ਬਿਓਰੋ। ਕਰੀਬ 4 ਸਾਲਾਂ ਤੱਕ ਪੰਜਾਬ ਕਾਂਗਰਸ ਦੀ ਕਮਾਨ ਸੰਭਾਲਣ ਵਾਲੇ ਸੁਨੀਲ ਜਾਖੜ ਹੁਣ ਆਪਣੀ ਪਾਰਟੀ ਦੇ ਖਿਲਾਫ਼ ਬਗਾਵਤ ਦੀ ਰਾਹ ‘ਤੇ ਚੱਲਦੇ ਨਜ਼ਰ ਆ ਰਹੇ ਹਨ। ਜਾਖੜ ਇੱਕ ਤੋਂ ਬਾਅਦ ਇੱਕ ਲਗਾਤਾਰ ਚੰਨੀ ਅਤੇ ਸਿੱਧੂ ‘ਤੇ ਹਮਲੇ ਬੋਲ ਰਹੇ ਹਨ। ਇਸ ਵਾਰ ਉਹਨਾਂ ਨੇ AG ਨੂੰ ਬਦਲੇ ਜਾਣ ਦੇ ਬਹਾਨੇ ਮੁੱਖ ਮੰਤਰੀ ‘ਤੇ ਵੱਡਾ ਹਮਲਾ ਬੋਲਿਆ ਹੈ। ਜਾਖੜ ਨੇ ਚੰਨੀ ਨੂੰ Compromised CM ਤੱਕ ਦੱਸ ਦਿੱਤਾ।
ਜਾਖੜ ਨੇ ਟਵੀਟ ਕਰਕੇ ਕਿਹਾ, “ਕਥਿਤ ਕੰਪ੍ਰੋਮਾਈਜ਼ਡ ਅਫ਼ਸਰ ਨੂੰ ਹਟਾਏ ਜਾਣ ਤੋਂ ਬਾਅਦ ਅਸਲੀ ਕੰਪ੍ਰੋਮਾਈਜ਼ਡ ਸੀਐੱਮ ਦਾ ਚਿਹਰਾ ਬੇਨਕਾਬ ਹੋ ਗਿਆ।” ਜਾਖੜ ਨੇ ਸਿੱਧੇ ਪੁੱਛਿਆ ਕਿ ਪੰਜਾਬ ਵਿੱਚ ਕਿਸਦੀ ਸਰਕਾਰ ਚੱਲ ਰਹੀ ਹੈ। ਜਾਖੜ ਦੇ ਇਸ ਹਮਲੇ ਨੂੰ ਸਿੱਧੇ ਤੌਰ ‘ਤੇ ਸਿੱਧੂ ਅਤੇ ਚੰਨੀ ਨਾਲ ਜੋੜ ਕੇ ਵੇਖਿਆ ਜਾ ਰਿਹਾ ਹੈ।
The ouster of a competent yet 'allegedly' compromised officer has exposed a 'really' compromised CM.
Giving rise to a pertinent question-
Whose government is it Anyway ?
(*Apologies to BBC's radio drama – Whose line is it Anyway)
— Sunil Jakhar (@sunilkjakhar) November 10, 2021
ਚੰਨੀ-ਸਿੱਧੂ ਨੂੰ ਸਿਆਸੀ ਤੀਰਥ ਯਾਤਰੀ ਵੀ ਦੱਸਿਆ ਸੀ
ਅਜਿਹਾ ਪਹਿਲੀ ਵਾਰ ਨਹੀਂ ਹੈ ਜਦੋਂ ਜਾਖੜ ਨੇ ਸਿੱਧੂ-ਚੰਨੀ ਦੀ ਜੋੜੀ ‘ਤੇ ਕਮੈਂਟ ਕੀਤਾ ਹੋਵੇ। ਹਾਲ ਹੀ ਵਿੱਚ ਜਦੋਂ ਸਿੱਧੂ ਅਤੇ ਚੰਨੀ ਕੇਦਾਰਨਾਥ ਗਏ ਸਨ, ਤਾਂ ਜਾਖੜ ਨੇ ਉਹਨਾਂ ਨੂੰ ਸਿਆਸੀ ਤੀਰਥ ਯਾਤਰੀ ਦੱਸ ਦਿੱਤਾ ਸੀ ਅਤੇ ਤੰਜ ਕਸਦੇ ਹੋਏ ਕਿਹਾ ਸੀ ਕਿ ਕੌਣ ਕਿਸ ਨੂੰ ਮਨਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ।
'Political' Pilgrims
But each one trying to appease a different Deity .
ਮੈਂ ਤਾਂ ਪੀਰ ਮਨਾਵਨ ਚੱਲੀ ਆਂ!
ਸਵਾਲ ਇਹ ਹੈ : ਕਿਹੜਾ ਪੀਰ pic.twitter.com/72J60U6byI
— Sunil Jakhar (@sunilkjakhar) November 2, 2021
BSF ਦੇ ਮੁੱਦੇ ‘ਤੇ ਵੀ ਚੰਨੀ ਨੂੰ ਘੇਰਿਆ
ਕੇਂਦਰ ਸਰਕਾਰ ਵੱਲੋਂ ਜਦੋਂ ਪੰਜਾਬ ਵਿੱਚ BSF ਦਾ ਦਾਇਰਾ ਵਧਾਇਆ ਗਿਆ, ਤਾਂ ਸੁਨੀਲ ਜਾਖੜ ਨੇ ਇਸ ਨੂੰ ਚੰਨੀ ਦੀ ਨਕਾਮੀ ਦੱਸਿਆ ਸੀ। ਉਹਨਾਂ ਨੇ ਕਿਹਾ ਸੀ ਕਿ…ਕੀ ਅਣਜਾਨੇ ਵਿੱਚ ਸੀਐੱਮ ਚੰਨੀ ਨੇ ਅੱਧਾ ਪੰਜਾਬ ਕੇਂਦਰ ਨੂੰ ਸੌਂਪ ਦਿੱਤਾ? ਜਾਖੜ ਨੇ ਅਮਿਤ ਸ਼ਾਹ ਨਾਲ ਹੋਈ ਚੰਨੀ ਨੂੰ ਮੁਲਾਕਾਤ ਨੂੰ ਲੈ ਕੇ ਵੀ ਉਹਨਾਂ ‘ਤੇ ਹਮਲਾ ਬੋਲਿਆ ਸੀ।
Be careful what you ask for ! Has @CHARANJITCHANNI unwittingly managed to handover half of Punjab to Central govt. 25000sq km (out of total 50,000sq km) has now been placed under BSF jurisdiction. Punjab Police stands castigated. Do we still want more autonomy to States ? https://t.co/JlGB7G0Pnj
— Sunil Jakhar (@sunilkjakhar) October 13, 2021
ਇੰਦਰਾ ਦੀ ਬਰਸੀ ‘ਤੇ ਵੀ ਵਿਖੇ ਹਮਲਾਵਰ
31 ਅਕਤੂਬਰ ਨੂੰ ਇੰਦਰਾ ਗਾਂਧੀ ਦੀ ਬਰਸੀ ਦੇ ਮੌਕੇ ਪੰਜਾਬ ਸਰਕਾਰ ਨੇ ਅਖਬਾਰਾਂ ਵਿੱਚ ਕੋਈ ਇਸ਼ਤਿਹਾਰ ਜਾਰੀ ਨਹੀਂ ਕੀਤੇ। ਇਥੋਂ ਤੱਕ ਕਿ ਸੀਐੱਮ ਚੰਨੀ ਅਤੇ ਸਿੱਧੂ ਨੇ ਸੋਸ਼ਲ ਮੀਡੀਆ ‘ਤੇ ਵੀ ਇੰਦਰਾ ਗਾਂਧੀ ਨੂੰ ਯਾਦ ਨਹੀਂ ਕੀਤਾ। ਜਾਖੜ ਨੇ ਇਸ ਨੂੰ ਲੈ ਕੇ ਸਿੱਧੇ ਹਮਲਾ ਬੋਲਿਆ ਅਤੇ ਤੰਜ ਕਸਦੇ ਹੋਏ ਪੁੱਛਿਆ ਸੀ, “ਕੀ ਪੰਜਾਬ ‘ਚ ਕਾਂਗਰਸ ਦੀ ਸਰਕਾਰ ਨਹੀਂ ਚੱਲ ਰਹੀ?” ਜਾਖੜ ਨੇ ਆਪਣੇ ਇਸ ਟਵੀਟ ਵਿੱਚ ਸਾਬਕਾ ਸੀਐੱਮ ਕੈਪਟਨ ਅਮਰਿੰਦਰ ਸਿੰਘ ਵੱਲੋਂ ਪਿਛਲੇ ਸਾਲ ਇੰਦਰਾ ਗਾਂਧੀ ਦੀ ਜਯੰਤੀ ਮੌਕੇ ਜਾਰੀ ਕੀਤੇ ਗਏ ਇੱਕ ਇਸ਼ਤਿਹਾਰ ਦੀ ਤਸਵੀਰ ਸ਼ੇਅਰ ਕਰਕੇ ਚੰਨੀ ਅਤੇ ਸਿੱਧੂ ‘ਤੇ ਤੰਜ ਕਸਿਆ ਸੀ।
I can understand BJP trying to erase 'Iron Lady of India' from history but don’t we still have a Congress Government in Punjab.
PS. I know Capt Saab won’t mind my using this PB Govt’s ad from last year, as none appeared today pic.twitter.com/yJSMIYQuPg
— Sunil Jakhar (@sunilkjakhar) October 31, 2021
…ਤਾਂ ਕੀ ਕੇਜਰੀਵਾਲ ਦੇ ਕਰੀਬ ਆ ਰਹੇ ਜਾਖੜ?
ਪਿਛਲੇ ਦਿਨੀਂ ਜਦੋਂ ਕੇਜਰੀਵਾਲ ਪੰਜਾਬ ਦੌਰੇ ‘ਤੇ ਆਏ ਸਨ, ਤਾਂ ਚੰਨੀ ਦਿੱਲੀ ਦੌਰੇ ‘ਤੇ ਸਨ। ਉਸ ਵੇਲੇ ਜਾਖੜ ਨੇ ਟਵੀਟ ਕਰਕੇ ਕਿਹਾ ਸੀ ਕਿ ਕਿਸੇ ਇੱਕ ਸੀਐੱਮ ਦੇ ਦੌਰੇ ਦੀ ਟਾਈਮਿੰਗ ਤਾਂ ਠੀਕ ਹੈ। ਮੰਨਿਆ ਗਿਆ ਕਿ ਜਾਖੜ ਦਾ ਨਿਸ਼ਾਨਾ ਚੰਨੀ ਵੱਲ ਸੀ। ਇਸ ਗੱਲ ਉਸ ਵੇਲੇ ਹੋਰ ਵੀ ਪੁਖਤਾ ਹੋ ਗਈ, ਜਦੋਂ ਜਾਖੜ ਦੇ ਟਵੀਟ ਨੂੰ ਰਿਟਵੀਟ ਕਰਦੇ ਹੋਏ ਕੇਜਰੀਵਾਲ ਨੇ ਇਸ ‘ਤੇ ਸਮਾਇਲੀ ਨਾਲ ਰਿਪਲਾਈ ਕੀਤਾ ਸੀ।
Punjab CM in Delhi ,
Delhi CM in Punjab ,
yet again !Must say, at least one of them has got his timing right.
— Sunil Jakhar (@sunilkjakhar) October 28, 2021
ਜਾਖੜ ਨੂੰ ਹਟਾ ਕੇ ਸਿੱਧੂ ਨੂੰ ਬਣਾਇਆ ਸੀ ਪ੍ਰਧਾਨ
ਦੱਸ ਦਈਏ ਕਿ ਪੰਜਾਬ ਵਿੱਚ ਸੁਨੀਲ ਜਾਖੜ ਨੂੰ ਹਟਾ ਕੇ ਹੀ ਸਿੱਧੂ ਨੂੰ ਕਾਂਗਰਸ ਪ੍ਰਧਾਨ ਬਣਾਇਆ ਗਿਆ ਸੀ। ਉਸ ਵੇਲੇ ਜਾਖੜ ਨੂੰ ਲੈ ਕੇ ਕੋਈ ਵਿਰੋਧ ਨਹੀਂ ਸੀ। ਇਸ ਤੋਂ ਬਾਅਦ ਕਾਂਗਰਸ ਹਾਈਕਮਾਂਡ ਜਾਖੜ ਨੂੰ ਪੰਜਾਬ ਦਾ ਪਹਿਲਾ ਹਿੰਦੂ ਸੀਐੱਮ ਬਣਾਉਣਾ ਚਾਹੁੰਦੀ ਸੀ, ਪਰ ਅੰਦਰੂਨੀ ਵਿਰੋਧ ਦੇ ਚਲਦੇ ਉਸ ‘ਤੇ ਵੀ ਗੱਲ ਨਹੀਂ ਬਣੀ। ਅਜਿਹੇ ਵਿੱਚ ਨਰਾਜ਼ਗੀ ਵਧਦੀ ਗਈ ਅਤੇ ਇਹਨੀਂ ਦਿਨੀਂ ਜਾਖੜ ਪੂਰੀ ਤਰ੍ਹਾਂ ਨਾਲ ਪਾਰਟੀ ਦੇ ਪ੍ਰੋਗਰਾਮਾਂ ਤੋਂ ਦੂਰ ਹਨ। ਨਾਲ ਹੀ ਪੂਰੀ ਬੇਬਾਕੀ ਨਾਲ ਸੋਸ਼ਲ ਮੀਡੀਆ ‘ਤੇ ਆਪਣੀ ਹੀ ਸਰਕਾਰ ‘ਤੇ ਹਮਲੇ ਬੋਲ ਰਹੇ ਹਨ।
