ਬਿਓਰੋ। ਪੰਜਾਬ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਵੱਡੀ ਸਾਜ਼ਿਸ਼ ਨਾਕਾਮ ਹੋਈ ਹੈ। ਪੰਜਾਬ ਪੁਲਿਸ ਨੇ 2.5 ਕਿੱਲੋ RDX ਬਰਾਮਦ ਕੀਤਾ ਹੈ। ਦਰਅਸਲ, ਪੰਜਾਬ ਪੁਲਿਸ ਨੇ ਕੁਝ ਦਿਨ ਪਹਿਲਾਂ ਇੰਟਰਨੈਸ਼ਨਲ ਸਿੱਖ ਯੂਥ ਫੈਡਰੇਸ਼ਨ (ISY) ਦੇ 6 ਦਹਿਸ਼ਤਗਰਦਾਂ ਨੂੰ ਗ੍ਰਿਫ਼ਤਾਰ ਕੀਤਾ ਸੀ, ਜਿਨ੍ਹਾਂ ‘ਚੋਂ ਇੱਕ ਦਹਿਸ਼ਤਗਰਦ ਗੁਰਦਾਸਪੁਰ ਦੇ ਲਖਨਪਾਲ ਪਿੰਡ ਦੇ ਅਮਨਦੀਪ ਤੋਂ ਪੁੱਛਗਿੱਛ ਦੇ ਬਾਅਦ ਇਹ ਵਿਸਫੋਟਕ ਮਿਲਿਆ ਹੈ। ਇਹ ਓਹੀ ਅੱਤਵਾਦੀ ਜਥੇਬੰਦੀ ਹੈ, ਜਿਸਨੇ ਪਠਾਨਕੋਟ ਵਿੱਚ ਆਰਮੀ ਕੈਂਟ ਦੇ ਗੇਟ ‘ਤੇ ਗ੍ਰਨੇਡ ਅਟੈਕ ਕੀਤਾ ਸੀ।
RDX ਦੇ ਨਾਲ ਪੁਲਿਸ ਨੇ ਇੱਕ ਡੇਟੋਨੇਟਰ, ਕੋਡੇਕਸ ਵਾਇਰ, 5 ਐਕਸਪਲੋਜ਼ਿਵ ਫਿਊਜ਼ਨ, ਤਾਰ ਅਤੇ AK-47 ਦੇ 12 ਜ਼ਿੰਦਾ ਕਾਰਤੂਸ ਵੀ ਬਰਾਮਦ ਕੀਤੇ ਹਨ। ਜਾਣਕਾਰੀ ਮੁਤਾਬਕ, ਇਹ ਵਿਸਫੋਟਕ ਪਾਕਿਸਤਾਨ ਵਿੱਚ ਬੈਠੇ ਇੰਟਰਨੈਸ਼ਨਲ ਸਿੱਖ ਯੂਥ ਫੈਡਰੇਸ਼ਨ ਦੇ ਦਹਿਸ਼ਤਗਰਦ ਲਖਬੀਰ ਰੋਡੇ ਨੇ ਸਪਲਾਈ ਕੀਤਾ ਸੀ।
RDX ਜ਼ਰੀਏ ਅਸੈਂਬਲ ਕਰਨੀ ਸੀ IED
SBS ਨਗਰ ਦੀ SSP ਕੰਵਰਦੀਪ ਕੌਰ ਦੇ ਮੁਤਾਬਕ, ਅਮਨਦੀਪ ਤੋਂ ਹੋਈ ਪੁੱਛਗਿੱਛ ਤੋਂ ਬਾਅਦ ਤੁਰੰਤ ਗੁਰਦਾਸਪੁਰ ਜ਼ਿਲ੍ਹੇ ਵਿੱਚ ਪੁਲਿਸ ਟੀਮਾਂ ਭੇਜ ਕੇ ਵਿਸਫੋਟਕ ਬਰਾਮਦ ਕੀਤਾ ਗਿਆ। ਅਮਨਦੀਪ ਨੇ ਪੁਲਿਸ ਨੂੰ ਦੱਸਿਆ ਕਿ ਇਸ ਵਿਸਫੋਟਕ ਦੇ ਜ਼ਰੀਏ IEDs ਨੂੰ ਅਸੈਂਬਲ ਕੀਤਾ ਜਾਣਾ ਸੀ।
ਡਰੋਨ ਜ਼ਰੀਏ ਆ ਰਿਹਾ ਵਿਸਫੋਟਕ
ਪੁਲਿਸ ਮੁਤਾਬਕ, ਜੂਨ-ਜੁਲਾਈ 2021 ਵਿੱਚ ਪਤਾ ਲੱਗਿਆ ਸੀ ਕਿ ਪਾਕਿਸਤਾਨ ਵਿੱਚ ਬੈਠਿਆ ਲਖਬੀਰ ਰੋਡੇ ਪੰਜਾਬ ਅਤੇ ਬਾਹਰੀ ਦੇਸ਼ਾਂ ਵਿੱਚ ਆਪਣੇ ਟੈਰਰ ਮੋਡਿਊਲ ਤੇ ਜ਼ਰੀਏ ਸਿਲਸਿਲੇਵਾਰ ਦਹਿਸ਼ਤਗਰਦੀ ਵਾਰਦਾਤਾਂ ਨੂੰ ਅੰਜਾਮ ਦੇਣ ਦੀ ਕੋਸ਼ਿਸ਼ ਵਿੱਚ ਹੈ। ਉਸਨੇ RDX, ਟਿਫਿਨ ਬੰਬ ਸਮੇਤ ਭਾਰੀ ਮਾਤਰਾ ਵਿੱਚ ਵਿਸਫੋਟਕ ਸਰਹੱਦ ਪਾਰ ਤੋਂ ਭਾਰਤ ਵਿੱਚ ਪਹੁੰਚਾਇਆ ਹੈ। ਇਸਦੇ ਲਈ ਖਾਸ ਤੌਰ ‘ਤੇ ਡਰੋਨ ਦਾ ਇਸਤੇਮਾਲ ਕੀਤਾ ਗਿਆ ਹੈ ਅਤੇ ਕ੍ਰਾਸ ਬਾਰਡਰ ਦੇ ਸਮੱਗਲਿੰਗ ਨੈੱਟਵਰਕ ਦਾ ਵੀ ਇਸਤਮਾਲ ਕੀਤਾ ਜਾ ਰਿਹਾ ਸੀ।
