ਬਿਓਰੋ। ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਅਸਤੀਫਾ ਦੇਣ ਦੇ ਬਾਅਦ ਤੋਂ ਹੀ ਹਾਈਕਮਾਂਡ ਅਤੇ ਨਵਜੋਤ ਸਿੰਘ ਸਿੱਧੂ ਖਿਲਾਫ਼ ਹਮਲਾਵਰ ਰੁਖ ਅਪਣਾਇਆ ਹੋਇਆ ਹੈ। ਕੈਪਟਨ ਨੇ ਹਾਈਕਮਾਂਡ ‘ਤੇ ਉਹਨਾਂ ਦਾ ਅਪਮਾਨ ਕਰਨ ਦਾ ਇਲਜਾਮ ਲਾਇਆ ਸੀ, ਜਿਸ ‘ਤੇ ਹੁਣ ਪੰਜਾਬ ਕਾਂਗਰਸ ਇੰਚਾਰਜ ਹਰੀਸ਼ ਰਾਵਤ ਨੇ ਜਵਾਬ ਦਿੱਤਾ ਹੈ।
ਰਾਵਤ ਨੇ ਕਿਹਾ, “ਕਾਂਗਰਸ ਨੇ ਅਮਰਿੰਦਰ ਸਿੰਘ ਨੂੰ 3 ਵਾਰ ਪਾਰਟੀ ਪ੍ਰਧਾਨ ਅਤੇ 2 ਵਾਰ ਮੁੱਖ ਮੰਤਰੀ ਬਣਾਇਆ। ਇਸ ਵਿੱਚ ਅਪਮਾਨ ਕਿਵੇਂ ਹੋ ਗਿਆ? ਜੇਕਰ ਇਹ ਅਪਮਾਨ ਹੈ, ਤਾਂ ਉਹਨਾਂ ਆਗੂਆਂ ਦਾ ਕੀ, ਜਿਹਨਾਂ ਨੂੰ ਅਮਰਿੰਦਰ ਦੇ ਬਰਾਬਰ ਮੌਕੇ ਨਹੀਂ ਮਿਲੇ।” ਉਹਨਾਂ ਕਿਹਾ, “ਕਾਂਗਰਸ ਨੇ ਹਾਲੇ ਤੱਕ ਅਮਰਿੰਦਰ ਸਿੰਘ ਦਾ ਸਨਮਾਨ ਬਣਾਏ ਰੱਖਣ ਲਈ ਸਭ ਕੁਝ ਕੀਤਾ। ਪੰਜਾਬ ਵਿਧਾਉਕ ਦਲ ਦੀ ਬੈਠਕ ਦੇ ਬਾਰੇ ਵੀ ਉਹਨਾਂ ਨੂੰ ਦੱਸਿਆ ਜਾ ਚੁੱਕਿਆ ਸੀ। ਉਸ ਤੋਂ ਬਾਅਦ ਜੋ ਵੀ ਫੈਸਲੇ ਲਏ ਗਏ, ਉਹ ਅਗਾਮੀ ਚੋਣਾਂ ਵਿੱਚ ਕਾਂਗਰਸ ਦੀ ਜਿੱਤ ਦੀ ਸੰਭਾਵਨਾ ਵਧਾਉਣ ਲਈ ਹਨ।“ ਰਾਵਤ ਨੇ ਕਿਹਾ ਕਿ ਪੰਜਾਬ ਅਤੇ ਦੇਸ਼ ਦਾ ਧਿਆਨ ਭਟਕਾਉਣ ਲਈ ਕੈਪਟਨ ਦੇ ਅਪਮਾਨ ਦੀ ਥਿਓਰੀ ਬਣਾਈ ਜਾ ਰਹੀ ਹੈ।
ਦੁਨੀਆ ਨੇ ਵੇਖਿਆ ਕੀ ਹੋਇਆ- ਕੈਪਟਨ
ਹਰੀਸ਼ ਰਾਵਤ ਦੇ ਬਿਆਨ ਦੇ ਜਵਾਬ ਵਿੱਚ ਕੈਪਟਨ ਨੇ ਕਿਹਾ, “ਮੇਰਾ ਜੋ ਅਪਮਾਨ ਹੋਇਆ, ਉਹ ਪੂਰੀ ਦੁਨੀਆ ਨੇ ਵੇਖਿਆ। ਜੇਕਰ ਉਹ ਅਪਮਾਨ ਨਹੀਂ ਸੀ, ਤਾਂ ਕੀ ਸੀ। ਜੇਕਰ ਪਾਰਟੀ ਮੇਰਾ ਅਪਮਾਨ ਨਹੀਂ ਕਰਨਾ ਚਾਹੁੰਦੀ ਸੀ, ਤਾਂ ਸਿੱਧੂ ਨੂੰ ਸੋਸ਼ਲ ਮੀਡੀਆ ਅਤੇ ਬਾਕੀ ਪਲੇਟਫਾਰਮਸ ‘ਤੇ ਮਹੀਨਿਆਂ ਤੱਕ ਖੁੱਲ੍ਹੇ ਤੌਰ ‘ਤੇ ਮੇਰੀ ਅਲੋਚਨਾ ਅਤੇ ਹਮਲੇ ਦੀ ਇਜਾਜ਼ਤ ਕਿਉਂ ਦਿੱਤੀ ਗਈ। ਸਿੱਧੂ ਦੀ ਅਗਵਾਈ ਵਿੱਚ ਬਾਗੀਆਂ ਨੂੰ ਮੇਰੇ ਅਧਿਕਾਰ ਨੂੰ ਘੱਟ ਕਰਨ ਦੀ ਖੁੱਲ੍ਹੀ ਛੋਟ ਕਿਉਂ ਦਿੱਤੀ ਗਈ ?” ਉਹਨਾਂ ਕਿਹਾ ਕਿ ਰਾਵਤ ਨੂੰ ਉਹਨਾਂ ਦੀ ਜਗ੍ਹਾ ਆ ਕੇ ਸੋਚਣਾ ਚਾਹੀਦਾ ਹੈ ਕਿ ਵਿਧਾਇਕ ਦਲ ਦੀ ਬੈਛਕ ਤੋਂ ਠੀਕ 2 ਘੰਟੇ ਪਹਿਲਾਂ ਉਹਨਾਂ ਨੂੰ ਅਸਤੀਫੇ ਲਈ ਮਜਬੂਰ ਕਿਉਂ ਕੀਤਾ ਗਿਆ।
'If @INCIndia didn't intend to humiliate me why did they let @sherryontopp attack me on public platforms for months? Why did they give rebels led by Sidhu a free hand in undermining my authority? What hold does Sidhu still have on party?’: @capt_amarinder to @harishrawatcmuk pic.twitter.com/TPHCnbj4Kc
— Raveen Thukral (@RT_Media_Capt) October 1, 2021
ਕੈਪਟਨ BJP ਦਾ ਮੁਖੌਟਾ ਨਾ ਬਣਨ- ਰਾਵਤ
ਹਰੀਸ਼ ਰਾਵਤ ਨੇ ਕੈਪਟਨ ਅਮਰਿੰਦਰ ਸਿੰਘ ਦੇ ਬਿਆਨਾਂ ਨੂੰ ਉਹਨਾਂ ਦੀ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨਾਲ ਹੋਈ ਮੁਲਾਕਾਤ ਦੇ ਨਾਲ ਵੀ ਜੋੜਿਆ। ਸੂਬਾ ਕਾਂਗਰਸ ਇੰਚਾਰਜ ਨੇ ਕਿਹਾ, “ਇਸ ਵਕਤ ਕੈਪਟਨ ਅਮਰਿੰਦਰ ਸਿੰਘ ਨੂੰ ਸੋਨੀਆ ਗਾਧੀ ਦੇ ਨਾਲ ਖੜ੍ਹੇ ਹੋਣਾ ਚਾਹੀਦਾ ਹੈ, ਨਾ ਕਿ ਬੀਜੇਪੀ ਦਾ ਮੁਖੌਟਾ ਬਣਨਾ ਚਾਹੀਦਾ ਹੈ।” ਉਹਨਾਂ ਅੱਗੇ ਕਿਹਾ, “ਅਮਰਿੰਦਰ ਸਿੰਘ ਨੂੰ ਪੰਜਾਬ ਅਤੇ ਕਿਸਾਨ ਵਿਰੋਧੀ ਬੀਜੇਪੀ ਦੀ ਸਿੱਧੇ ਜਾਂ ਅਸਿੱਧੇ ਤਰੀਕੇ ਨਾਲ ਕੋਈ ਮਦਦ ਨਹੀਂ ਕਰਨੀ ਚਾਹੀਦੀ।”
ਮੇਰੇ ਬਿਆਨ ਨੂੰ ਸ਼ਾਹ ਨਾਲ ਮੁਲਾਕਾਤ ਨਾਲ ਜੋੜਨਾ ਗਲਤ- ਕੈਪਟਨ
ਕੈਪਟਨ ਨੇ ਕਿਹਾ ਕਿ ਅਪਮਾਨ ਨਾਲ ਜੁੜੇ ਮੇਰੇ ਬਿਆਨ ਨਾਲ ਅਮਿਤ ਸ਼ਾਹ ਨਾਲ ਹੋਈ ਮੁਲਾਕਾਤ ਨਾਲ ਜੋੜਨਾ ਪੂਰੀ ਤਰ੍ਹਾਂ ਬਕਵਾਸ ਹੈ। ਉਹਨਾਂ ਕਿਹਾ ਕਿ ਮੈਂ ਇਹ ਗੱਲ ਕੇਂਦਰੀ ਗ੍ਰਹਿ ਮੰਤਰੀ ਨਾਲ ਮੁਲਾਕਾਤ ਤੋਂ ਪਹਿਲਾਂ ਹੀ ਕਹਿ ਦਿੱਤੀ ਸੀ ਕਿ ਕਾਂਗਰਸ ਵਿੱਚ ਮੈਨੂੰ 3 ਵਾਰ ਅਪਮਾਨ ਝੱਲਣਾ ਪਿਆ।
'I said on day of my resignation, long before meeting @AmitShah, that I'd been humiliated thrice by @INCIndia. What @harishrawatcmuk is saying is nonsense. Any suggestion of link between my humiliation remark & meet with Union Home Minister is nonsense': @capt_amarinder pic.twitter.com/QUUkZnQ4gz
— Raveen Thukral (@RT_Media_Capt) October 1, 2021
ਕੈਪਟਨ ਨੇ ਕੰਮ ਨਹੀਂ ਕੀਤਾ, ਇਸ ਲਈ ਤਖਤਾਪਲਟ ਹੋਇਆ- ਰਾਵਤ
ਸਾਬਕਾ ਸੀਐੱਮ ਖਿਲਾਫ਼ ਬੋਲਦਿਆਂ ਹਰੀਸ਼ ਰਾਵਤ ਨੇ ਇਹ ਵੀ ਕਿਹਾ ਕਿ ਪੰਜਾਬ ਵਿੱਚ ਤਖਤਾਪਲਟ ਇਸ ਲਈ ਹੋਇਆ ਹੈ, ਕਿਉਂਕਿ ਕੈਪਟਨ ਨੇ ਪੰਜਾਬ ਦੇ ਮੁੱਦਿਆਂ ‘ਤੇ ਕੰਮ ਨਹੀਂ ਕੀਤਾ। ਉਹਨਾਂ ਕਿਹਾ, “ਅਕਾਲੀ ਦਲ ਦੀ ਸਾਜਿਸ਼ ਨਾਲ ਪੰਜਾਬ ‘ਚ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬੇਅਦਬੀ ਹੋਈ। ਇਸਦੇ ਖਿਲਾਫ਼ ਅਵਾਜ਼ ਚੁੱਕਣ ਵਾਲਿਆਂ ‘ਤੇ ਗੋਲੀਆਂ ਚਲਾਈਆਂ ਗਈਆਂ। ਪਿਛਲੀਆਂ ਚੋਣਾਂ ਦੌਰਾਨ ਕਾਂਗਰਸ ਨੇ ਵਾਅਦਾ ਕੀਤਾ ਸੀ ਕਿ ਦੋਸ਼ੀਆਂ ਨੂੰ ਸਜਾ ਦਿੱਤੀ ਜਾਵੇਗੀ, ਪਰ ਇਸ ਤੋਂ ਬਾਅਦ ਹਾਈਕੋਰਟ ਵਿੱਚ ਕੇਸ ਦੀ ਪੈਰਵੀ ਸਹੀ ਤਰੀਕੇ ਨਾਲ ਨਹੀਂ ਕੀਤੀ ਗਈ, ਜਿਸ ਕਾਰਨ ਸਰਕਾਰ ਦੀਆਂ ਦਲੀਲਾਂ ਖਾਰਜ ਹੋ ਗਈਆਂ। ਤਤਕਾਲੀ ਮੰਤਰੀਮੰਡਲ ਅਤੇ ਕਾਂਗਰਸੀ ਆਗੂਆਂ ਨੇ ਬੇਅਦਬੀ ਦੇ ਮਾਮਲੇ ਨੂੰ ਸਹੀ ਤਰੀਕੇ ਨਾਲ ਹੈਂਡਲ ਨਾ ਕਰਨ ਲਈ ਕੈਪਟਨ ਨੂੰ ਜਿੰਮੇਵਾਰ ਠਹਿਰਾਇਆ। ਵਿਵਾਦ ਵਧਿਆ, ਤਾਂ ਪਾਰਟੀ ਨੇ 3 ਮੈਂਬਰੀ ਕਮੇਟੀ ਬਣਾਈ। ਇਸ ਤੋਂ ਬਾਅਦ ਹਾਈਕਮਾਂਡ ਨੇ ਕੈਪਟਨ ਅਮਰਿੰਦਰ ਸਿੰਘ ਨੂੰ 18 ਨੁਕਾਤੀ ਏਜੰਡਾ ਭੇਜਿਆ, ਪਰ ਕਈ ਮਹੀਨਿਆਂ ਦੇ ਬਾਵਜੂਦ ਇਸ ‘ਤੇ ਕੰਮ ਨਹੀਂ ਹੋਇਆ। ਵਾਰ-ਵਾਰ ਕਹਿਣ ‘ਤੇ ਵੀ ਕੋਈ ਕਾਰਵਾਈ ਨਹੀਂ ਕੀਤੀ ਗਈ। ਉਸ ਤੋਂ ਬਾਅਦ ਮੈਂ ਵੀ ਅਮਰਿੰਦਰ ਸਿੰਘ ਨਾਲ ਮੁਲਾਕਾਤ ਲਈ ਚੰਡੀਗੜ੍ਹ ਆਇਆ, ਜਦੋਂ ਕੈਪਟਨ ਨੇ ਮੈਨੂੰ ਜਲਦ ਕਾਰਵਾਈ ਦਾ ਭਰੋਸਾ ਦਿੱਤਾ। ਇਸਦੇ ਬਾਅਦ ਵੀ ਅਗਲੇ 20 ਦਿਨਾਂ ਵਿੱਚ ਕੋਈ ਕਾਰਵਾਈ ਨਹੀਂ ਹੋਈ। ਇਸ ਤੋਂ ਬਾਅਦ 43 ਵਿਧਾਇਕਾਂ ‘ਤੇ ਪਾਰਟੀ ਸਾਹਮਣੇ ਇਤਰਾਜ਼ ਜਤਾਇਆ ਕਿ ਹਾਈਕਮਾਂਡ ਦੇ ਭੇਜੇ ਫਾਰਮੂਲੇ ‘ਤੇ ਕੋਈ ਕਾਰਵਾਈ ਨਹੀਂ ਹੋ ਰਹੀ, ਜਿਸਦੇ ਚਲਦੇ ਸਾਨੂੰ ਪੰਜਾਬ ਅਤੇ ਪਾਰਟੀ ਦੀ ਬਿਹਤਰੀ ਲਈ ਅਮਰਿੰਦਰ ਸਿੰਘ ਨੂੰ ਕੁਰਸੀ ਤੋਂ ਹਟਾਉਣ ਦਾ ਫੈਸਲਾ ਲੈਣਾ ਪਿਆ।”
ਸਿੱਧੂ ਦੀਆਂ ਭਾਵਨਾਵਾਂ ਨਾਲ ਸਮਝੌਤਾ ਨਹੀਂ ਹੋਵੇਗਾ- ਰਾਵਤ
ਇਸਦੇ ਨਾਲ ਹੀ ਹਰੀਸ਼ ਰਾਵਤ ਨੇ ਇਹ ਵੀ ਸਾਫ ਕੀਤਾ ਕਿ ਨਵਜੋਤ ਸਿੱਧੂ ਦੀਆਂ ਭਾਵਨਾਵਾਂ ਨਾਲ ਪਾਰਟੀ ਕੋਈ ਸਮਝੌਤਾ ਨਹੀਂ ਕਰੇਗੀ ਅਤੇ ਕੋਈ ਵੀ ਅਜਿਹਾ ਫੈਸਲਾ ਨਹੀਂ ਹੋਵੇਗਾ, ਜਿਸ ਨਾਲ ਸਿੱਧੂ ਦੀਆਂ ਭਾਵਨਾਵਾਂ ਨਾਲ ਸਮਝੌਤਾ ਹੋਵੇ। ਉਹਨਾਂ ਕਿਹਾ ਕਿ ਭਾਵੁਕਤਾ ਵਿੱਚ ਲੋਕ ਕਈ ਵਾਰ ਬਹੁਤ ਕੁਝ ਕਹਿ ਜਾਂਦੇ ਹਨ। ਉਹਨਾਂ ਕਿਹਾ ਕਿ ਸੀਐੱਮ ਨਾਲ ਸਿੱਧੂ ਦੀ ਮੀਟਿੰਗ ਹੋ ਚੁੱਕੀ ਹੈ ਅਤੇ ਮੈਨੂੰ ਉਮੀਦ ਹੈ ਕਿ ਜਲਦ ਸਥਾਨਕ ਪੱਧਰ ‘ਤੇ ਹੀ ਸਾਰੇ ਮਸਲੇ ਦਾ ਹੱਲ ਕੱਢ ਲਿਆ ਜਾਵੇਗਾ। ਉਹਨਾਂ ਕਿਹਾ ਕਿ ਗੱਲਬਾਤ ਜਾਰੀ ਹੈ ਅਤੇ ਆਖਰੀ ਫੈਸਲਾ ਹੁੰਦੇ ਹੀ ਸਾਰਿਆਂ ਨੂੰ ਦੱਸ ਦਿੱਤਾ ਜਾਵੇਗਾ।
