣ ਲੜੀ, ਪਰ ਹਾਰ ਗਏ।
ਨਿਰਮਲ ਸਿੰਘ ਕਾਹਲੋੰ ਦਾ ਅੰਤਿਮ ਸੰਸਕਾਰ ਪਿੰਡ ਦਾਦੂਜੋਧ, ਨੇੜੇ ਫ਼ਤਹਿਗੜ੍ਹ ਚੂੜੀਆਂ ਜ਼ਿਲ੍ਹਾ ਗੁਰਦਾਸਪੁਰ ਵਿਖੇ ਕੱਲ੍ਹ 17 ਜੁਲਾਈ ਦਿਨ ਐਤਵਾਰ ਸਵੇਰੇ 11 ਵਜੇ ਹੋਵੇਗਾ।
