ਬਿਓਰੋ। ਲੰਮੇ ਤਣਾਅ ਤੋਂ ਬਾਅਦ ਵੀਰਵਾਰ ਸਵੇਰੇ ਸਾਢੇ 8 ਵਜੇ ਯੂਕ੍ਰੇਨ ‘ਤੇ ਹਮਲਾ ਬੋਲ ਦਿੱਤਾ। ਰੂਸੀ ਫੌਜੀ ਯੂਕ੍ਰੇਨ ਦੀ ਰਾਜਧਾਨੀ ਕੀਵ ਵਿੱਚ ਦਾਖਲ ਹੋ ਚੁੱਕੇ ਹਨ। ਜਾਣਕਾਰੀ ਮੁਤਾਬਕ, ਇਸ ਹਮਲੇ ਵਿੱਚ ਹੁਣ ਤੱਕ 40 ਯੂਕ੍ਰੇਨੀ ਫੌਜੀ ਅਤੇ 10 ਨਾਗਰਿਕ ਮਾਰੇ ਜਾ ਚੁੱਕੇ ਹਨ। ਓਧਰ ਯੂਕ੍ਰੇਨ ਨੇ ਵੀ ਰੂਸ ਦੇ 50 ਫੌਜੀਆਂ ਨੂੰ ਮਾਰਨ ਅਤੇ 6 ਫਾਈਟਰ ਜੈੱਟ ਤਬਾਹ ਕਰਨ ਦਾ ਦਾਅਵਾ ਕੀਤਾ ਹੈ।
ਯੂਕ੍ਰੇਨ ਅਤੇ ਰੂਸ ਵਿਚਕਾਰ ਇਸ ਜੰਗ ਵਰਗੇ ਮਾਹੌਲ ਦੇ ਚਲਦੇ ਪੰਜਾਬ ਵਿੱਚ ਵੀ ਟੈਂਸ਼ਨ ਵੱਧ ਗਈ ਹੈ। ਦਰਅਸਲ, ਯੂਕ੍ਰੇਨ ਵਿੱਚ ਫਸੇ ਭਾਰਤੀਆਂ ਵਿੱਚ ਵੱਡੀ ਗਿਣਤੀ ਪੰਜਾਬੀ ਵੀ ਸ਼ਾਮਲ ਹਨ। ਇਸ ਲਈ ਪੰਜਾਬ ਦੇ ਸਿਆਸਤਦਾਨ ਭਾਰਤ ਸਰਕਾਰ ਤੋਂ ਪੰਜਾਬੀਆਂ ਦੀ ਸਹੀ ਸਲਾਮਤ ਵਾਪਸੀ ਦੀ ਗੁਹਾਰ ਲਗਾ ਰਹੇ ਹਨ।
ਪੰਜਾਬ ਦੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੇ ਟਵੀਟ ਕੀਤਾ, “ਰੂਸ-ਯੂਕ੍ਰੇਨ ਵਿਚਕਾਰ ਚੱਲ ਰਹੀ ਜੰਗ ਨੂੰ ਲੈ ਕੇ ਚਿੰਤਤ ਹਾਂ। ਹਮਲੇ ਦਾ ਸਾਹਮਣਾ ਕਰ ਰਹੇ ਯੂਕ੍ਰੇਨ ਤੋਂ ਭਾਰਤੀਆਂ, ਖਾਸਕਰ ਪੰਜਾਬੀਆਂ ਦੀ ਸੁਰੱਖਿਅਤ ਵਾਪਸੀ ਲਈ ਮਾਣਯੋਗ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਜੀ ਤੋਂ ਦਖਲ ਦੀ ਅਪੀਲ ਕਰਦਾ ਹਾਂ।”
Deeply concerned over the ongoing Russia-Ukraine war. I urge Hon’ble PM @narendramodi Ji to intervene for the rescue and safe return of Indians in general and Punjabis in particular, stuck in war hit Ukraine.
— Charanjit S Channi (@CHARANJITCHANNI) February 24, 2022
ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਵੀ ਭਾਰਤ ਸਰਕਾਰ ਤੋਂ ਮਦਦ ਮੰਗੀ। ਉਹਨਾਂ ਕਿਹਾ, “ਯੂਕ੍ਰੇਨ ਵਿੱਚ ਹਾਲਾਤ ਖਤਰਨਾਕ ਹੋ ਚੁੱਕੇ ਹਨ। ਮੈਂ ਭਾਰਤ ਸਰਕਾਰ ਨੂੰ ਅਪੀਲ ਕਰਦਾ ਹਾਂ ਕਿ ਉਥੇ ਫਸੇ ਸਾਡੇ ਸਾਰੇ ਭਾਰਤੀਆਂ ਦੀ ਸੁਰੱਖਿਅਤ ਅਤੇ ਜਲਦ ਵਾਪਸੀ ਲਈ ਆਪਣੀ ਪੂਰੀ ਤਾਕਤ ਲਗਾਈ ਜਾਵੇ।“
Given the precarious situation developing in Ukraine, I urge the Govt. of India to put all mechanisms in place for the safe and early return of all our nationals stuck there. @DrSJaishankar
— Capt.Amarinder Singh (@capt_amarinder) February 24, 2022
ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਵੀ ਕੇਂਦਰੀ ਵਿਦੇਸ਼ ਮੰਤਰੀ ਅਪੀਲ ਕੀਤੀ ਕਿ ਜ਼ਰੂਰੀ ਬੰਦੋਬਸਤ ਕੀਤੇ ਜਾਣ। ਉਹਨਾਂ ਟਵੀਟ ਕੀਤਾ, “ਕੇਂਦਰੀ ਵਿਦੇਸ਼ ਮੰਤਰੀ ਡਾ. ਜੈਸ਼ੰਕਰ ਨੂੰ ਅਪੀਲ ਕਰਦਾ ਹਾਂ ਕਿ ਯੂਕ੍ਰੇਨ ਵਿੱਚ ਫਸੇ ਸਾਰੇ ਭਾਰਤੀਆਂ, ਖਾਸਕਰ ਸੈਂਕੜੇ ਪੰਜਾਬੀ ਨੌਜਵਾਨਾਂ ਨੂੰ ਵਾਪਸ ਲਿਆਉਣ ਲਈ ਜ਼ਰੂਰੀ ਬੰਦੋਬਸਤ ਕੀਤੇ ਜਾਣ। ਰੂਸ ਵੱਲੋਂ ਜੰਗ ਦੇ ਐਲਾਨ ਤੋਂ ਬਾਅਦ ਪੰਜਾਬੀ ਖੌਫ਼ ਦੇ ਮਾਹੌਲ ‘ਚ ਜੀ ਰਹੇ ਹਨ। ਸਾਰੇ ਭਾਰਤੀਆਂ ਨੂੰ ਤੁਰੰਤ ਏਅਰਲਿਫਟ ਕੀਤਾ ਜਾਣਾ ਚਾਹੀਦਾ ਹੈ।“
Urge External Affairs Minister @DrSJaishankar to take emergency measures to evacuate Indians stranded in #Ukraine, especially hundreds of Punjabi youth who have sent out distress calls after declaration of war by Russia. All Indians may be air-lifted immediately.#UkraineRussia pic.twitter.com/FrEnWoNkey
— Sukhbir Singh Badal (@officeofssbadal) February 24, 2022
