ਬਿਓਰੋ। ਯੂਪੀ ਦੇ ਲਖੀਮਪੁਰ ਵਿੱਚ 4 ਕਿਸਾਨਾਂ ਸਣੇ 8 ਲੋਕਾਂ ਦੀ ਮੌਤ ਨੇ ਦੇਸ਼ ਦੀ ਸਿਆਸਤ ਵਿੱਚ ਭੂਚਾਲ ਲਿਆ ਦਿੱਤਾ ਹੈ। ਕਾਂਗਰਸ ਸਣੇ ਤਮਾਮ ਵਿਰੋਧੀ ਪਾਰਟੀਆਂ ਇਸ ਮਸਲੇ ਨੂੰ ਲੈ ਕੇ ਯੂਪੀ ਦੀ ਯੋਗੀ ਸਰਕਾਰ ‘ਤੇ ਹਮਲਾਵਰ ਹਨ। ਕਾਂਗਰਸ ਦੇ ਜਨਰਲ ਸਕੱਤਰ ਪ੍ਰਿਅੰਕਾ ਗਾਂਧੀ ਤਾਂ ਐਤਵਾਰ ਦੇਰ ਰਾਤ ਹੀ ਯੂਪੀ ਪਹੁੰਚ ਗਏ ਅਤੇ ਲਖਨਊ ਤੋਂ ਸਿੱਧੇ ਲਖੀਮਪੁਰ ਚਲੇ ਗਏ। ਹਾਲਾਂਕਿ ਪੁਲਿਸ ਨੇ ਉਹਨਾਂ ਨੂੰ ਰਸਤੇ ਵਿੱਚ ਹੀ ਰੋਕ ਲਿਆ ਅਤੇ ਹਿਰਾਸਤ ਵਿੱਚ ਲੈ ਲਿਆ।
ਪ੍ਰਿਅੰਕਾ ਨੇ ਪੁਲਿਸ ਨੂੰ ਗਿਣਾਈਆਂ ਧਾਰਾਵਾਂ
ਹਿਰਾਸਤ ਵਿੱਚ ਲਏ ਜਾਣ ‘ਤੇ ਪ੍ਰਿਅੰਕਾ ਅੱਗ-ਬਬੂਲਾ ਹੋ ਗਈ। ਉਹਨਾਂ ਨੇ ਪੁਲਿਸ ਨੂੰ ਕਿਹਾ, “ਅਰੈਸਟ ਕਰੋ ਅਸੀਂ ਖੁਸ਼ੀ ਨਾਲ ਜਾਵਾਂਗੇ, ਪਰ ਜਿਸ ਤਰ੍ਹਾਂ ਧੱਕਾਮੁੱਕੀ ਕੀਤੀ ਗਈ। ਇਸ ਵਿੱਚ ਫਿਜੀਕਲ ਅਸੌਲਟ, ਅਟੈਂਪਟ ਟੂ ਕਿਡਨੈਪ, ਕਿਡਨੈਪ, ਅਟੈਂਪਟ ਟੂ ਮੋਲੈਸਟ, ਅਟੈਂਪਟ ਨੂੰ ਹਾਰਮ ਦੀਆਂ ਧਾਰਾਵਾਂ ਲਗਦੀਆਂ ਹਨ। ਸਮਝੇ? ਮੈਂ ਸਮਝਦੀ ਹਾਂ। ਹੱਥ ਲਾ ਕੇ ਵੇਖੋ ਮੈਨੂੰ। ਜਾ ਕੇ ਆਪਣੇ ਅਫ਼ਸਰਾਂ-ਮੰਤਰੀਆਂ ਚੋਂ ਵਾਰੰਟ ਲਿਆਓ। ਮਹਿਲਾਵਾਂ ਨੂੰ ਅੱਗੇ ਨਾ ਕਰੋ। ਮੈਨੂੰ ਧੱਕੇ ਮਾਰ ਕੇ ਲਿਆਏ ਹੋ। ਤੁਹਾਡੇ ਸੂਬੇ ਵਿੱਚ ਇਹ ਨਹੀਂ ਚੱਲੇਗਾ। ਦੇਸ਼ ਦਾ ਕਾਨੂੰਨ ਚੱਲੇਗਾ।”
जब नाश मनुज पर छाता है,
पहले विवेक मर जाता है।।राज्यसभा सांसद @deependerSHooda के साथ ये बर्ताव भाजपाई की कायरता का प्रतीक है और @priyankagandhi जी का डटकर खड़े हो जाना साहस का।
विजय साहस की होगी।#PriyankaGandhiwithFarmers#लखीमपुर_किसान_नरसंहार pic.twitter.com/OXtpuu2JE1
— Congress (@INCIndia) October 4, 2021
ਪ੍ਰਿਅੰਕਾ ਦੇ ਇਸ ਅੰਦਾਜ਼ ਨੇ ਦੇਸ਼ ਭਰ ਵਿੱਚ ਕਾਂਗਰਸੀਆਂ ਨੂੰ ਵੀ ਜੋਸ਼ ਨਾਲ ਭਰ ਦਿੱਤਾ। ਪੰਜਾਬ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਸੁਨੀਲ ਜਾਖੜ ਨੂੰ ਪ੍ਰਿਅੰਕਾ ਵਿੱਚ ਉਹਨਾਂ ਦੀ ਦਾਦੀ ਇੰਦਰਾ ਗਾਂਧੀ ਨਜ਼ਰ ਆਉਣ ਲੱਗੇ। ਜਾਖੜ ਨੇ ਕਿਹਾ, “ਜਿਸ ਤਰ੍ਹਾਂ 1997 ਵਿੱਚ ਇੰਦਰਾ ਗਾਂਧੀ ਦੀ ਗ੍ਰਿਫ਼ਤਾਰੀ ਨੇ ਜਨਸੰਘ ਦੀ ਸਰਕਾਰ ਦੇ ਪਤਨ ਦਾ ਕੰਮ ਸ਼ੁਰੂ ਕੀਤਾ, ਉਥੇ ਹੀ ਪ੍ਰਿਅੰਕਾ ਦੀ ਗ੍ਰਿਫ਼ਤਾਰੀ ਬੀਜੇਪੀ ਸਰਕਾਰ ਲਈ ਘਾਤਕ ਸਾਬਿਤ ਹੋਵੇਗੀ।”
If arrest of Mrs Indira Gandhi on October 3,1977 proved to be the undoing of Janta Party’s govt , the arrest of Priyanka Gandhi on October 3,2021 marks the beginning of the end of BJP govt. @INCIndia #FarmerProtest pic.twitter.com/GT27FUVcuT
— Sunil Jakhar (@sunilkjakhar) October 4, 2021
ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਨੇ ਵੀ ਪ੍ਰਿਅੰਕਾ ਦੀ ਤਾਰੀਫ਼ ਕੀਤੀ। ਸਿੱਧੂ ਨੇ ਕਿਹਾ, “ਹਿੰਮਤ, ਤੁਹਾਡਾ ਨਾਂਅ ਪ੍ਰਿਅੰਕਾ ਗਾਂਧੀ ਹੈ।”
Courage, thy name is @PriyankaGandhi !! pic.twitter.com/XQ45nL2aVf
— Navjot Singh Sidhu (@sherryontopp) October 4, 2021
ਇਸ ਵਿਚਾਲੇ ਯੂਪੀ ਪੁਲਿਸ ਦੀ ਹਿਰਾਸਤ ‘ਚ ਪ੍ਰਿਅੰਕਾ ਗਾਂਧੀ ਦੀ ਇੱਕ ਹੋਰ ਤਸਵੀਰ ਸਾਹਮਣੇ ਆਈ ਹੈ, ਜਿਸ ਵਿੱਚ ਉਹ ਝਾੜੂ ਲਗਾਉਂਦੇ ਨਜ਼ਰ ਆ ਰਹੇ ਹਨ। ਕਾਂਗਰਸ ਨੇ ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ, “ਇਹ ਅੰਨਦਾਤਾ ਦੀ ਲੜਾਈ ਹੈ। ਸੰਘਰਸ਼ ਜਾਰੀ ਰਹੇਗਾ।“
ये अनशन है- अन्नदाता के अधिकार के लिए, संवैधानिक अधिकारों की रक्षा के लिए।
भाजपाई हुकूमत हमारे लोकतांत्रिक व संवैधानिक अधिकारों को नहीं कुचल सकती।
गाँधीजी के पथ पर चलते हुए अधिकारों की लड़ाई जारी रहेगी। #KhooniDarpokBJP#लखीमपुर_किसान_नरसंहार pic.twitter.com/qrO636YHrq
— Congress (@INCIndia) October 4, 2021
ਜਿਕਰਯੋਗ ਹੈ ਕਿ ਯੂਪੀ ਦੇ ਲਖੀਮਪੁਰ ਵਿੱਚ ਐਤਵਾਰ ਨੂੰ ਹੋਈ ਹਿੰਸਾ ਵਿੱਚ 4 ਕਿਸਾਨਾਂ ਦੀ ਜਾਨ ਚਲੀ ਗਈ। ਇਲਜਾਮ ਹੈ ਕਿ ਕੇਂਦਰੀ ਰਾਜ ਮੰਤਰੀ ਅਜੇ ਮਿਸ਼ਰਾ ਦੇ ਬੇਟੇ ਨੇ ਆਪਣੀ ਕਾਰ ਨਾਲ ਕੁਚਲ ਕੇ ਇਹਨਾਂ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ। ਹਾਲਾਂਕਿ ਅਜੇ ਮਿਸ਼ਰਾ ਅਤੇ ਉਹਨਾਂ ਦੇ ਬੇਟੇ ਇਲਜਾਮਾਂ ਤੋਂ ਇਨਕਾਰ ਕਰ ਰਹੇ ਹਨ।
