ਬਿਓਰੋ। ਪੰਜਾਬ ਦੇ ਸਾਬਕਾ ਸੀਐੱਮ ਕੈਪਟਨ ਅਮਰਿੰਦਰ ਸਿੰਘ ਦੀ ਮਹਿਲਾ ਮਿੱਤਰ ਅਰੂਸਾ ਆਲਮ ਦੇ ਕਥਿਤ ISI ਕੁਨੈਕਸ਼ਨ ਦੀ ਜਾਂਚ ਕਰਵਾਉਣ ਨੂੰ ਲੈ ਕੇ ਪੰਜਾਬ ਵਿੱਚ ਨਵਾਂ ਸਿਆਸੀ ਘਮਸਾਣ ਛਿੜ ਗਿਆ ਹੈ। ਕੈਪਟਨ ਅਤੇ ਡਿਪਟੀ ਸੀਐੱਮ ਖੁੱਲ੍ਹ ਕੇ ਆਹਮੋ-ਸਾਹਮਣੇ ਆ ਗਏ ਹਨ। ਰੰਧਾਵਾ ਵੱਲੋਂ ਅਰੂਸਾ ਦੀ ਜਾਂਚ ਦੀ ਗੱਲ ਕਹਿਣ ‘ਤੇ ਕੈਪਟਨ ਭੜਕ ਉਠੇ ਅਤੇ ਇੱਕ ਤੋਂ ਬਾਅਦ ਇੱਕ 3 ਟਵੀਟ ਕਰਕੇ ਰੰਧਾਵਾ ‘ਤੇ ਜ਼ੋਰਦਾਰ ਹਮਲਾ ਬੋਲਿਆ।
ਆਪਣੇ ਪਹਿਲੇ ਟਵੀਟ ਵਿੱਚ ਕੈਪਟਨ ਨੇ ਲਿਖਿਆ, “ਤਾਂ ਹੁਣ ਤੁਸੀਂ ਨਿੱਜੀ ਹਮਲਿਆਂ ‘ਤੇ ਉਤਰ ਆਏ ਹੋ। ਅਹੁਦਾ ਸੰਭਾਲਣ ਤੋਂ ਇੱਕ ਮਹੀਨੇ ਬਾਅਦ ਤੁਹਾਡੇ ਕੋਲ ਲੋਕਾਂ ਨੂੰ ਵਿਖਾਉਣ ਲਈ ਇਹੀ ਕੁਝ ਹੈ। ਬਰਗਾੜੀ ਅਤੇ ਨਸ਼ਿਆਂ ਦੇ ਕੇਸਾਂ ਵਿੱਚ ਕੀਤੇ ਤੁਹਾਡੇ ਲੰਮੇ-ਲੰਮੇ ਵਾਅਦਿਆਂ ਦਾ ਕੀ ਹੋਇਆ? ਪੰਜਾਬ ਅਜੇ ਵੀ ਤੁਹਾਡੇ ਵਾਅਦੇ ਮੁਤਾਬਕ ਕਾਰਵਾਈ ਦਾ ਇੰਤਜ਼ਾਰ ਕਰ ਰਿਹਾ ਹੈ।”
‘So now you’re resorting to personal attacks @Sukhjinder_INC. One month after taking over this is all you have to show to the people. What happened to your tall promises on Bargari & drugs cases? Punjab is still waiting for your promised action.’: @capt_amarinder 1/3 pic.twitter.com/H5mwSRQb0W
— Raveen Thukral (@RT_Media_Capt) October 22, 2021
ਮੰਤਰੀ ਰਹਿੰਦਿਆਂ ਤਾਂ ਕੋਈ ਸ਼ਿਕਾਇਤ ਨਹੀਂ ਕੀਤੀ- ਕੈਪਟਨ
ਅਮਰਿੰਦਰ ਸਿੰਘ ਨੇ ਰੰਧਾਵਾ ਨੂੰ ਕਿਹਾ, “ਤੁਸੀਂ ਮੇਰੀ ਕੈਬਨਿਟ ਵਿੱਚ ਮੰਤਰੀ ਸੀ। ਕਦੇ ਤੁਹਾਡੇ ਤੋਂ ਅਰੂਸਾ ਆਲਮ ਬਾਰੇ ਕੋਈ ਸ਼ਿਕਾਇਤ ਨਹੀਂ ਸੁਣੀ। ਉਹ(ਅਰੂਸਾ) ਪਿਛਲੇ 16 ਸਾਲਾਂ ਤੋਂ ਭਾਰਤ ਸਰਕਾਰ ਦੀ ਕਲੀਅਰੈਂਸ ਨਾਲ ਇਥੇ ਆ ਰਹੇ ਹਨ। ਕੀ ਤੁਸੀਂ NDA ਅਤੇ ਕਾਂਗਰਸ ਦੀ ਅਗਵਾਈ ਵਾਲੀ UPA ਸਰਕਾਰ ‘ਤੇ ਇਹ ਇਲਜ਼ਾਮ ਲਗਾ ਰਹੇ ਹੋ ਕਿ ਦੋਵੇਂ ਸਰਕਾਰਾਂ ਪਾਕਿਸਤਾਨੀ ਏਜੰਸੀ ISI ਨਾਲ ਮਿਲੀਆਂ ਹੋਈਆਂ ਸਨ।”
‘You were a minister in my cabinet @Sukhjinder_INC. Never heard you complain about Aroosa Alam. And she’d been coming for 16 years with due GoI clearances. Or are you alleging that both NDA and @INCIndia led UPA govts in this period connived with Pak ISI?’: @capt_amarinder 2/3
— Raveen Thukral (@RT_Media_Capt) October 22, 2021
‘ਗਲਤ ਵਕਤ ‘ਤੇ DGP ਨੂੰ ਅਧਾਰਹੀਣ ਜਾਂਚ ‘ਚ ਲਾਇਆ’
ਸੀਐੱਮ ਕੈਪਟਨ ਅਮਰਿੰਦਰ ਸਿੰਘ ਨੇ ਤਿਓਹਾਰੀ ਸੀਜ਼ਨ ਦਾ ਜ਼ਿਕਰ ਕਰਦਿਆਂ ਕਿਹਾ ਕਿ ਰੰਧਾਵਾ ਨੇ ਇਸ ਸਮੇਂ ਸੂਬੇ ਦੀ ਕਾਨੂੰਨ-ਵਿਵਸਥਾ ‘ਤੇ ਧਿਆਨ ਦੇਣ ਦੀ ਬਜਾਏ ਡਿਪਟੀ ਸੀਐੱਮ ਨੇ DGP ਨੂੰ ਅਜਿਹੀ ਅਧਾਰਹੀਣ ਜਾਂਚ ਵਿੱਚ ਲਗਾ ਦਿੱਤਾ। ਉਹਨਾਂ ਕਿਹਾ, “ਮੈਨੂੰ ਚਿੰਤਾ ਇਸ ਗੱਲ ਦੀ ਹੈ ਕਿ ਪੰਜਾਬ ‘ਤੇ ਬਹੁਤ ਵੱਡਾ ਦਹਿਸ਼ਤਗਰਦੀ ਖ਼ਤਰਾ ਮੰਡਰਾ ਰਿਹਾ ਹੈ ਅਤੇ ਤਿਓਹਾਰਾਂ ਦਾ ਸੀਜ਼ਨ ਵੀ ਜ਼ੋਰਾਂ ‘ਤੇ ਹੈ, ਅਜਿਹੇ ਵਿੱਚ ਕਾਨੂੰਨ-ਵਿਵਸਥਾ ਨੂੰ ਬਣਾਏ ਰੱਖਣ ‘ਤੇ ਧਿਆਨ ਦੇਣ ਦੀ ਬਜਾਏ ਤੁਸੀਂ ਪੰਜਾਬ ਦੀ ਸੁਰੱਖਿਆ ਨੂੰ ਤਾਕ ‘ਤੇ ਰਖਦੇ ਹੋਏ DGP ਨੂੰ ਅਧਾਰਹੀਣ ਜਾਂਚ ਵਿੱਚ ਲਗਾ ਦਿੱਤਾ।”
‘What I’m worried about @Sukhjinder_INC is that instead of focusing on maintaining law & order at a time when terror threat is high and festivals are around the corner, you’ve put @DGPPunjabPolice on a baseless investigation at the cost of Punjab’s safety’: @capt_amarinder 3/3
— Raveen Thukral (@RT_Media_Capt) October 22, 2021
ਦਰਅਸਲ, ਡਿਪਟੀ ਸੀਐੱਮ ਸੁਖਜਿੰਦਰ ਰੰਧਾਵਾ ਨੇ ਕਿਹਾ ਕਿ ਅਰੂਸਾ ਦੇ ਬਾਰੇ ਕਈ ਗੱਲਾਂ ਸਾਹਮਣੇ ਆਈਆਂ ਹਨ, ਜਿਹਨਾਂ ਦੀ ਜਾਂਚ ਜ਼ਰੂਰੀ ਹੈ। ਉਹਨਾਂ ਨੇ ਇਸ ਸਿਲਸਿਲੇ ਵਿੱਚ DGP ਨੂੰ ਆਦੇਸ਼ ਵੀ ਦੇ ਦਿੱਤੇ ਹਨ।
