ਚੰਡੀਗੜ੍ਹ। ਪੰਜਾਬ ਦੀ ਸਿਆਸਤ ਅੱਜਕੱਲ੍ਹ ਸਾਬਕਾ ਸੀਐਮ ਕੈਪਟਨ ਅਮਰਿੰਦਰ ਸਿੰਘ ਦੀ ਮਹਿਲਾ ਦੋਸਤ ਅਤੇ ਪਾਕਿਸਤਾਨੀ ਪੱਤਰਕਾਰ ਅਰੂਸਾ ਆਲਮ ਦੇ ਆਲੇ-ਦੁਆਲੇ ਘੁੰਮ ਰਹੀ ਹੈ। ਅਰੂਸਾ ਆਲਮ ਦੇ ਕਥਿਤ ISI ਕੁਨੈਕਸ਼ਨ ਦੇ ਇਲਜ਼ਾਮਾਂ ਨੂੰ ਲੈ ਕੇ ਜਾਰੀ ਸਿਆਸਤ ਵਿਚਾਲੇ ਹੁਣ ਖੁਦ ਅਰੂਸਾ ਦੀ ਪ੍ਰਤੀਕਿਰਿਆ ਸਾਹਮਣੇ ਆਈ ਹੈ। ਅਰੂਸਾ ਨੇ ਕਿਹਾ ਕਿ ਉਹ ਇਸ ਗੱਲ ਤੋਂ ਬੇਹੱਦ ਪਰੇਸ਼ਾਨ ਹਨ ਕਿ ਪੰਜਾਬ ਦੀ ਸਿਆਸਤ ਵਿੱਚ ਚੱਲ ਰਹੀ ਖਿੱਚੋਤਾਣ ਵਿਚਾਲੇ ਉਹਨਾਂ ਨੂੰ ਬਦਨਾਮ ਕੀਤਾ ਜਾ ਰਿਹਾ ਹੈ। ਇਸ ਲਈ ਹੁਣ ਉਹ ਕਦੇ ਵੀ ਭਾਰਤ ਨਹੀਂ ਆਉਣਾ ਚਾਹੁਣਗੇ।
ਅੰਗ੍ਰੇਜ਼ੀ ਅਖਬਾਰ ਇੰਡੀਅਨ ਐਕਸਪ੍ਰੈੱਸ ਨੂੰ ਦਿੱਤੇ ਇੰਟਰਵਿਊ ਵਿੱਚ ਅਰੂਸਾ ਨੇ ਕਿਹਾ, “ਮੈਂ ਬਹੁਤ ਉਦਾਸ ਹਾਂ, ਨਿਰਾਸ਼ ਹਾਂ। ਮੈਂ ਪਿਛਲੇ 16 ਸਾਲਾਂ ਤੋਂ ਭਾਰਤ ਆ ਰਹੀ ਹਾਂ, ਹਰ ਸਾਲ ਮੈਨੂੰ ਪੂਰੀ ਕਲੀਅਰੈਂਸ ਤੋਂ ਬਾਅਦ ਇੱਕ ਸਾਲ ਦਾ ਵੀਜ਼ਾ ਦਿੱਤਾ ਜਾਂਦਾ ਸੀ। ਕੀ ਉਹਨਾਂ ਨੂੰ ਲਗਦਾ ਹੈ ਕਿ RAW ਵੀ ISI ਦੀ ਕਠਪੁਤਲੀ ਹੈ? ਤੁਹਾਡੀ IB, ਕੇਂਦਰੀ ਸੁਰੱਖਿਆ ਏਜੰਸੀਆਂ, NDA ਤੇ UPA ਦੀਆਂ ਸਰਕਾਰਾਂ- ਕੀ ਸਾਰੇ ISI ਤੋਂ ਤਨਖਾਹ ਲੈਂਦੇ ਹਨ ਕਿ ਮੈਨੂੰ ਵੀਜ਼ਾ ਦਿੰਦੇ ਰਹੇ। ਇਹ ਬੇਹੁਦਾ ਹੈ।”
ਅਰੂਸਾ ਨੇ ਪੁੱਛਿਆ, “ਪੰਜਾਬ ਦੇ ਡਿਪਟੀ ਸੀਐੱਮ ਅਤੇ ਗ੍ਰਹਿ ਮੰਤਰੀ ਸੁਖਜਿੰਦਰ ਰੰਧਾਵਾ, ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਨਵਜੋਤ ਸਿੱਧੂ ਅਤੇ ਉਹਨਾਂ ਦੀ ਪਤਨੀ ਨਵਜੋਤ ਕੌਰ ਸਿੱਧੂ ਕੀ ਦਿਵਾਲੀਆ ਹੋ ਚੁੱਕੇ ਹਨ, ਜੋ ਇਸ ਤਰ੍ਹਾਂ ਦੀ ਘਟੀਆ ਸਿਆਸਤ ‘ਤੇ ਉਤਰ ਆਏ ਹਨ। ਪੰਜਾਬ ਦੇ ਗ੍ਰਹਿ ਮੰਤਰੀ ਰੰਧਾਵਾ ਦੇ ਬਿਆਨ ਬੇਹੁਦਾ ਅਤੇ ਛੋਟੀ ਸੋਚ ਵਾਲੇ ਹਨ।”
ਕੈਪਟਨ ਨਾਲ ਮੇਰੀ ਦੋਸਤੀ ਪਵਿੱਤਰ ਹੈ- ਅਰੂਸਾ
ਕੈਪਟਨ ਅਮਰਿੰਦਰ ਸਿੰਘ ਨਾਲ ਰਿਸ਼ਤਿਆਂ ‘ਤੇ ਵੀ ਅਰੂਸਾ ਆਲਮ ਨੇ ਖੁੱਲ੍ਹ ਕੇੇ ਗੱਲ ਕੀਤੀ। ਉਹਨਾਂ ਕਿਹਾ, “2006 ਵਿੱਚ ਜਦੋਂ ਅਸੀਂ ਮਿਲੇ ਸੀ, ਤਾਂ ਮੇਰੀ ਉਮਰ 50 ਤੋਂ ਵੱਧ ਤੇ ਉਹਨਾਂ ਦੀ 60 ਤੋਂ ਵੱਧ ਸੀ। ਇਸ ਲਈ ਜੇਕਰ ਤੁਸੀਂ ਇਸ ਨੂੰ ਪ੍ਰੇਮ ਸਬੰਧ ਕਹੋਗੇ ਜਾਂ ਇਸ ਨੂੰ romantic angle ਦੇਣ ਦੀ ਕੋਸ਼ਿਸ਼ ਕਰੋਗੇ, ਤਾਂ ਇਹ ਬਹੁਤ ਗਲਤ ਹੈ।” ਉਹਨਾਂ ਕਿਹਾ, “ਮੈਂ ਬਹੁਤ ਖੁਸ਼ਕਿਸਮਤ ਹਾਂ ਕਿ ਕੈਪਟਨ ਨੇ ਇਸ ਪੂਰੀ ਦੁਨੀਆ ਵਿੱਚ ਮੈਨੂੰ ਬਤੌਰ ਦੋਸਤ ਚੁਣਿਆ। ਸਾਡੀ ਦੋਸਤੀ ਪਵਿੱਤਰ ਤੇ ਸੋਹਣੀ ਹੈ। ਸਾਡਾ IQ ਲੈਵਲ ਇੱਕੋ-ਜਿਹਾ ਹੈ। ਮੈਨੂੰ ਉਹਨਾਂ ਦੀ ਬਾਗਬਾਨੀ ਅਤੇ ਕੁਕਿੰਗ ਬੇਹੱਦ ਪਸੰਦ ਹੈ, ਉਸੇ ਤਰ੍ਹਾਂ ਉਹਨਾਂ ਨੂੰ ਮੇਰੀਆਂ ਲਿਖਤਾਂ ਪਸੰਦ ਹਨ।”
ਕੈਪਟਨ ਵਰਗਾ GENTLEMAN ਕੋਈ ਨਹੀਂ- ਅਰੂਸਾ
ਇਸ ਦੌਰਾਨ ਅਰੂਸਾ ਆਲਮ ਨੇ ਇਹ ਵੀ ਖੁਲਾਸਾ ਕੀਤਾ ਕਿ ਜਦੋਂ ਉਹਨਾਂਂ ਦਾ ਨਾਂਅ ਪੰਜਾਬ ਦੇ ਸਾਬਕਾ ਸੀਐੱਮ ਨਾਲ ਜੋੜਿਆ ਜਾ ਰਿਹਾ ਸੀ, ਤਾਂ ਉਹਨਾਂ ਨੇ ਖੁਦ ਭਾਰਤ ਦੀਆਂ ਅਹਿਮ ਸ਼ਖਸੀਅਤਾਂ ਨਾਲ ਆਪਣੀਆਂ ਤਸਵੀਰਾਂ ਕੈਪਟਨ ਅਮਰਿੰਦਰ ਸਿੰਘ ਨੂੰ ਭੇਜੀਆਂ। ਉਹਨਾਂ ਕਿਹਾ ਕਿ ਕੈਪਟਨ ਵਰਗਾ ਜੈਂਟਲਮੈਨ ਪੰਜਾਬ ਦੀ ਸਿਆਸਤ ਵਿੱਚ ਕੋਈ ਨਹੀਂ ਹੈ।
ਨਵਜੋਤ ਕੌਰ ਨੂੰ ਅੰਮ੍ਰਿਤਸਰ ਰੇਲ ਹਾਦਸੇ ‘ਤੇ ਘੇਰਿਆ
ਨਵਜੋਤ ਕੌਰ ਸਿੱਧੂ ਵੱਲੋਂ ਅਰੂਸਾ ਆਲਮ ਬਾਰੇ ਕੀਤੀਆਂ ਗਈਆਂ ਟਿੱਪਣੀਆਂ ‘ਤੇ ਬੋਲਦਿਆਂ ਉਹਨਾਂ ਕਿਹਾ, “ਜਿਸਦੇ ਹੱਥ 60 ਬੇਕਸੂਰ ਲੋਕਾਂ ਦੇ ਖੂਨ ਨਾਲ ਰੰਗੇ ਹੋਣ, ਉਹਨਾਂ ਨੂੰ ਕਿਸੇ ਵੀ ਦੂਜੇ ਤਰਕਹੀਣ ਇਲਜ਼ਾਮਾਂ ‘ਤੇ ਬੋਲਣ ਦਾ ਕੋਈ ਹੱਕ ਨਹੀਂ।” ਨਵਜੋਤ ਕੌਰ ਦੇ ‘ਉਹ ਭੱਜ ਗਈ’ ਵਾਲੇ ਬਿਆਨ ‘ਤੇ ਅਰੂਸਾ ਨੇ ਕਿਹਾ, “ਮੈਂ ਭੱਜੀ ਨਹੀਂ। ਮੇਰਾ ਵੀਜ਼ਾ ਐਕਸਪਾਇਰ ਹੋਣ ਤੋਂ ਬਾਅਦ ਮੈਂ ਪਾਕਿਸਤਾਨ ਆਈ ਅਤੇ ਇਸ ਵੇਲੇ ਇਸਲਾਮਾਬਾਦ ਵਿੱਚ ਆਪਣੇ ਘਰ ਵਿੱਚ ਹਾਂ।”
ਸਿੱਧੂ ਚੰਗੇ ਲੀਡਰ ਨਹੀਂ ਬਣ ਸਕਦੇ- ਅਰੂਸਾ
ਅਰੂਸਾ ਨੇ ਨਵਜੋਤ ਸਿੰਘ ਸਿੱਧੂ ਬਾਰੇ ਬੋਲਦਿਆਂ ਕਿਹਾ, “ਮੈਨੂੰ ਇਸ ਗੱਲ ਦਾ ਅਫਸੋਸ ਹੁੰਦਾ ਹੈ ਕਿ ਨਵਜੋਤ ਸਿੱਧੂ ਸਾਬ੍ਹ ਜੋ ਇਹ ਸੋਚਦੇ ਹਨ ਕਿ ਇੱਕ ਦਿਨ ਪੰਜਾਬ ਨੂੰ ਲੀਡ ਕਰਨਗੇ। ਉਹ ਆਪਣੇ ਪਿਤਾ ਜਾਂ ਦਾਦਾ ਦੀ ਉਮਰ ਦੇ ਕੈਪਟਨ ਅਮਰਿੰਦਰ ਸਿੰਘ ਨਾਲ ਕਿਸ ਤਰ੍ਹਾਂ ਗੱਲ ਕਰਦੇ ਹਨ, ਤੁਸੀਂ ਕਿਵੇਂ ਸੋਚ ਸਕਦੇ ਹੋ ਕਿ ਉਹ ਇੱਕ ਲੀਡਰ ਵੀ ਬਣ ਸਕਦੇ ਹਨ।” ਅਰੂਸਾ ਨੇ ਕਿਹਾ ਕਿ ਉਹ ਇੱਕ ਵਾਰ ਸਿੱਧੂ ਨੂੰ ਮਿਲੇ ਹਨ ਅਤੇ ਉਹਨਾਂ ਕੋਲ ਉਸਦੀ ਵੀ ਤਸਵੀਰ ਮੌਜੂਦ ਹੈ।
‘ਇਹਨਾਂ ਦੀ ਸਿਆਸਤ ਦੀ ਹੱਦ ਤਾਂ ਵੇਖੋ’
ਅਰੂਸਾ ਨੇ ਕਿਹਾ, “ਮੈਂ ਜ਼ਿੰਦਗੀ ਦੀ ਅਜਿਹੀ ਸਟੇਜ ‘ਤੇ ਹਾਂ, ਜਿਥੇ ਮੈਨੂੰ ਇਹਨਾਂ ਚੀਜ਼ਾਂ ਦੀ ਪਰਵਾਹ ਨਹੀਂ। ਪਰ ਉਹਨਾਂ ਦੀ ਸਿਆਸਤ ਦਾ ਲੈਵਲ ਤਾਂ ਵੇਖੋ। ਤੁਸੀਂ ਇੰਨਾ ਨੀਚੇ ਕਿਵੇਂ ਡਿੱਗ ਸਕਦੇ ਹੋ। ਤੁਸੀਂ ਸਰਕਾਰ ਵਿੱਚ ਹੋ, ਇਸ ਲਈ ਕਿਰਪਾ ਕਰਕੇ ਜਾਓ ਤੇ ਲੋਕਾਂ ਲਈ ਕੁਝ ਕੰਮ ਕਰ ਲਓ। ਮੈਨੂੰ ਇਸ ਸਭ ਦੇ ਵਿੱਚ ਕਿਉਂ ਘਸੀਟ ਰਹੇ ਹੋ?”
‘ਸੁੱਤਾ ਸ਼ੇਰ ਜਾਗ ਗਿਆ ਹੈ, ਹੁਣ ਉਹ ਬੈਠੇਗਾ ਨਹੀਂ’
ਅਰੂਸਾ ਆਲਮ ਨੇ ਕੈਪਟਨ ਅਮਰਿੰਦਰ ਸਿੰਘ ਦੀ ਨਵੀਂ ਸਿਆਸੀ ਇਨਿੰਗ ਬਾਰੇ ਵੀ ਗੱਲ ਕੀਤੀ। ਉਹਨਾਂ ਕਿਹਾ, “ਮੈਂ ਹਮੇਸ਼ਾ ਲਿਖਦੀ ਸੀ- ਸੁੱਤੇ ਹੋਏ ਸ਼ੇਰ ਨੂੰ ਨਾ ਜਗਾਓ। ਹੁਣ ਤੁਸੀਂ ਨਾ ਸਿਰਫ਼ ਸੁੱਤੇ ਹੋਏ ਸ਼ੇਰ ਨੂੰ ਜਗਾ ਦਿੱਤਾ ਹੈ, ਬਲਕਿ ਉਸਦੀ ਪੁੱਛ ਵੀ ਹਿਲਾ ਦਿੱਤੀ ਹੈ। ਹੁਣ ਉਹ ਕਦੇ ਵਾਪਸ ਬੈਠੇਗਾ ਨਹੀਂ। ਮੈਨੂੰ ਨਹੀਂ ਪਤਾ ਉਹ ਕਿੰਨੇ ਸਫਲ ਜਾਂ ਅਸਫਲ ਹੋਣਗੇ, ਪਰ ਉਹਨਾਂ ਨੇ ਇਸ ਨੂੰ ਬਤੌਰ ਚੈਲੇਂਜ ਲੈ ਲਿਆ ਹੈ।” ਉਹਨਾਂ ਕਿਹਾ ਕਿ ਕੈਪਟਨ ਕਈ ਸਾਲਾਂ ਤੱਕ ਕਂਗਰਸ ਵਿੱਚ ਰਹੇ, ਪਰ ਉਹਨਾਂ ਨੂੰ ਦੁੱਧ ਦੇ ਗਿਲਾਸ ‘ਚੋਂ ਮੱਖੀ ਵਾਂਗ ਕੱਢ ਦਿੱਤਾ ਗਿਆ। ਅਜਿਹੇ ਵਿੱਚ ਤੁਸੀਂ ਉਹਨਾਂ ਤੋਂ ਰਿਐਕਟ ਨਾ ਕਰਨ ਦੀ ਉਮੀਦ ਕਿਵੇਂ ਕਰ ਸਕਦੇ ਹੋ।
