ਅਂਮ੍ਰਿਤਸਰ। ਐਤਵਾਰ ਦੀ ਸਵੇਰ ਅੰਮ੍ਰਿਤਸਰ ਦੇ BSF ਹੈੱਡਕੁਆਰਟਰ ਦੀ ਮੈੱਸ ਵਿੱਚ ਅਚਾਨਕ ਤਾਬੜਤੋੜ ਗੋਲੀਬਾਰੀ ਹੋਣ ਲੱਗੀ। ਗੋਲੀਬਾਰੀ ਕਰਨ ਵਾਲਾ ਹੋਰ ਕੋਈ ਨਹੀੰ, ਬਲਕਿ BSF ਦਾ ਹੀ ਜਵਾਨ ਸੀ। ਜਾਣਕਾਰੀ ਮੁਤਾਬਕ, ਡਿਊਟੀ ਦੀ ਪਰੇਸ਼ਾਨੀ ਦੇ ਚਲਦੇ ਉਸਨੇ ਹੈੱਡਕੁਆਰਟਰ ਵਿੱਚ ਗੋਲੀਆਂ ਚਲਾਈਆਂ। ਇਸ ਫਾਇਰਿੰਗ ਦੌਰਾਨ 4 ਜਵਾਨਾਂ ਦੀ ਮੌਤ ਹੋ ਗਈ, ਜਦਕਿ 1 ਜ਼ਖਮੀ ਦੱਸਿਆ ਜਾ ਰਿਹਾ ਹੈ। ਇਸਦੇ ਨਾਲ ਹੀ ਫਾਇਰਿੰਗ ਕਰਨ ਵਾਲੇ ਜਵਾਨ ਨੇ ਵੀ ਬਾਅਦ ਵਿੱਚ ਖੁਦ ਨੂੰ ਗੋਲੀ ਮਾਰ ਕੇ ਸੁਸਾਈਡ ਕਰ ਲਿਆ। ਫਾਇਰਿੰਗ ਕਰਨ ਵਾਲੇ ਜਵਾਨ ਦੀ ਪਛਾਣ ਬਟਾਲੀਅਨ 144 ਦੇ ਕਾਂਸਟੇਬਲ ਸੱਤਿਅਪਾ ਐੱਸ.ਕੇ. ਦੇ ਰੂਪ ਵਿੱਚ ਹੋਈ ਹੈ।
ਨਾਸ਼ਤਾ ਕਰ ਰਹੇ ਹਨ BSF ਜਵਾਨ
ਜਾਣਕਾਰੀ ਮੁਤਾਬਕ, ਖਾਸਾ ਸਥਿਤ BSF ਹੈੱਡਕੁਆਰਟਰ ਦੀ ਮੈੱਸ ਵਿੱਚ ਬਟਾਲੀਅਨ 144 ਦੇ ਜਵਾਨ ਨਾਸ਼ਤਾ ਕਰ ਰਹੇ ਸਨ। ਇਸੇ ਦੌਰਾਨ ਸੱਤਿਅਪਾ ਗੁੱਸੇ ਵਿੱਚ ਉਥੇ ਆਇਆ ਅਤੇ ਅੰਨ੍ਹੇਵਾਹ ਫਾਇਰਿੰਗ ਕਰਨ ਲੱਗਿਆ। ਇਸ ਘਟਨਾ ਨਾਲ ਹੈੱਡਕੁਆਰਟਰ ਵਿੱਚ ਹੜਕੰਪ ਮਚ ਗਿਆ। ਮੈੱਸ ਵਿੱਚ ਗੋਲੀਆਂ ਚਲਾ ਕੇ ਸੱਤਿਅਪਾ ਨੇ ਆਪਣੇ 4 ਸਾਥੀਆਂ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ, ਜਦਕਿ ਰਾਹੁਲ ਨਾਮੀ ਇੱਕ ਜਵਾਨ ਗੰਭੀਰ ਜ਼ਖਮੀ ਹੋ ਗਿਆ। ਸੱਤਿਅਪਾ ਇਥੇ ਹੀ ਨਹੀੰ ਰੁਕਿਆ। ਉਹ ਆਪਣੀ ਸਰਵਿਸ ਕੰਬਾਈਨ ਲੈ ਕੇ ਮੈੱਸ ਤੋੰ ਬਾਹਰ ਭੱਜਿਆ ਅਤੇ ਲਗਾਤਾਰ ਗੋਲੀਆਂ ਚਲਾਉੰਦਾ ਰਿਹਾ।
ਬਾਅਦ ਵਿੱਚ ਫੜੇ ਜਾਣ ਦੇ ਡਰ ਤੋੰ ਸੱਤਿਅਪਾ ਨੇ ਖੁਦ ਨੂੰ ਵੀ ਗੋਲੀ ਮਾਰ ਲਈ। 4 ਜਵਾਨਾਂ ਦੀ ਮੌਤ ਮੌਕੇ ‘ਤੇ ਹੀ ਹੋ ਗਈ ਅਤੇ 1 ਹੋਰ ਜ਼ਖਮੀ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ। ਇਹਨਾਂ ਵਿੱਚੋੰ ਹਮਲਾਵਰ ਸੱਤਿਅਪਾ ਨੇ ਰਸਤੇ ਵਿੱਚ ਹੀ ਦਮ ਤੋੜ ਦਿੱਤਾ। ਗੁਰੂ ਨਾਨਕ ਦੇਵ ਹਸਪਤਾਲ ‘ਚ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤ ਐਲਾਨ ਦਿੱਤਾ। ਦੂਜੇ ਜ਼ਖਮੀ ਜਵਾਨ ਦਾ ਹਸਪਤਾਲ ਵਿੱਚ ਇਲਾਜ ਚੱਲ ਰਿਹਾ ਹੈ, ਜਿਥੇ ਉਸਦੀ ਹਾਲਤ ਗੰਭੀਰ ਬਣੀ ਹੋਈ ਹੈ।
