November 20
ਪੰਜਾਬ ਚ 3 ਕਮਿਸ਼ਨਰਾਂ ਅਤੇ 7 ਜ਼ਿਲ੍ਹਿਆਂ ਦੇ ਐਸਐਸਪੀਆਂ ਸਮੇਤ 31 IPS ਅਤੇ PPS ਅਫ਼ਸਰਾਂ ਦੇ ਤਬਾਦਲੇ ਕੀਤੇ ਗਏ ਨੇ। ਅੰਮ੍ਰਿਤਸਰ, ਲੁਧਿਆਣਾ ਅਤੇ ਜਲੰਧਰ ਦੇ ਕਮਿਸ਼ਨਰ ਬਦਲੇ ਗਏ ਨੇ। ਬਠਿੰਡਾ, ਮੋਗਾ, ਰੋਪੜ, ਸੰਗਰੂਰ, ਹੁਸ਼ਿਆਰਪੁਰ, ਮਲੇਰਕੋਟਲ ਅਤੇ ਪਠਾਨਕੋਟ ਜ਼ਿਲ੍ਹਿਆਂ ਦੇ ਪੁਲਿਸ ਮੁੱਖੀ ਵੀ ਬਦਲ ਦਿੱਤੇ ਗਏ ਨੇ।
ਕੁਲਦੀਪ ਚਾਹਲ ਨੂੰ ਜਲੰਧਰ ਤੋਂ ਬਦਲ ਕੇ ਲੁਧਿਆਣਾ ਦਾ ਕਮਿਸ਼ਨਰ ਲਾਇਆ ਗਿਆ ਹੈ ਜਦੋਂ ਕਿ ਸਵਪਨ ਸ਼ਰਮਾ ਜਲੰਧਰ ਦੇ ਕਮਿਸ਼ਨਰ ਹੋਣਗੇ। ਗੁਰਪ੍ਰੀਤ ਭੁੱਲਰ ਅੰਮ੍ਰਿਤਸਰ ਨੇ ਨਵੇਂ ਪੁਲਿਸ ਕਮਿਸ਼ਨਰ ਹੋਣਗੇ ਜਦੋਂ ਕਿ ਨੌਨਿਹਾਲ ਸਿੰਘ ਨੂੰ ਡੀਜੀਪੀ ਨੂੰ ਰਿਪੋਰਟ ਕਰਨ ਲਈ ਕਿਹਾ ਗਿਆ ਹੈ।
ਵਕੀਲਾਂ ਦੇ ਵਿਰੋਧ ਉਪਰੰਤ ਮੁਕਤਸਰ ਤੋਂ ਬਦਲੇ ਗਏ ਐਸਐਸਪੀ ਹਰਮਨ ਬੀਰ ਸਿੰਘ ਗਿਲ ਨੂੰ ਬਠਿੰਡਾ ਦਾ SSP ਲਾਇਆ ਗਿਆ ਹੈ। ਵਿਵੇਕ ਸ਼ੀਲ ਸੋਨੀ ਮੋਗਾ, ਗੁਲਨੀਤ ਖੁਰਾਨਾ ਰੋਪੜ ਅਤੇ ਸੁਰਿੰਦਰ ਲਾਂਬਾ ਹੁਸ਼ਿਆਰਪੁਰ ਦੇ ਐਸਐਸਪੀ ਹੋਣਗੇ। ਹਰਕਮਲਪ੍ਰੀਤ ਖੱਖ ਨੂੰ ਮਲੇਰਕੋਟਲਾ ਅਤੇ ਦਿਲਜਿੰਦਰ ਸਿੰਘ ਨੂੰ ਪਠਾਨਕੋਟ ਐਸਐਸਪੀ ਲਾਇਆ ਗਿਆ ਹੈ।
